24 ॥ इति श्रीगारुडे महापुराणे पूर्वखण्डे प्रथमांशाक्ये आचारकाण्डे सर्वरोगनिदानं नाम षट्चत्वारिंशदुत्तरशततमो ऽध्यायः श्रीगरुडमहापुराणम्- 147 धन्वन्तरिरुवाच । वक्ष्ये ज्वरनिदानं हि सर्वज्वरविबुद्धये । ज्वरो रोगपतिः पाप्मा मृत्युराजो ऽशनो ऽन्तकः । क्रुद्धदक्षाध्वरध्वंसिरुद्रोर्ध्वनयनोद्भवः
24 // iti śrīgāruḍe mahāpurāṇe pūrvakhaṇḍe prathamāṃśākye ācārakāṇḍe sarvaroganidānaṃ nāma ṣaṭcatvāriṃśaduttaraśatatamo 'dhyāyaḥ śrīgaruḍamahāpurāṇam- 147 dhanvantariruvāca / vakṣye jvaranidānaṃ hi sarvajvaravibuddhaye / jvaro rogapatiḥ pāpmā mṛtyurājo 'śano 'ntakaḥ / kruddhadakṣādhvaradhvaṃsirudrordhvanayanodbhavaḥ
1 ॥ तत्सन्तापो मोहमयः सन्तापात्मापचारजः । विविधैर्नामभिः क्रूरो नानायोनिषु वर्तते
1 // tatsantāpo mohamayaḥ santāpātmāpacārajaḥ / vividhairnāmabhiḥ krūro nānāyoniṣu vartate
2 ॥ पाकलो गजेष्वभितापो वाजिष्वलर्कः कुक्रुरेषु । इन्द्रमदो जलदेष्वप्सु नीलिका ज्योतिरोषधीषु भूम्यामूषरो नाम
2 // pākalo gajeṣvabhitāpo vājiṣvalarkaḥ kukrureṣu / indramado jaladeṣvapsu nīlikā jyotiroṣadhīṣu bhūmyāmūṣaro nāma
3 ॥ हृल्लासश्छर्दनं कासः स्तंभः शैत्य त्वगादिषु । अङ्गेषु च समुद्भूताः पिडकाश्च कफोद्भवे
3 // hṛllāsaśchardanaṃ kāsaḥ staṃbhaḥ śaitya tvagādiṣu / aṅgeṣu ca samudbhūtāḥ piḍakāśca kaphodbhave
4 ॥ काले यथास्वं सर्वेषां प्रवृत्तिर्वृद्धिरेव वा । निदानोक्तोनुपशयो विपरीतोपशायिता
4 // kāle yathāsvaṃ sarveṣāṃ pravṛttirvṛddhireva vā / nidānoktonupaśayo viparītopaśāyitā
5 ॥ अरुचिश्चाविपाकश्च स्तंभमालस्यमेव च । हृद्दाहश्च विपाकश्च तन्द्रा चालस्यमेव च । वस्तिर्विमर्दावनया दोषाणामप्रवर्तनम्
5 // aruciścāvipākaśca staṃbhamālasyameva ca / hṛddāhaśca vipākaśca tandrā cālasyameva ca / vastirvimardāvanayā doṣāṇāmapravartanam
6 ॥ लालाप्रसेको हृल्लासः क्षुन्नाशो रसदं मुखम् । स्वच्छमुष्णगुरुत्वञ्च गात्राणां बहुमूत्रता । न विजीर्णं न च म्लानिर्ज्वरस्यामस्य लक्षणम्
6 // lālāpraseko hṛllāsaḥ kṣunnāśo rasadaṃ mukham / svacchamuṣṇagurutvañca gātrāṇāṃ bahumūtratā / na vijīrṇaṃ na ca mlānirjvarasyāmasya lakṣaṇam
7 ॥ क्षुत्क्षामता लघुत्वं च गात्राणां ज्वरमार्दवम् । दोषप्रवृत्तिरष्टाहान्निरामज्वरलक्षणम्
7 // kṣutkṣāmatā laghutvaṃ ca gātrāṇāṃ jvaramārdavam / doṣapravṛttiraṣṭāhānnirāmajvaralakṣaṇam
8 ॥ यथा स्वलिङ्गं संसर्गे ज्वरसंसर्गजो ऽपि वा । शिरोर्तिमूर्छावमिदेहदाहकण्ठास्यशोषारुचिपर्वभेदाः । उन्निद्रता संभ्रमरोमहर्षा जृंभातिवाक्त्वं पवनात्सपित्तात्
8 // yathā svaliṅgaṃ saṃsarge jvarasaṃsargajo 'pi vā / śirortimūrchāvamidehadāhakaṇṭhāsyaśoṣāruciparvabhedāḥ / unnidratā saṃbhramaromaharṣā jṛṃbhātivāktvaṃ pavanātsapittāt
9 ॥ तापहान्यरुचिपर्वशिरोरुक्ष्ठीवनश्वसनकासविवर्णाः । शीतजाड्यतिमिरभ्रमितन्द्राश्लेष्मवातजनितज्वरलिङ्गम्
9 // tāpahānyaruciparvaśirorukṣṭhīvanaśvasanakāsavivarṇāḥ / śītajāḍyatimirabhramitandrāśleṣmavātajanitajvaraliṅgam
10 ॥ शीतस्तम्भस्वेददाहाव्यवस्थास्तृष्णा कासः श्लेष्मपित्तप्रवृत्तिः । मोहस्तन्द्रालिप्ततिक्तास्यता च ज्ञेयं रूपं श्लेष्मपित्तज्वरस्य
10 // śītastambhasvedadāhāvyavasthāstṛṣṇā kāsaḥ śleṣmapittapravṛttiḥ / mohastandrāliptatiktāsyatā ca jñeyaṃ rūpaṃ śleṣmapittajvarasya
11 ॥ सर्वजो लक्षणैः सर्वैर्दाहो ऽत्र च मुहुर्मुहुः । तदुच्छीतं महा निद्रा दिवा जागरणं निशि
11 // sarvajo lakṣaṇaiḥ sarvairdāho 'tra ca muhurmuhuḥ / taducchītaṃ mahā nidrā divā jāgaraṇaṃ niśi
12 ॥ सदा वा नैव वा निद्रा महास्वेदो हि नैव वा । गीतनर्तनहास्यादिः प्रकृतेहाप्रवर्तनम्
12 // sadā vā naiva vā nidrā mahāsvedo hi naiva vā / gītanartanahāsyādiḥ prakṛtehāpravartanam
13 ॥ साश्रुणी कलुषे रक्ते भुग्ने लुलितपक्ष्मणी । अक्षिणी पिण्डिकापार्श्वशिरः पर्वास्थिरुग्भ्रमः
13 // sāśruṇī kaluṣe rakte bhugne lulitapakṣmaṇī / akṣiṇī piṇḍikāpārśvaśiraḥ parvāsthirugbhramaḥ
14 ॥ सस्वनौ सरुजौ कर्णौ महाशीतौ हि नैव वा । परिदग्धा खरा जिह्वा गुरुस्त्रस्ताङ्गसन्धिता
14 // sasvanau sarujau karṇau mahāśītau hi naiva vā / paridagdhā kharā jihvā gurustrastāṅgasandhitā
15 ॥ ष्ठीवनं रक्तपित्तस्य लोठनं शिरसो ऽतितृट् । कोष्ठानां श्यावरक्तानां मण्डलानां च दर्शनम्
15 // ṣṭhīvanaṃ raktapittasya loṭhanaṃ śiraso 'titṛṭ / koṣṭhānāṃ śyāvaraktānāṃ maṇḍalānāṃ ca darśanam
16 ॥ हृद्व्यथा मलंससर्गः प्रवृत्तिर्वाल्पशो ऽति वा । स्निग्धास्यता बलभ्रंशः स्वरसादः प्रलापितः
16 // hṛdvyathā malaṃsasargaḥ pravṛttirvālpaśo 'ti vā / snigdhāsyatā balabhraṃśaḥ svarasādaḥ pralāpitaḥ
17 ॥ दोषपाकश्चिरं तन्द्रा प्रततं कण्ठकूजनम् । सन्निपातमभिन्यासं तं ब्रूयाच्च हतौजसम्
17 // doṣapākaściraṃ tandrā pratataṃ kaṇṭhakūjanam / sannipātamabhinyāsaṃ taṃ brūyācca hataujasam
18 ॥ वायुना कण्ठरुद्धेन पित्तमन्तः सुपीडितम् । व्यवायित्वाच्च सौख्याच्च बहिर्मर्गं प्रपद्यते । तेन हारिद्रनेत्रत्वं सन्निपातोद्भवेज्वरे
18 // vāyunā kaṇṭharuddhena pittamantaḥ supīḍitam / vyavāyitvācca saukhyācca bahirmargaṃ prapadyate / tena hāridranetratvaṃ sannipātodbhavejvare
19 ॥ दोषे विवृद्धे नष्टे ऽग्नौ सर्वसंपूर्णलक्षणः । सान्निपातज्वरो ऽसाध्यः कृच्छ्रसाध्यस्ततो ऽन्यथा
19 // doṣe vivṛddhe naṣṭe 'gnau sarvasaṃpūrṇalakṣaṇaḥ / sānnipātajvaro 'sādhyaḥ kṛcchrasādhyastato 'nyathā
20 ॥ अन्यत्र सन्निपातोत्थं यत्र पित्तं पृथक्स्थितम् । त्वचि कोष्ठे च वा दाहं विदधाति पुरो ऽनु वा
20 // anyatra sannipātotthaṃ yatra pittaṃ pṛthaksthitam / tvaci koṣṭhe ca vā dāhaṃ vidadhāti puro 'nu vā
21 ॥ तद्वद्वातकफे शीतं दाहादिर्दुस्तरस्तयोः । शीतादौ तत्र पित्तेन कफे स्यान्दितशोषिते
21 // tadvadvātakaphe śītaṃ dāhādirdustarastayoḥ / śītādau tatra pittena kaphe syānditaśoṣite
22 ॥ पित्ते शान्ते ऽथ वै मूर्छा मदस्तृष्णा च जायते । दाहादौ पुनरन्तेषु तन्द्रालस्ये वमिः क्रमात्
22 // pitte śānte 'tha vai mūrchā madastṛṣṇā ca jāyate / dāhādau punaranteṣu tandrālasye vamiḥ kramāt
23 ॥ आगन्तुरभिगाताभिषङ्गशापाभिचारतः । चतुर्धा तु कृतः स्वेदो दाहाद्यैरभिघातजः
23 // āganturabhigātābhiṣaṅgaśāpābhicārataḥ / caturdhā tu kṛtaḥ svedo dāhādyairabhighātajaḥ
24 ॥ श्रमाच्च तस्मिन्पवनः प्रायो रक्तं प्रदूषयन् । सव्यथाशोकवैवर्ण्यं सरुजं कुरुते ज्वरम्
24 // śramācca tasminpavanaḥ prāyo raktaṃ pradūṣayan / savyathāśokavaivarṇyaṃ sarujaṃ kurute jvaram
25 ॥ ग्रहावेशौषधिविषक्रोधभीशोककामजः
25 // grahāveśauṣadhiviṣakrodhabhīśokakāmajaḥ
26 ॥ अभिषङ्गग्रहो ऽप्यस्मिन्नकस्माद्वासरोदने । ओषधीगन्धजे मूर्छा शिरोरुग्वमथुः क्षयः
26 // abhiṣaṅgagraho 'pyasminnakasmādvāsarodane / oṣadhīgandhaje mūrchā śirorugvamathuḥ kṣayaḥ
27 ॥ विषान्मूर्छातिसारश्च श्यावता दाहकृद्भ्रमः । क्रोधात्कम्पः शिरोरुक्च प्रलापो भयशोकजे
27 // viṣānmūrchātisāraśca śyāvatā dāhakṛdbhramaḥ / krodhātkampaḥ śirorukca pralāpo bhayaśokaje
28 ॥ कामाद्भ्रमो ऽरुचिर्दाहो ह्रीनिद्राधीधृतिक्षयाः । ग्रहादौ सन्निपातस्य रूपादौ मरुतस्तयोः
28 // kāmādbhramo 'rucirdāho hrīnidrādhīdhṛtikṣayāḥ / grahādau sannipātasya rūpādau marutastayoḥ
29 ॥ कोपात्कोपे ऽपि पित्तस्य यौ तु शापाभिचारजौ । सन्निपातज्वरौ घोरौ तावसह्यतमौ मतौ
29 // kopātkope 'pi pittasya yau tu śāpābhicārajau / sannipātajvarau ghorau tāvasahyatamau matau
30 ॥ तन्त्रा भिचारिकैर्मन्त्रैर्दूयमानञ्च तप्यते । पूर्वञ्चैतस्ततो देहस्ततो विस्फोटदिग्भ्रमैः
30 // tantrā bhicārikairmantrairdūyamānañca tapyate / pūrvañcaitastato dehastato visphoṭadigbhramaiḥ
31 ॥ सदाहमूर्छाग्रस्तस्य प्रत्यहं वर्धते ज्वरः । इति ज्वरो ऽष्टधा दृष्टः समासाद्द्विबिधस्तु सः
31 // sadāhamūrchāgrastasya pratyahaṃ vardhate jvaraḥ / iti jvaro 'ṣṭadhā dṛṣṭaḥ samāsāddvibidhastu saḥ
32 ॥ शारीरो मानसः सौम्यस्तीक्ष्णोंन्तर्बहिराश्रयः । प्राकृतो वैकृतः साध्यो ऽसाध्यः सामो निरामकः
32 // śārīro mānasaḥ saumyastīkṣṇoṃntarbahirāśrayaḥ / prākṛto vaikṛtaḥ sādhyo 'sādhyaḥ sāmo nirāmakaḥ
33 ॥ पूर्वं शरिरे शरीरे तापो मनसि मानसे । पवनैर्योगवाहित्वाच्छीतं श्लेष्मयुते भवेत्
33 // pūrvaṃ śarire śarīre tāpo manasi mānase / pavanairyogavāhitvācchītaṃ śleṣmayute bhavet
34 ॥ दाहः पित्तयुते मिश्रं मिश्रे ऽन्तः संश्रये पुनः । ज्वरे ऽधिकं विकाराः स्युरन्तः क्षोभो मलग्रहः
34 // dāhaḥ pittayute miśraṃ miśre 'ntaḥ saṃśraye punaḥ / jvare 'dhikaṃ vikārāḥ syurantaḥ kṣobho malagrahaḥ
35 ॥ बहिरेव बहिर्वेगे तापो ऽपि च स साधितः । वर्षाशरद्वसन्तेषु वाताद्यैः प्रकृतः क्रमात्
35 // bahireva bahirvege tāpo 'pi ca sa sādhitaḥ / varṣāśaradvasanteṣu vātādyaiḥ prakṛtaḥ kramāt
36 ॥ वैकृतो ऽन्यः स दुः साध्यः प्रायश्च प्राकृतो ऽनिलात् । वर्षासु मारुतो दुष्टः पित्तश्लेष्मान्वितं ज्वरम्
36 // vaikṛto 'nyaḥ sa duḥ sādhyaḥ prāyaśca prākṛto 'nilāt / varṣāsu māruto duṣṭaḥ pittaśleṣmānvitaṃ jvaram
37 ॥ कुर्याच्च पित्तं शरदि तस्य चानुचरः कफः । तत्प्रकृत्या विसर्गाच्च तत्र नानशनाद्भयम्
37 // kuryācca pittaṃ śaradi tasya cānucaraḥ kaphaḥ / tatprakṛtyā visargācca tatra nānaśanādbhayam
38 ॥ कफो वसन्ते तमपि वातपित्तं भवेदनु । बलवत्स्वल्पदोषेषु ज्वरः साध्यो ऽनुपद्रवः
38 // kapho vasante tamapi vātapittaṃ bhavedanu / balavatsvalpadoṣeṣu jvaraḥ sādhyo 'nupadravaḥ
39 ॥ सर्वथा विकृतिज्ञाने प्रागसाध्य उदाहृतः । ज्वरोपद्रवतीक्ष्णत्वं मन्दाग्निर्बहुमूत्रता
39 // sarvathā vikṛtijñāne prāgasādhya udāhṛtaḥ / jvaropadravatīkṣṇatvaṃ mandāgnirbahumūtratā
40 ॥ न प्रवृत्तिर्न विजीर्णा न क्षुत्सामज्वराकृतिः । ज्वरवेगो ऽधिकस्तृष्णा प्रलापः श्वसनं भ्रमः
40 // na pravṛttirna vijīrṇā na kṣutsāmajvarākṛtiḥ / jvaravego 'dhikastṛṣṇā pralāpaḥ śvasanaṃ bhramaḥ
41 ॥ मलप्रवृत्तिरुत्क्लेशः पच्यमानस्य लक्षणम् । जीर्णतामविपर्यासात्सप्तरात्रं च लङ्घनम्
41 // malapravṛttirutkleśaḥ pacyamānasya lakṣaṇam / jīrṇatāmaviparyāsātsaptarātraṃ ca laṅghanam
42 ॥ ज्वरः पञ्चविधः प्रोक्तो मलकालबलाबलात् । प्रायशः सन्निपातेन भूयसामुपदिश्यते
42 // jvaraḥ pañcavidhaḥ prokto malakālabalābalāt / prāyaśaḥ sannipātena bhūyasāmupadiśyate
43 ॥ सन्ततः सततो ऽन्येद्युस्तृतीयकचतुर्थकौ । धातुमूत्रशकृद्वाहिस्नोत सां व्यापिनो मलाः
43 // santataḥ satato 'nyedyustṛtīyakacaturthakau / dhātumūtraśakṛdvāhisnota sāṃ vyāpino malāḥ
44 ॥ तापयन्तस्तनुं सर्वां तुल्यदृष्ट्यादिवर्धिताः । बलिनो गुरवस्तस्याविशेषेण रसाश्रिताः
44 // tāpayantastanuṃ sarvāṃ tulyadṛṣṭyādivardhitāḥ / balino guravastasyāviśeṣeṇa rasāśritāḥ
45 ॥ सततं निष्प्रतिद्वन्द्वाज्वरं कुर्युः सुदुः सहम् । मलं ज्वरोष्णधातून्वा स शीघ्रं क्षपयेत्ततः
45 // satataṃ niṣpratidvandvājvaraṃ kuryuḥ suduḥ saham / malaṃ jvaroṣṇadhātūnvā sa śīghraṃ kṣapayettataḥ
46 ॥ सर्वाकारं रसादीनां शुद्ध्यासुद्ध्यापि वा क्रमात् । वातपित्तकफैः सप्तद शद्वादशवासरात्
46 // sarvākāraṃ rasādīnāṃ śuddhyāsuddhyāpi vā kramāt / vātapittakaphaiḥ saptada śadvādaśavāsarāt
47 ॥ प्रायो ऽनुयाति मर्यादां मोक्षाय च वधाय च । इत्यग्निवेशस्य मतं हारीतस्य पुनः स्मृतिः
47 // prāyo 'nuyāti maryādāṃ mokṣāya ca vadhāya ca / ityagniveśasya mataṃ hārītasya punaḥ smṛtiḥ
48 ॥ द्विगुणा सप्तमी या च नवम्येकादशी तथा । एषा त्रिदोषमर्यादा मोक्षाय च वधाय च
48 // dviguṇā saptamī yā ca navamyekādaśī tathā / eṣā tridoṣamaryādā mokṣāya ca vadhāya ca
49 ॥ शुद्ध्याशुद्ध्या ज्वरः कालं दीर्घमप्यत्र वर्तते । कृशानां व्याधियुक्तानां मिथ्याहारादिसेविनाम्
49 // śuddhyāśuddhyā jvaraḥ kālaṃ dīrghamapyatra vartate / kṛśānāṃ vyādhiyuktānāṃ mithyāhārādisevinām
50 ॥ अल्पो ऽपि दोषो दुष्ट्यादेर्लब्ध्वान्यतमतो बलम् । स प्रत्यनीको विषमं यस्माद्वृद्धिक्षयान्वितः
50 // alpo 'pi doṣo duṣṭyāderlabdhvānyatamato balam / sa pratyanīko viṣamaṃ yasmādvṛddhikṣayānvitaḥ
51 ॥ सविक्षेपो ज्वरं कुर्याद्विषमक्षयवृद्धिभाक् । दोषः प्रवर्तते तेषां स्वे काले ज्वरयन्बली
51 // savikṣepo jvaraṃ kuryādviṣamakṣayavṛddhibhāk / doṣaḥ pravartate teṣāṃ sve kāle jvarayanbalī
52 ॥ निवर्तते पुनश्चैव प्रत्यनीकबलाबलः । क्षीणदोषो ज्वरः सूक्ष्मो रसादिष्वेव लीयते
52 // nivartate punaścaiva pratyanīkabalābalaḥ / kṣīṇadoṣo jvaraḥ sūkṣmo rasādiṣveva līyate
53 ॥ लीनत्वात्कार्श्यवैवर्ण्यजाड्यादीनां दधाति सः । आसन्नविकृतास्यत्वात्स्रोतसां रसवाहिनाम्
53 // līnatvātkārśyavaivarṇyajāḍyādīnāṃ dadhāti saḥ / āsannavikṛtāsyatvātsrotasāṃ rasavāhinām
54 ॥ आशु सर्वस्य वपुषो व्याप्तिदोषो न जायते । सन्तः सततस्तेन विपरीतो विपर्ययात्
54 // āśu sarvasya vapuṣo vyāptidoṣo na jāyate / santaḥ satatastena viparīto viparyayāt
55 ॥ विषमो विषमारम्भः क्षपाकालेन सङ्गवान् । दोषो रक्ताश्रयः प्रायः करोति सन्ततं ज्वरम्
55 // viṣamo viṣamārambhaḥ kṣapākālena saṅgavān / doṣo raktāśrayaḥ prāyaḥ karoti santataṃ jvaram
56 ॥ अहोरात्रस्य सन्धौ स्यात्सकृदन्येद्युराश्रितः । तस्मिन्मांसवहा नाडी मेदोनाडी तृतीयके
56 // ahorātrasya sandhau syātsakṛdanyedyurāśritaḥ / tasminmāṃsavahā nāḍī medonāḍī tṛtīyake
57 ॥ ग्राही पित्तानिलान्मूर्ध्नस्त्रिकस्य कफपित्ततः । सपृष्ठस्यानिलकफात्स चैकाहान्तरः स्मृतः
57 // grāhī pittānilānmūrdhnastrikasya kaphapittataḥ / sapṛṣṭhasyānilakaphātsa caikāhāntaraḥ smṛtaḥ
58 ॥ चतुर्थको मलैर्मेदोमज्जास्थ्यन्यतरे स्थितः । मज्जास्थ एव ह्यपरः प्रभावमनुदर्शयेत्
58 // caturthako malairmedomajjāsthyanyatare sthitaḥ / majjāstha eva hyaparaḥ prabhāvamanudarśayet
59 ॥ द्विधा कफोणिजङ्घाभ्यां स पूर्वं शिरसानिलात् । अस्थिमज्जोरुपगतश्चतुर्थकविपर्ययः
59 // dvidhā kaphoṇijaṅghābhyāṃ sa pūrvaṃ śirasānilāt / asthimajjorupagataścaturthakaviparyayaḥ
60 ॥ त्रिधा त्र्यहं ज्वरयति दिनमेकन्तु मुञ्चति । बला बलेन दोषणामन्यचेष्टादिजन्मनाम्
60 // tridhā tryahaṃ jvarayati dinamekantu muñcati / balā balena doṣaṇāmanyaceṣṭādijanmanām
61 ॥ पक्रानामविपर्यासात्सप्तरात्रञ्च लङ्घयेत् । ज्वरः स्यान्मनसस्तद्वत्कर्मणश्च तदातदा
61 // pakrānāmaviparyāsātsaptarātrañca laṅghayet / jvaraḥ syānmanasastadvatkarmaṇaśca tadātadā
62 ॥ गम्भीरधातुचारित्वात्सन्निपातेन सम्भवात् । तुल्योच्छ्रयाच्च दोषाणां दुश्चिकित्स्यश्चतुर्थकः
62 // gambhīradhātucāritvātsannipātena sambhavāt / tulyocchrayācca doṣāṇāṃ duścikitsyaścaturthakaḥ
63 ॥ सूक्षामात्सूक्ष्मज्वरेष्वेषु दूरद्दूरतरेषु च । दोषो रक्तादिमार्गेषु शनैरल्पश्चिरेण यत्
63 // sūkṣāmātsūkṣmajvareṣveṣu dūraddūratareṣu ca / doṣo raktādimārgeṣu śanairalpaścireṇa yat
64 ॥ याति देहञ्च नाशेषं सन्तापादीन्करोत्यतः । क्रमो यत्नेन विच्छिन्नः सतापो लक्ष्यते ज्वरः
64 // yāti dehañca nāśeṣaṃ santāpādīnkarotyataḥ / kramo yatnena vicchinnaḥ satāpo lakṣyate jvaraḥ
65 ॥ विषमो विषमारम्भः क्षपाकालानुसारवान् । यथोत्तरं मन्दगतिर्मन्दशक्तिर्यथायथम्
65 // viṣamo viṣamārambhaḥ kṣapākālānusāravān / yathottaraṃ mandagatirmandaśaktiryathāyatham
66 ॥ कालेनाप्नोति सदृशान्स रसादींस्तथातथा । दोषो ज्वरयति क्रुद्धश्चिराच्चिरतरेण च
66 // kālenāpnoti sadṛśānsa rasādīṃstathātathā / doṣo jvarayati kruddhaścirācciratareṇa ca
67 ॥ भूमौ स्थितं जलैः सिक्तं कालं नैव प्रतीक्षते । अङ्कुराय यथा बीजं दोषबीजं भवेत्तथा
67 // bhūmau sthitaṃ jalaiḥ siktaṃ kālaṃ naiva pratīkṣate / aṅkurāya yathā bījaṃ doṣabījaṃ bhavettathā
68 ॥ वेगं कृत्वाविषं यद्वदाशये नयते बलम् । कुप्यत्याप्तबलं भूयः कालदोषविषन्तथा
68 // vegaṃ kṛtvāviṣaṃ yadvadāśaye nayate balam / kupyatyāptabalaṃ bhūyaḥ kāladoṣaviṣantathā
69 ॥ एवं ज्वराः प्रवर्तन्ते विषमाः सततादयः । उत्क्लेशो गौरवं दैन्यं भङ्गो ऽङ्गानां विजृम्भणम्
69 // evaṃ jvarāḥ pravartante viṣamāḥ satatādayaḥ / utkleśo gauravaṃ dainyaṃ bhaṅgo 'ṅgānāṃ vijṛmbhaṇam
70 ॥ अरोचको वमिः श्वासः सर्वस्मिन्रसगे ज्वरे । रक्तनिष्ठीवनं तृष्णा रूक्षोष्णं पीडकोद्यमः
70 // arocako vamiḥ śvāsaḥ sarvasminrasage jvare / raktaniṣṭhīvanaṃ tṛṣṇā rūkṣoṣṇaṃ pīḍakodyamaḥ
71 ॥ दाहरागभ्रममदप्रलापो रक्तसंश्रिते । तृड्ग्लानिः स्पृष्टवर्चस्कमन्तर्दाहो भ्रमस्तमः
71 // dāharāgabhramamadapralāpo raktasaṃśrite / tṛḍglāniḥ spṛṣṭavarcaskamantardāho bhramastamaḥ
72 ॥ दौर्गन्ध्यं गात्रविक्षेपो मांसस्थे मेदसि स्थिते । स्वेदो ऽतितृष्णा वमनं दौर्गन्ध्यं वा सहिष्णुता
72 // daurgandhyaṃ gātravikṣepo māṃsasthe medasi sthite / svedo 'titṛṣṇā vamanaṃ daurgandhyaṃ vā sahiṣṇutā
73 ॥ प्रलापो ग्लानिररुचिरस्थिगे त्वस्थिभेदनम् । दोषप्रवृत्तिरुद्बोधः श्वासांगक्षेपकूजनम्
73 // pralāpo glānirarucirasthige tvasthibhedanam / doṣapravṛttirudbodhaḥ śvāsāṃgakṣepakūjanam
74 ॥ अन्तर्दाहो बहिः शैत्यं श्वासो हिक्का हि मज्जमे । तमसो दर्शनं मर्मच्छेदनं स्तब्धमेढ्रता
74 // antardāho bahiḥ śaityaṃ śvāso hikkā hi majjame / tamaso darśanaṃ marmacchedanaṃ stabdhameḍhratā
75 ॥ शुक्रप्रवृत्तौ मृत्युस्तु जायते शुक्रसंश्रये । उत्तरोत्तरदुः साध्याः पञ्चान्ये तु विपर्यये
75 // śukrapravṛttau mṛtyustu jāyate śukrasaṃśraye / uttarottaraduḥ sādhyāḥ pañcānye tu viparyaye
76 ॥ प्रलिम्पन्निव गात्राणि श्लेष्मणा गौरवेण च । मन्दज्वरप्रलापस्तु सशीतः स्यात्प्रलेपकः
76 // pralimpanniva gātrāṇi śleṣmaṇā gauraveṇa ca / mandajvarapralāpastu saśītaḥ syātpralepakaḥ
77 ॥ नित्यं मन्दज्वरो रूक्षः शीतकृच्छ्रेण गच्छति । स्तब्धाङ्गः श्लेष्मभूयिष्ठो भवेदङ्गबलाशकः
77 // nityaṃ mandajvaro rūkṣaḥ śītakṛcchreṇa gacchati / stabdhāṅgaḥ śleṣmabhūyiṣṭho bhavedaṅgabalāśakaḥ
78 ॥ हरिद्राभेदवर्णाभस्तद्वल्लेपं प्रमेहति । स वै हारिद्रको नाम ज्वरभेदो ऽन्तकः स्मृतः
78 // haridrābhedavarṇābhastadvallepaṃ pramehati / sa vai hāridrako nāma jvarabhedo 'ntakaḥ smṛtaḥ
79 ॥ कफवातौ समौ यत्र हीनपित्तस्य देहिनः । तीक्ष्णो ऽथ वा दिवा मन्दो जायते रात्रिजो ज्वरः
79 // kaphavātau samau yatra hīnapittasya dehinaḥ / tīkṣṇo 'tha vā divā mando jāyate rātrijo jvaraḥ
80 ॥ दिवाकरार्पितबले व्यायामाच्च विशोषिते । शरीरे नियतं वाताज्ज्वरः स्यात्पौर्वरात्रिकः
80 // divākarārpitabale vyāyāmācca viśoṣite / śarīre niyataṃ vātājjvaraḥ syātpaurvarātrikaḥ
81 ॥ आमाशये यदात्मस्थे श्लेष्मपित्ते ह्यधः स्थिते । तदर्धं शीतलं देहे ह्यर्धं चोष्णं प्रजायते
81 // āmāśaye yadātmasthe śleṣmapitte hyadhaḥ sthite / tadardhaṃ śītalaṃ dehe hyardhaṃ coṣṇaṃ prajāyate
82 ॥ काये पित्तं यदा न्यस्तं श्लेष्मा चान्ते व्यवस्थितः । उष्णत्वं तेन देहस्य शीतत्वं करपादयोः
82 // kāye pittaṃ yadā nyastaṃ śleṣmā cānte vyavasthitaḥ / uṣṇatvaṃ tena dehasya śītatvaṃ karapādayoḥ
83 ॥ रसरक्ताश्रयः साध्यो मांस मेदोगतश्च यः । अस्थिमज्जागतः कृच्छ्रस्तैस्तैः स्वाङ्गैर्हतप्रभः
83 // rasaraktāśrayaḥ sādhyo māṃsa medogataśca yaḥ / asthimajjāgataḥ kṛcchrastaistaiḥ svāṅgairhataprabhaḥ
84 ॥ विसंज्ञो ज्रवेगार्तः सक्रोध इव वीक्षते । सदोषमुष्णञ्च सदा शकृन्मुञ्चति वेगवत्
84 // visaṃjño jravegārtaḥ sakrodha iva vīkṣate / sadoṣamuṣṇañca sadā śakṛnmuñcati vegavat
85 ॥ देहो लघुर्व्यपगतक्लममोहतापः पाको मुखे करणसौष्ठवमव्यथत्वम् । स्वेदः क्षुवः प्रकृतियोगिमनो ऽन्नलिप्सा कण्डूश्च मूर्ध्नि विगत्ज्वरलक्षणानि
85 // deho laghurvyapagataklamamohatāpaḥ pāko mukhe karaṇasauṣṭhavamavyathatvam / svedaḥ kṣuvaḥ prakṛtiyogimano 'nnalipsā kaṇḍūśca mūrdhni vigatjvaralakṣaṇāni