Agni Purāṇa · Chapter 113 | Living Bliss Digital Library

अथ त्रयोदशाधिकशततमो ऽध्यायः

atha trayodaśādhikaśatatamo 'dhyāyaḥ

नर्मदादिमाहात्म्यम्

narmadādimāhātmyam

अग्निर् उवाच

agnir uvāca

नर्मदादिकमाहात्म्यं वक्ष्येहं नर्मदां परां

narmadādikamāhātmyaṃ vakṣyehaṃ narmadāṃ parāṃ

सद्यः पुनाति गाङ्गेयं दर्शनाद्वारि नार्मदं

sadyaḥ punāti gāṅgeyaṃ darśanādvāri nārmadaṃ

विस्तराद्योजनशतं योजनद्वयमायता

vistarādyojanaśataṃ yojanadvayamāyatā

षष्टिस्तीर्थसहस्राणि षष्टिकोट्यस् तथापराः

ṣaṣṭistīrthasahasrāṇi ṣaṣṭikoṭyas tathāparāḥ

पर्वतस्य समन्तात्तु तिष्ठन्त्यमरकण्टके

parvatasya samantāttu tiṣṭhantyamarakaṇṭake

कावेरीसङ्गमं पुण्यं श्रीपर्वतमतः शृणु

kāverīsaṅgamaṃ puṇyaṃ śrīparvatamataḥ śṛṇu

गौरी श्रीरूपिणी तेपे तपस्तामब्रवीद्धरिः

gaurī śrīrūpiṇī tepe tapastāmabravīddhariḥ

अवाप्स्यसि त्वमध्यात्म्यं नाम्ना श्रीपर्वतस्तव

avāpsyasi tvamadhyātmyaṃ nāmnā śrīparvatastava

समन्ताद्योजनशतं महापुण्यं भविष्यति

samantādyojanaśataṃ mahāpuṇyaṃ bhaviṣyati

अत्र दानन्तपो जप्यं श्राद्धं सर्वमथाक्षयं

atra dānantapo japyaṃ śrāddhaṃ sarvamathākṣayaṃ

मरणं शिवलोकाय सर्वदं तीर्थमुत्तमं

maraṇaṃ śivalokāya sarvadaṃ tīrthamuttamaṃ

हरो ऽत्र क्रीडते देव्या हिरण्यकशिपुस् तथा

haro 'tra krīḍate devyā hiraṇyakaśipus tathā

तपस्तप्त्वा बली चाभून्मुनयः सिद्धिमाप्नुवन्

tapastaptvā balī cābhūnmunayaḥ siddhimāpnuvan

इत्य् आग्नेये महापुराणे नर्मदाश्रीपर्वतादिमाहात्म्यं नाम त्रयोदशाधिकशततमो ऽध्यायः ॥

ity āgneye mahāpurāṇe narmadāśrīparvatādimāhātmyaṃ nāma trayodaśādhikaśatatamo 'dhyāyaḥ ||