Aṃśa 1 · Chapter 203

28 ॥ इति श्रीगारुडे महापुराणे पूर्वखण्डे प्रथमांशाख्ये आचारकाण्डे नानाविधोषधप्रयोगानिरूपणं नाम द्व्युत्तरद्विशततमो ऽध्यायः श्रीगरुडमहापुराणम्- 203 हरिरुवाच । या गौर्द्वेष्टिं स्वकं वत्सं तस्या देयं स्वकं पयः । लवणेन समायुक्तं तस्या वत्सः प्रियो भवेत्

28 // iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe nānāvidhoṣadhaprayogānirūpaṇaṃ nāma dvyuttaradviśatatamo 'dhyāyaḥ śrīgaruḍamahāpurāṇam- 203 hariruvāca / yā gaurdveṣṭiṃ svakaṃ vatsaṃ tasyā deyaṃ svakaṃ payaḥ / lavaṇena samāyuktaṃ tasyā vatsaḥ priyo bhavet

1 ॥ शुनो ऽस्थि कण्ठबद्धं हि महिषाणां गवा तथा । कृमिजालं पातयति सकलं नात्र संशयः

1 // śuno 'sthi kaṇṭhabaddhaṃ hi mahiṣāṇāṃ gavā tathā / kṛmijālaṃ pātayati sakalaṃ nātra saṃśayaḥ

2 ॥ गोजङ्गनाभिपातः स्याद्गुञ्जामूलस्य भक्षणात्

2 // gojaṅganābhipātaḥ syādguñjāmūlasya bhakṣaṇāt

3 ॥ वरुणफलस्यरसं करेण मथितं शिव । चतुष्पाद-द्विपदयोः कृमिजालं निपातयेत्

3 // varuṇaphalasyarasaṃ kareṇa mathitaṃ śiva / catuṣpāda-dvipadayoḥ kṛmijālaṃ nipātayet

4 ॥ व्रणञ्च शमयेद्रुद्र जयायाः पूरणात् तथा । गजमूत्रस्य वै पानं गो-महिष्युपसर्गनुत्

4 // vraṇañca śamayedrudra jayāyāḥ pūraṇāt tathā / gajamūtrasya vai pānaṃ go-mahiṣyupasarganut

5 ॥ समसूर शालिबीजं पीतं तक्रेण घर्षितम् । क्षीरे गो-महीषस्यैव गोः पुंसश्च हितं भवेत्

5 // samasūra śālibījaṃ pītaṃ takreṇa gharṣitam / kṣīre go-mahīṣasyaiva goḥ puṃsaśca hitaṃ bhavet

6 ॥ पत्रञ्च शरपुङ्खाया दत्तं सलवणं शिव । वारिस्फोटं हयानाञ्च केसराणां विनाशयेत्

6 // patrañca śarapuṅkhāyā dattaṃ salavaṇaṃ śiva / vārisphoṭaṃ hayānāñca kesarāṇāṃ vināśayet

7 ॥ घृतकुमारीपत्रमेव दत्तं सलक्षणं हर । तुरगम-केसराणां कण्डूनंश्येन्न संशयः

7 // ghṛtakumārīpatrameva dattaṃ salakṣaṇaṃ hara / turagama-kesarāṇāṃ kaṇḍūnaṃśyenna saṃśayaḥ