अथाष्टनवत्यधिकशततमो ऽध्यायः
athāṣṭanavatyadhikaśatatamo 'dhyāyaḥ
मासव्रतानि अग्निर् उवाच
māsavratāni agnir uvāca
मासव्रतकमाख्यास्ये भुक्तिमुक्तिप्रदायकं
māsavratakamākhyāsye bhuktimuktipradāyakaṃ
आषाढादिचतुर्मासमभ्यङ्गं वर्जयेत् सुधीः
āṣāḍhādicaturmāsamabhyaṅgaṃ varjayet sudhīḥ
वैशाखे पुष्पलवणन्त्यक्त्वा गोदो नृपो भवेत्
vaiśākhe puṣpalavaṇantyaktvā godo nṛpo bhavet
गोदो मासोपवासी च भीमव्रतकरो हरिः
godo māsopavāsī ca bhīmavratakaro hariḥ
आषाढादिचतुर्मासं प्रातःस्नायी च विष्णुगः
āṣāḍhādicaturmāsaṃ prātaḥsnāyī ca viṣṇugaḥ
माघे मास्यथ चैत्रे वा गुडधेनुप्रदो भवेत्
māghe māsyatha caitre vā guḍadhenuprado bhavet
गुडव्रतस्तृतीयायां गौरीशः स्यान्महाव्रती
guḍavratastṛtīyāyāṃ gaurīśaḥ syānmahāvratī
मार्गशीर्षादिमासेषु नक्तकृद्विष्णुलोकभाक्
mārgaśīrṣādimāseṣu naktakṛdviṣṇulokabhāk
एकभक्तव्रती तद्वद् द्वादशीव्रतकं पृठक्
ekabhaktavratī tadvad dvādaśīvratakaṃ pṛṭhak
फलव्रती चतुर्मासं फलं त्यक्त्वा प्रदापयेत्
phalavratī caturmāsaṃ phalaṃ tyaktvā pradāpayet
श्रावणादिचतुर्मासं व्रतैः सर्वं लभेद्व्रती
śrāvaṇādicaturmāsaṃ vrataiḥ sarvaṃ labhedvratī
आषाढस्य सिते पक्षे एकादश्यामुपोषितः
āṣāḍhasya site pakṣe ekādaśyāmupoṣitaḥ
चातुर्मास्यव्रतानान्तु कुर्वीत परिकल्पनं
cāturmāsyavratānāntu kurvīta parikalpanaṃ
आषाढ्याञ्चाथ सङ्क्रान्तौ कर्कटस्य हरिं यजेत्
āṣāḍhyāñcātha saṅkrāntau karkaṭasya hariṃ yajet
इदं व्रतं मया देव गृहीतं पुरतस्तव
idaṃ vrataṃ mayā deva gṛhītaṃ puratastava
निर्विघ्नां सिद्धिमायातु प्रसन्ने त्वयि केशव
nirvighnāṃ siddhimāyātu prasanne tvayi keśava
गृहीते ऽस्मिन् व्रते देव यद्यपूर्णे म्रिये ह्य् अहं
gṛhīte 'smin vrate deva yadyapūrṇe mriye hy ahaṃ
तन्मे भवतु सम्पूर्णं त्वत्प्रसादाज्जनार्दन
tanme bhavatu sampūrṇaṃ tvatprasādājjanārdana
मांसादि त्यक्त्वा विप्रः स्यात्तैलत्यागी हरिं यजेत्
māṃsādi tyaktvā vipraḥ syāttailatyāgī hariṃ yajet
एकान्तरोपवासी च त्रिरात्रं विष्णुलोकभाक्
ekāntaropavāsī ca trirātraṃ viṣṇulokabhāk
चान्द्रायणी विष्णुलोकी मौनी स्यान् मुक्तिभाजनं
cāndrāyaṇī viṣṇulokī maunī syān muktibhājanaṃ
प्राजापत्यव्रती स्वर्गी शक्तुयावकभक्षकः
prājāpatyavratī svargī śaktuyāvakabhakṣakaḥ
गुग्धाद्याहारवान् स्वर्गी पञ्चगव्याम्बुभ्क्तथा
gugdhādyāhāravān svargī pañcagavyāmbubhktathā
शाकमूलफलाहारी नरो विष्णुपुरीं व्रजेत्
śākamūlaphalāhārī naro viṣṇupurīṃ vrajet
मांसवर्जी यवाहारो रसवर्जी हरिं व्रजेत्
māṃsavarjī yavāhāro rasavarjī hariṃ vrajet
कौमुदव्रतमाख्यास्ये आश्विने समुपोषितः
kaumudavratamākhyāsye āśvine samupoṣitaḥ
द्वादश्यां पूजयेद्विष्णुं प्रलिप्याब्जोत्पलादिभिः
dvādaśyāṃ pūjayedviṣṇuṃ pralipyābjotpalādibhiḥ
घृतेन तिलतैलेन दीपनैवेद्यमर्पयेत्
ghṛtena tilatailena dīpanaivedyamarpayet
ओं नमो वासुदेवाय मालत्या मालया यजेत्
oṃ namo vāsudevāya mālatyā mālayā yajet
धर्मकामार्थमोक्षांश् च प्राप्नुयात् कौमुदव्रती
dharmakāmārthamokṣāṃś ca prāpnuyāt kaumudavratī
सर्वं लभेद्धरिं प्रार्च्य मासोपवासकव्रती
sarvaṃ labheddhariṃ prārcya māsopavāsakavratī
इत्य् आग्नेये महापुराणे मासव्रतानि नाम अष्टनवत्यधिकशततमो ऽध्यायः ॥
ity āgneye mahāpurāṇe māsavratāni nāma aṣṭanavatyadhikaśatatamo 'dhyāyaḥ ||
:न् 1 मत्स्यादि त्यक्त्वेति ख.. , घ.. , छ.. च । मत्स्यत्यागी तु इति ङ.
:n 1 matsyādi tyaktveti kha.. , gha.. , cha.. ca / matsyatyāgī tu iti ṅa.
2 विष्णुपुरं व्रजेदिति ख.. , ट.. च :प् 234
2 viṣṇupuraṃ vrajediti kha.. , ṭa.. ca :p 234