Chapter 199

ऋतुव्रतान्त्यहं वक्ष्ये भुक्तिमुक्तिप्रदानि ते

ṛtuvratāntyahaṃ vakṣye bhuktimuktipradāni te

इन्धनानि तु यो दद्याद्वर्षादिचतुरो ह्य् ऋतून्

indhanāni tu yo dadyādvarṣādicaturo hy ṛtūn

घृतधेनुप्रदश्चान्ते ब्राह्मणो ऽग्निव्रती भवेत्

ghṛtadhenupradaścānte brāhmaṇo 'gnivratī bhavet

कृत्वा मौनन्तु सन्ध्यायां मासान्ते घृतकुम्भदः

kṛtvā maunantu sandhyāyāṃ māsānte ghṛtakumbhadaḥ

तिलघण्टावस्त्रदाता सुखी सारस्वतव्रती

tilaghaṇṭāvastradātā sukhī sārasvatavratī

पञ्चामृतेन स्नपनं कृत्वाब्दं धेनुदो नृपः

pañcāmṛtena snapanaṃ kṛtvābdaṃ dhenudo nṛpaḥ

एकादश्यान्तु नक्ताशी चैत्रे भक्तं निवेदयेत्

ekādaśyāntu naktāśī caitre bhaktaṃ nivedayet

हैमं विष्णोः पदं याति मासन्ते विष्णुसद्व्रती

haimaṃ viṣṇoḥ padaṃ yāti māsante viṣṇusadvratī

पायसाशी गोयुगदः श्रीभाग्देवीव्रती भवेत्

pāyasāśī goyugadaḥ śrībhāgdevīvratī bhavet

निवेद्य पितृदेवेभ्यो यो भुङ्क्ते स भवेन्नृपः

nivedya pitṛdevebhyo yo bhuṅkte sa bhavennṛpaḥ

वर्षव्रतानि चोक्तानि सङ्क्रान्तिव्रतकं वदे

varṣavratāni coktāni saṅkrāntivratakaṃ vade

सङ्क्रान्तौ स्वर्गलोकी स्याद्रात्रिजागरणान्नरः

saṅkrāntau svargalokī syādrātrijāgaraṇānnaraḥ

अमावास्यां तु सङ्क्रान्तौ शिवार्कयजनात्तथा

amāvāsyāṃ tu saṅkrāntau śivārkayajanāttathā

उत्तरे त्वयने चाज्यप्रस्थस्नानेन केशवे

uttare tvayane cājyaprasthasnānena keśave

द्वात्रिंशत्पलमानेन सर्वपापैः प्रमुच्यते

dvātriṃśatpalamānena sarvapāpaiḥ pramucyate

घृतक्षीरादिना स्नाप्य प्राप्नोति विषुवादिषु

ghṛtakṣīrādinā snāpya prāpnoti viṣuvādiṣu

स्त्रीणामुमाव्रतं श्रीदं तृतीयास्वष्टमीषु च

strīṇāmumāvrataṃ śrīdaṃ tṛtīyāsvaṣṭamīṣu ca

गौरीं महेश्वरं चापि यजेत् सौभाग्यमाप्नुयात्

gaurīṃ maheśvaraṃ cāpi yajet saubhāgyamāpnuyāt

उमामहेश्वरौ प्रार्च्य अवियोगादि चाप्नुयात्

umāmaheśvarau prārcya aviyogādi cāpnuyāt

मूलव्रतकरी स्त्री च उमेशव्रतकारिणी

mūlavratakarī strī ca umeśavratakāriṇī

सूर्यभक्ता तु या नारी ध्रुवं सा पुरुषो भवेत्

sūryabhaktā tu yā nārī dhruvaṃ sā puruṣo bhavet