39 ॥ इति श्रीमार्कण्डेयपुराणे पिताः पुत्रसंवादे महारौरवादिनरकाख्यानं नाम द्वादशो ऽध्यायः त्रयोदशो ऽध्यायः पुत्र उवाच अहं वैश्यकुले जातो जन्मन्यस्मात्तु सप्तमे । समतीते गवां रोधं निपाने कृतवान् पुरा
39 // iti śrīmārkaṇḍeyapurāṇe pitāḥ putrasaṃvāde mahārauravādinarakākhyānaṃ nāma dvādaśo 'dhyāyaḥ trayodaśo 'dhyāyaḥ putra uvāca ahaṃ vaiśyakule jāto janmanyasmāttu saptame / samatīte gavāṃ rodhaṃ nipāne kṛtavān purā
1 ॥ विपाकात् कर्मणस्तस्य नरकं भृशदारुणम् । सम्प्राप्तो ऽग्निशिखाघोरमयोमुखखगाकुलम्
1 // vipākāt karmaṇastasya narakaṃ bhṛśadāruṇam / samprāpto 'gniśikhāghoramayomukhakhagākulam
2 ॥ यन्त्रपीडनगात्रासृक्-प्रवाहोद्भूतकर्दमम् । विशस्यमानदुष्कर्मि-तन्निपातरवाकुलम्
2 // yantrapīḍanagātrāsṛk-pravāhodbhūtakardamam / viśasyamānaduṣkarmi-tannipātaravākulam
3 ॥ पात्यमानस्य मे तत्र साग्रं वर्षशतं गतम् । महातापार्तितप्तस्य तृष्णादाहान्वितस्य च
3 // pātyamānasya me tatra sāgraṃ varṣaśataṃ gatam / mahātāpārtitaptasya tṛṣṇādāhānvitasya ca
4 ॥ तत्राह्लादकरः सद्यः पवनः सुखशीतलः । करम्भ-बालुकाकुम्भ-मध्यस्थो मे समागतः
4 // tatrāhlādakaraḥ sadyaḥ pavanaḥ sukhaśītalaḥ / karambha-bālukākumbha-madhyastho me samāgataḥ
5 ॥ तत्सम्पर्कादशेषाणां नाभवद्यातना नृणाम् । मम चापि यथा स्वर्गे स्वर्गिणां निर्वृतिः परा
5 // tatsamparkādaśeṣāṇāṃ nābhavadyātanā nṛṇām / mama cāpi yathā svarge svargiṇāṃ nirvṛtiḥ parā
6 ॥ किमेतदिति चाह्लाद-विस्तारस्तिमितेक्षणैः । दृष्टमस्माभिरासन्नं नररत्नमनत्तमम्
6 // kimetaditi cāhlāda-vistārastimitekṣaṇaiḥ / dṛṣṭamasmābhirāsannaṃ nararatnamanattamam
7 ॥ याम्यश्च पुरुषो घोरो दण्डहस्तो ऽशनिप्रभः । पुरतो दर्शयन् मार्गमिति एहीति वगथ
7 // yāmyaśca puruṣo ghoro daṇḍahasto 'śaniprabhaḥ / purato darśayan mārgamiti ehīti vagatha
8 ॥ पुरुषः स तदा दृष्ट्वा यातनाशतसंकुलम् । नरकं प्राह तं याम्यं किङ्करं कृपयान्वितः
8 // puruṣaḥ sa tadā dṛṣṭvā yātanāśatasaṃkulam / narakaṃ prāha taṃ yāmyaṃ kiṅkaraṃ kṛpayānvitaḥ
9 ॥ पुरुष उवाच भो याम्यपुरुषाचक्ष्व किं मया दुष्कृतं कृतम् । येनेदं यातनाभीम् प्राप्तो ऽस्मि नरकं परम्
9 // puruṣa uvāca bho yāmyapuruṣācakṣva kiṃ mayā duṣkṛtaṃ kṛtam / yenedaṃ yātanābhīm prāpto 'smi narakaṃ param
10 ॥ विपश्चिदिति विख्यातो जनकानामहं कुले । जातो विदेहविषये सम्यङ्मनुजपालकः
10 // vipaściditi vikhyāto janakānāmahaṃ kule / jāto videhaviṣaye samyaṅmanujapālakaḥ
11 ॥ यज्ञैर्मयेष्टं बहुभिर्धर्मतः पालिता मही । नोत्सृष्टश्चैव संग्रामो नातिथिर्विमुखो गतः
11 // yajñairmayeṣṭaṃ bahubhirdharmataḥ pālitā mahī / notsṛṣṭaścaiva saṃgrāmo nātithirvimukho gataḥ
12 ॥ पितृ-देवर्षि-भृत्याश्च न चापचरिता मया । कृता स्पृहा च न मया परस्त्रीविभवादिषु
12 // pitṛ-devarṣi-bhṛtyāśca na cāpacaritā mayā / kṛtā spṛhā ca na mayā parastrīvibhavādiṣu
13 ॥ पर्वकालेषु पितरस्तिथिकालेषु देवताः । पुरुषं स्वयमायान्ति निपानमिव धेनवः
13 // parvakāleṣu pitarastithikāleṣu devatāḥ / puruṣaṃ svayamāyānti nipānamiva dhenavaḥ
14 ॥ यतस्ते विमुखा यान्ति निश्वस्य गृहमेधिनः । तस्मादिष्टश्च पूर्तश्च धमौ द्वावपि नश्यतः
14 // yataste vimukhā yānti niśvasya gṛhamedhinaḥ / tasmādiṣṭaśca pūrtaśca dhamau dvāvapi naśyataḥ
15 ॥ पितृनिश्वासविध्वस्तं सप्तजन्मार्जितं शुभम् । त्रिजन्मप्रभवं दैवो निश्वासो हन्त्यसंशयम्
15 // pitṛniśvāsavidhvastaṃ saptajanmārjitaṃ śubham / trijanmaprabhavaṃ daivo niśvāso hantyasaṃśayam
16 ॥ तस्माद् दैवे च पित्र्ये च नित्यमेवोद्यतो ऽभवम् । सो ऽहं कथमिमं प्राप्तो नरङ्क भृशदारुणम्
16 // tasmād daive ca pitrye ca nityamevodyato 'bhavam / so 'haṃ kathamimaṃ prāpto naraṅka bhṛśadāruṇam