Chapter 362

वक्ष्ये भूपुराद्रिवनौषधिसिंहादिनर्गकान्

vakṣye bhūpurādrivanauṣadhisiṃhādinargakān

भूरनन्ता कक्षमा धात्री क्ष्माप्याकुः स्याद्धरित्र्यपि

bhūranantā kakṣamā dhātrī kṣmāpyākuḥ syāddharitryapi

मृन्मृत्तिका प्रशस्ता तु मृत्सा मृत्स्ना च मृत्तिका

mṛnmṛttikā praśastā tu mṛtsā mṛtsnā ca mṛttikā

जगत्त्रपिष्टपं लोकं भुवनं जगती समा

jagattrapiṣṭapaṃ lokaṃ bhuvanaṃ jagatī samā

अयनं वर्त्म मार्गाध्वपन्थानः पदवी सृतिः

ayanaṃ vartma mārgādhvapanthānaḥ padavī sṛtiḥ

सरणिः पद्धत्तिः पद्या वर्तन्येकपदीति च

saraṇiḥ paddhattiḥ padyā vartanyekapadīti ca

पूः स्त्री पुरीनगर्यौ वा पात्तनं पुटभेदनम्

pūḥ strī purīnagaryau vā pāttanaṃ puṭabhedanam

स्थानीयं निगमो ऽन्यत्तु यन्मूलनगरात्पुरम्

sthānīyaṃ nigamo 'nyattu yanmūlanagarātpuram

तच्छाखानगरं वेशो वेश्याजनसमाश्रयः

tacchākhānagaraṃ veśo veśyājanasamāśrayaḥ

आपणस्तु निषद्यायां विपणिः पण्यवीथिका

āpaṇastu niṣadyāyāṃ vipaṇiḥ paṇyavīthikā

रथ्या प्रतोली विशिखा स्याच्चयो वप्रमस्त्रियां

rathyā pratolī viśikhā syāccayo vapramastriyāṃ

प्राकारो वरणः शालः प्राचीरं प्रान्ततो वृतिः

prākāro varaṇaḥ śālaḥ prācīraṃ prāntato vṛtiḥ

भित्तिः स्त्री कुह्यमेडूकं यदन्तर्नस्तकीकसं

bhittiḥ strī kuhyameḍūkaṃ yadantarnastakīkasaṃ

वासः कूटो द्वयोः शाला सभा सञ्जवनन्त्विदम्

vāsaḥ kūṭo dvayoḥ śālā sabhā sañjavanantvidam

चतुःशालं मुनीनान्तु पर्णशालोटजो ऽस्त्रियां

catuḥśālaṃ munīnāntu parṇaśāloṭajo 'striyāṃ

चैत्यमायतनन्तुल्ये वाजिशाला तु मन्दुरा

caityamāyatanantulye vājiśālā tu mandurā

हर्म्यादि धनिनां वासःप्रासादो देवभूभुजां

harmyādi dhanināṃ vāsaḥprāsādo devabhūbhujāṃ

स्त्री द्वार्द्वारं प्रतीहारः स्याद्वितर्दिस्तु वेदिका

strī dvārdvāraṃ pratīhāraḥ syādvitardistu vedikā

कपोतपालिकायन्तु विटङ्कं पुं नपुंसकं

kapotapālikāyantu viṭaṅkaṃ puṃ napuṃsakaṃ

कवाटमवरन्तुल्ये निःश्रेणिस्त्वधिरोहिणी

kavāṭamavarantulye niḥśreṇistvadhirohiṇī

सम्मार्जनी शोधनी स्यात् सङ्करो ऽवकरस् तथा

sammārjanī śodhanī syāt saṅkaro 'vakaras tathā

अद्रिगोत्रिगिरिग्रावा गहनं काननं वनं

adrigotrigirigrāvā gahanaṃ kānanaṃ vanaṃ

आरामः स्यादुपवनं कृत्रिमं वनमेव यत्

ārāmaḥ syādupavanaṃ kṛtrimaṃ vanameva yat

स्यादेतदेव प्रमदवनमन्तःपुरोचितं

syādetadeva pramadavanamantaḥpurocitaṃ

वीथ्यालिरावलिः पङ्क्तिश्रेणीलेखास्तु राजयः

vīthyālirāvaliḥ paṅktiśreṇīlekhāstu rājayaḥ

वानस्पत्यः फलैः पुष्पात्तैरपुष्पाद्वनस्पतिः(?)

vānaspatyaḥ phalaiḥ puṣpāttairapuṣpādvanaspatiḥ(?)

ओषध्यः फलपाकान्ताः पलाशी द्रुद्रुमागमाः

oṣadhyaḥ phalapākāntāḥ palāśī drudrumāgamāḥ

स्थाणु वा ना ध्रुवः शङ्कुः प्रफुल्लोत्फुल्लसंस्फुटाः

sthāṇu vā nā dhruvaḥ śaṅkuḥ praphullotphullasaṃsphuṭāḥ

पलाशं छदनं पर्णमिध्ममेधः समित् स्त्रियां

palāśaṃ chadanaṃ parṇamidhmamedhaḥ samit striyāṃ

बोधिद्रुमश् चलदलो दधित्थग्राहिमन्मथाः

bodhidrumaś caladalo dadhitthagrāhimanmathāḥ

तस्मिन् दधिफलः पुष्पफलदन्तशठावपि

tasmin dadhiphalaḥ puṣpaphaladantaśaṭhāvapi

उडुम्बरे हेमदुग्धः कोविदारे द्विपत्रकः

uḍumbare hemadugdhaḥ kovidāre dvipatrakaḥ

सप्तपर्णो विशालत्वक् कृतमालं सुवर्णकः

saptaparṇo viśālatvak kṛtamālaṃ suvarṇakaḥ

आरेवतव्याधिघातसम्पाकचतुरङ्गुलाः

ārevatavyādhighātasampākacaturaṅgulāḥ

स्याज्जम्बीरे दन्तशठो वरुणे तिक्तशावकः

syājjambīre dantaśaṭho varuṇe tiktaśāvakaḥ

पुत्रागे पुरुषस्तुङ्गः केशरो देववल्लभः

putrāge puruṣastuṅgaḥ keśaro devavallabhaḥ

पारिभद्रे निम्बतरुर्मन्दारः पारिजातकः

pāribhadre nimbatarurmandāraḥ pārijātakaḥ

वञ्जुलश्चित्रकृच्चाथ द्वौ पीतनकपीतनौ

vañjulaścitrakṛccātha dvau pītanakapītanau

आम्रातके मधूके तु गुडपुष्पमधुद्रुमौ

āmrātake madhūke tu guḍapuṣpamadhudrumau

पीलौ गुडफलः स्रंसी नादेयी चाम्बुवेतसः

pīlau guḍaphalaḥ sraṃsī nādeyī cāmbuvetasaḥ

शोभाञ्जने शिग्रुतीक्ष्णगन्धकाक्षीरमोचकाः

śobhāñjane śigrutīkṣṇagandhakākṣīramocakāḥ

रक्तो ऽसौ मधुशिग्रुः स्यादरिष्टः फेणिलः समौ

rakto 'sau madhuśigruḥ syādariṣṭaḥ pheṇilaḥ samau

गालवःशावरो लोध्रस्तिरीटस्तिल्वमार्जनौ

gālavaḥśāvaro lodhrastirīṭastilvamārjanau

शेलुः श्लेष्मातकः शीत उद्दालो बहुवारकः

śeluḥ śleṣmātakaḥ śīta uddālo bahuvārakaḥ

वैकङ्कतः श्रुवावृक्षो ग्रन्थिलो व्याघ्रपादपि

vaikaṅkataḥ śruvāvṛkṣo granthilo vyāghrapādapi

तिन्दुकः स्फूर्जकः कालो नादेयी भूमिजम्बुकः

tindukaḥ sphūrjakaḥ kālo nādeyī bhūmijambukaḥ

काकतिन्दौ पीलुकः स्यात् पाटलिर्मोक्षमुष्ककौ

kākatindau pīlukaḥ syāt pāṭalirmokṣamuṣkakau

क्रमुकः पट्टिकाख्यः स्यात्कुम्भी कैटर्यकट्फले

kramukaḥ paṭṭikākhyaḥ syātkumbhī kaiṭaryakaṭphale

वीरवृक्षो ऽरुष्करो ऽग्निमुखी भल्लातकीं त्रिषु

vīravṛkṣo 'ruṣkaro 'gnimukhī bhallātakīṃ triṣu

सवर्जकासनजीवाश् च पीतसाले ऽथ मालके

savarjakāsanajīvāś ca pītasāle 'tha mālake

सर्जाश्वकर्णौ वीरेन्द्रौ इन्द्रद्रुः ककुभो ऽर्जुनः

sarjāśvakarṇau vīrendrau indradruḥ kakubho 'rjunaḥ

इङ्गुदी तापसतरुर्मोचा शाल्मलिरेव च

iṅgudī tāpasatarurmocā śālmalireva ca

चिरविल्वो नक्तमालः करजश् च करञ्जके

ciravilvo naktamālaḥ karajaś ca karañjake

प्रकीर्यः पूतिकरजो मर्कट्यङ्गारवल्लरी

prakīryaḥ pūtikarajo markaṭyaṅgāravallarī

रोही रोहितकः प्लीहशत्रुर्दाडिमपुष्पकः

rohī rohitakaḥ plīhaśatrurdāḍimapuṣpakaḥ

गायत्री बालतनयः खदिरो दन्तधावनः

gāyatrī bālatanayaḥ khadiro dantadhāvanaḥ

अरिमेदो विट्खदिरे कदरः खदिरे सिते

arimedo viṭkhadire kadaraḥ khadire site

पञ्चाङ्गुलो वर्धमानश् चञ्चुर्गन्धर्वहस्तकः

pañcāṅgulo vardhamānaś cañcurgandharvahastakaḥ

पिण्डीतको मरुवकः पीतदारु च दारु च

piṇḍītako maruvakaḥ pītadāru ca dāru ca

देवदारुः पूतिकाष्ठं श्यामा तु महिलाह्वया

devadāruḥ pūtikāṣṭhaṃ śyāmā tu mahilāhvayā

लता गोवन्दनी गुन्दा प्रियङ्गुः फलिनी फली

latā govandanī gundā priyaṅguḥ phalinī phalī

मण्डूकपर्णपत्रोर्णनटकट्वङ्गटुण्टुकाः

maṇḍūkaparṇapatrorṇanaṭakaṭvaṅgaṭuṇṭukāḥ

श्योनाकशुकनासर्क्षदीर्घवृन्तकुटन्नटाः

śyonākaśukanāsarkṣadīrghavṛntakuṭannaṭāḥ

पीतद्रुः सरलश्चाथ निचुलो ऽम्बुज इज्जलः

pītadruḥ saralaścātha niculo 'mbuja ijjalaḥ

काकोडुम्बरिका फल्गुररिष्टः पिचुमर्दकः

kākoḍumbarikā phalgurariṣṭaḥ picumardakaḥ

सर्वतोभद्रको निम्बे शिरीषस्तु कपीतनः

sarvatobhadrako nimbe śirīṣastu kapītanaḥ

वकुलो वञ्जुलः प्रोक्तः पिच्छिलागुरुशिंशपाः

vakulo vañjulaḥ proktaḥ picchilāguruśiṃśapāḥ

जया जयन्ती तर्कारी कणिका गणिकारिका

jayā jayantī tarkārī kaṇikā gaṇikārikā

आपर्णमग्नमन्थः स्याद्वत्सको गिरिमल्लिका

āparṇamagnamanthaḥ syādvatsako girimallikā

कालस्कन्धस्तमालः स्यात् तण्डुलीयो ऽल्पमारिषः

kālaskandhastamālaḥ syāt taṇḍulīyo 'lpamāriṣaḥ

सिन्धुवारस्तु निर्गुण्डी सैवास्फोता वनोद्भवा

sindhuvārastu nirguṇḍī saivāsphotā vanodbhavā

गणिका यूथिकाम्बष्ठा सप्तला नवमालिका

gaṇikā yūthikāmbaṣṭhā saptalā navamālikā

अतिमुक्तः पुण्ड्रकः स्यात्कुमारी तरणिः सहा

atimuktaḥ puṇḍrakaḥ syātkumārī taraṇiḥ sahā

तत्र शोणे कुरुवकस्तत्र पीते कुरुण्टकः

tatra śoṇe kuruvakastatra pīte kuruṇṭakaḥ

नीला झिण्टी द्वयोर्वाणा भिण्टी सैरीयकस् तथा

nīlā jhiṇṭī dvayorvāṇā bhiṇṭī sairīyakas tathā

तस्मिन्रक्ते कुरुवकः पीते सहचरी द्वयोः

tasminrakte kuruvakaḥ pīte sahacarī dvayoḥ

धुस्तूरः कितवो धूर्तो रुचको मातुलङ्गके

dhustūraḥ kitavo dhūrto rucako mātulaṅgake

समीरणो मरुवकः प्रस्थपुष्पः फणिज्झकः

samīraṇo maruvakaḥ prasthapuṣpaḥ phaṇijjhakaḥ

कुठेरकस्तु पर्णासे ऽथास्फोतो वसुकार्कके

kuṭherakastu parṇāse 'thāsphoto vasukārkake

शिवमल्ली पाशुपतो वृन्दा वृक्षादनी तथा

śivamallī pāśupato vṛndā vṛkṣādanī tathā

जीवन्तिका वृक्षरुहा गुडूची तन्त्रिकामृता

jīvantikā vṛkṣaruhā guḍūcī tantrikāmṛtā

सोमवल्ली मधुर्णी मूर्वा तु मोरटी तथा

somavallī madhurṇī mūrvā tu moraṭī tathā

मधुलिका मधुश्रेणी गोकर्णी पीलुपर्ण्यपि

madhulikā madhuśreṇī gokarṇī pīluparṇyapi

पाठाम्बष्ठा विद्धकर्णी प्राचीना वनतिक्तिका

pāṭhāmbaṣṭhā viddhakarṇī prācīnā vanatiktikā

कटुः कटुम्भरा चाथ चक्राङ्गी शकुलादनी

kaṭuḥ kaṭumbharā cātha cakrāṅgī śakulādanī

आत्मगुप्ता प्रावृषायी कपिकच्छुश् च मर्कटी

ātmaguptā prāvṛṣāyī kapikacchuś ca markaṭī

अपामार्गः शैखरिकः प्रत्यक्पर्णी मयूरकः

apāmārgaḥ śaikharikaḥ pratyakparṇī mayūrakaḥ

फञ्जिका ब्राह्मणी भार्गी द्रवन्ति शम्बरी वृषा

phañjikā brāhmaṇī bhārgī dravanti śambarī vṛṣā

मण्डूकपर्णी भण्डीरी समङ्गा कालमेषिका

maṇḍūkaparṇī bhaṇḍīrī samaṅgā kālameṣikā

रोदनी कच्छुरानन्ता समुद्रान्ता दुरालभा

rodanī kacchurānantā samudrāntā durālabhā

पृश्निपर्णी पृथक्पर्णी कलशिर्धावनिर्गुहा

pṛśniparṇī pṛthakparṇī kalaśirdhāvanirguhā

निदिग्धिका स्पृशी व्याघ्री क्षुद्रा दुस्पर्शया सह

nidigdhikā spṛśī vyāghrī kṣudrā dusparśayā saha

अवल्गुजः सोमराजी सुवल्लिः सोमवल्लिका

avalgujaḥ somarājī suvalliḥ somavallikā

कालमेषी कृष्णफला वकुची पूतिफल्य् अपि

kālameṣī kṛṣṇaphalā vakucī pūtiphaly api

कणोषणोपकुल्या स्याच्छ्रेयसी गजपिप्पली

kaṇoṣaṇopakulyā syācchreyasī gajapippalī

चव्यन्तु चविका काकचिञ्ची गुञ्जे तु कृष्णला

cavyantu cavikā kākaciñcī guñje tu kṛṣṇalā

विश्वा विषा प्रतिविषा वनशृङ्गाटगोक्षुरौ

viśvā viṣā prativiṣā vanaśṛṅgāṭagokṣurau

नारायणी शतमूली कालेयकहरिद्रवः

nārāyaṇī śatamūlī kāleyakaharidravaḥ

दार्वी पचम्पचा दारु शुक्ला हैमवती वचा

dārvī pacampacā dāru śuklā haimavatī vacā

वचोग्रगन्धा षड्ग्रन्था गोलोमी शतपर्विका

vacogragandhā ṣaḍgranthā golomī śataparvikā

आस्फोता गिरिकर्णी स्यात् सिंहास्यो वासको वृषः

āsphotā girikarṇī syāt siṃhāsyo vāsako vṛṣaḥ

मिशी मधुरिकाच्छत्रा कोकिलाक्षेक्षुरक्षुरा

miśī madhurikācchatrā kokilākṣekṣurakṣurā

विडङ्गो ऽस्त्री कृमिघ्नः स्यात् वज्रद्रुस्नुक्स्नुही सुधा

viḍaṅgo 'strī kṛmighnaḥ syāt vajradrusnuksnuhī sudhā

मृद्वीका गोस्तनी द्राक्षा वला वाट्यालकस् तथा

mṛdvīkā gostanī drākṣā valā vāṭyālakas tathā

काला मसूरविदला त्रिपुटा त्रिवृता त्रिवृत्

kālā masūravidalā tripuṭā trivṛtā trivṛt

मधुकं क्लीतकं यष्टिमधुका मधुयष्टिका

madhukaṃ klītakaṃ yaṣṭimadhukā madhuyaṣṭikā

विदारी क्षीरशुक्लेक्षुगन्धा क्रोष्ट्री च या सिता

vidārī kṣīraśuklekṣugandhā kroṣṭrī ca yā sitā

गोपी श्यामा शारिवा स्यादनन्तोत्पलशारिवा

gopī śyāmā śārivā syādanantotpalaśārivā

मोचा रम्भा च कदली भण्टाकी दुष्प्रधर्षिणी

mocā rambhā ca kadalī bhaṇṭākī duṣpradharṣiṇī

स्थिरा ध्रुवा सालपर्णी शृङ्गी तु वृषभो वृषः

sthirā dhruvā sālaparṇī śṛṅgī tu vṛṣabho vṛṣaḥ

गाङ्गेरुकी नागबला मुषली तालमूलिका

gāṅgerukī nāgabalā muṣalī tālamūlikā

ज्योत्स्नी पटोलिका जाली अजशृङ्गी विषाणिका

jyotsnī paṭolikā jālī ajaśṛṅgī viṣāṇikā

स्याल्लाङ्गलिक्यग्निशिखा ताम्बूली नागवल्ल्यपि

syāllāṅgalikyagniśikhā tāmbūlī nāgavallyapi

हरेणू रेणुका कौन्ती ह्रीवेरो दिव्यनागरं

hareṇū reṇukā kauntī hrīvero divyanāgaraṃ

कालानुसार्यवृद्धाश्मपुष्पशीतशिवानि तु

kālānusāryavṛddhāśmapuṣpaśītaśivāni tu

शैलेयं तालपर्णी तु दैत्या गन्धकुटी मुरा

śaileyaṃ tālaparṇī tu daityā gandhakuṭī murā

ग्रन्थिपर्णं शुकं वर्हि वला तु त्रिपुटा त्रुटिः

granthiparṇaṃ śukaṃ varhi valā tu tripuṭā truṭiḥ

शिवा तामलकी चाथ हनुर्हट्टविलासिनी

śivā tāmalakī cātha hanurhaṭṭavilāsinī

कुटं नटं दशपुरं वानेयं परिपेलवम्

kuṭaṃ naṭaṃ daśapuraṃ vāneyaṃ paripelavam

तपस्वनी जटामांसी पृक्का देवी लता लशूः

tapasvanī jaṭāmāṃsī pṛkkā devī latā laśūḥ

कर्चुरको द्राविडको गन्धमूली शठी स्मृता

karcurako drāviḍako gandhamūlī śaṭhī smṛtā

स्यद्दृक्षगन्धा छगलान्त्रा वेगी वृद्धदारकः

syaddṛkṣagandhā chagalāntrā vegī vṛddhadārakaḥ

तुण्डिकेरी रक्तफला विम्बिका पीलुपर्ण्य् अपि

tuṇḍikerī raktaphalā vimbikā pīluparṇy api

चाङ्गेरी चुक्रिकाम्बष्टा स्वर्णक्षीरी हिमावती

cāṅgerī cukrikāmbaṣṭā svarṇakṣīrī himāvatī

सहस्रवेधी चुक्रो ऽम्लवेतसः शतवेध्यपि

sahasravedhī cukro 'mlavetasaḥ śatavedhyapi

जीवन्ती जीवनी जीवा भूमिनिम्वः किरातकः

jīvantī jīvanī jīvā bhūminimvaḥ kirātakaḥ

कूर्चशीर्षो मधुकरश् चन्द्रः कपिवृकस् तथा

kūrcaśīrṣo madhukaraś candraḥ kapivṛkas tathā

दद्रुघ्नः स्यादेडगजो वर्षाभूः शीथहानिणी

dadrughnaḥ syādeḍagajo varṣābhūḥ śīthahāniṇī

कुनन्दती निकुम्भस्त्रा यमानी वार्षिका तथा

kunandatī nikumbhastrā yamānī vārṣikā tathā

लशुनङ्गृञ्चनारिष्टमहाकन्दरसोनकाः

laśunaṅgṛñcanāriṣṭamahākandarasonakāḥ

वाराही वदरा गृष्टिः काकमाची तु वायसी

vārāhī vadarā gṛṣṭiḥ kākamācī tu vāyasī

शतपुष्पा सितच्छत्रातिच्छत्रा मधुरा मिसिः

śatapuṣpā sitacchatrāticchatrā madhurā misiḥ

अवाक्पुष्पी कारवी च सरणा तु प्रसारणी

avākpuṣpī kāravī ca saraṇā tu prasāraṇī

कटम्भरा भद्रवला कर्वूरश् च शटी ह्य् अथ

kaṭambharā bhadravalā karvūraś ca śaṭī hy atha

पटोलः कुलकस्तिक्तः कारवेल्लः कटिल्लकः

paṭolaḥ kulakastiktaḥ kāravellaḥ kaṭillakaḥ

कुष्माण्डकस्तु कर्कारुरिर्वारुः कर्कटी स्त्रियौ

kuṣmāṇḍakastu karkārurirvāruḥ karkaṭī striyau

इक्ष्वाकुः कटुतुम्बी स्याद्विशाला त्विन्द्रवारुणी

ikṣvākuḥ kaṭutumbī syādviśālā tvindravāruṇī

अर्शेघ्नः शूरणः कन्दो मुस्तकः कुरुविन्दकः

arśeghnaḥ śūraṇaḥ kando mustakaḥ kuruvindakaḥ

वंशे त्वक्सारकर्मारवेणुमस्करतेजनाः

vaṃśe tvaksārakarmāraveṇumaskaratejanāḥ

छत्रातिच्छत्रपालघ्नौ मालातृणकभूस्तृणे

chatrāticchatrapālaghnau mālātṛṇakabhūstṛṇe

तृणराजाह्वयस्तालो घोण्टा क्रमुकपुगकौ

tṛṇarājāhvayastālo ghoṇṭā kramukapugakau

शार्दूलद्वीपिनौ व्यघ्रे हर्यक्षः केशरी हरिः

śārdūladvīpinau vyaghre haryakṣaḥ keśarī hariḥ

कोलः पौत्री वराहः स्यात् कोक ईहामृगो वृकः

kolaḥ pautrī varāhaḥ syāt koka īhāmṛgo vṛkaḥ

लूतोर्णनाभौ तु समौ तन्तुवायश् च मर्कटे

lūtorṇanābhau tu samau tantuvāyaś ca markaṭe

वृश्चिकः शूककीटः स्यात्सारङ्गस्तोककौ समौ

vṛścikaḥ śūkakīṭaḥ syātsāraṅgastokakau samau

कृकवाकुस्ताम्रचूडः पिकः कोकिल इत्य् अपि

kṛkavākustāmracūḍaḥ pikaḥ kokila ity api

कके तु करटारिष्टौ वकः कह्व उदाहृतः

kake tu karaṭāriṣṭau vakaḥ kahva udāhṛtaḥ

कोकश् चक्रश् चक्रवाको कादम्बः कलहंसकः

kokaś cakraś cakravāko kādambaḥ kalahaṃsakaḥ

पतङ्गिका पुत्तिका स्यात्सरघा मधुमक्षिका

pataṅgikā puttikā syātsaraghā madhumakṣikā

द्विरेफपुष्पलिड्भृङ्गषट्पदभ्रमरा.अलयः

dvirephapuṣpaliḍbhṛṅgaṣaṭpadabhramarā.alayaḥ

केकी शिख्यस्य वाक्केका शकुन्तिशकुनिद्विजाः

kekī śikhyasya vākkekā śakuntiśakunidvijāḥ

स्त्री पक्षतिः पक्षमूलञ्चञ्चुस्तोटिरुभे स्त्रियौ

strī pakṣatiḥ pakṣamūlañcañcustoṭirubhe striyau

गतिरुड्डिनसण्डीनौ कुलायो नीडमस्त्रियां

gatiruḍḍinasaṇḍīnau kulāyo nīḍamastriyāṃ

पेशी कोषो द्विहीने ऽण्डं पृथुकः शावकः शिशुः

peśī koṣo dvihīne 'ṇḍaṃ pṛthukaḥ śāvakaḥ śiśuḥ

पोतः पाको ऽर्भको डिम्भः सन्दोहव्यूहको गणः

potaḥ pāko 'rbhako ḍimbhaḥ sandohavyūhako gaṇaḥ

स्तोमौघनिकरव्राता निकुरम्बं कदम्बकं

stomaughanikaravrātā nikurambaṃ kadambakaṃ

सङ्घातसञ्चयौ वृन्दं पुञ्जराशी तु कूटकं

saṅghātasañcayau vṛndaṃ puñjarāśī tu kūṭakaṃ