59 ॥ इति श्रीब्रह्माण्डमहापुराणे उत्तरभागे हयग्रीवागस्त्यसंवादे ललितोपाख्याने वैवाहिकोत्सवो नाम पञ्चदशो ऽध्यायः अथ सा जगतां माता ललिता परमेश्वरी । त्रैलोक्यकण्टकं भण्डं दैत्यं जेतुं विनिर्ययौ
59 // iti śrībrahmāṇḍamahāpurāṇe uttarabhāge hayagrīvāgastyasaṃvāde lalitopākhyāne vaivāhikotsavo nāma pañcadaśo 'dhyāyaḥ atha sā jagatāṃ mātā lalitā parameśvarī / trailokyakaṇṭakaṃ bhaṇḍaṃ daityaṃ jetuṃ viniryayau
1 ॥ चकार मर्दलाकारानंभोराशींस्तु सप्त ते । प्रभूतमर्द्दलध्वानैः पूरयामासुरंबरम्
1 // cakāra mardalākārānaṃbhorāśīṃstu sapta te / prabhūtamarddaladhvānaiḥ pūrayāmāsuraṃbaram
2 ॥ मृदङ्गमुरजाश्चैव पटहो ऽतुकुलीङ्गणाः । सेलुकाझल्लरीराङ्घाहुहुकाहुण्डुकाघटाः
2 // mṛdaṅgamurajāścaiva paṭaho 'tukulīṅgaṇāḥ / selukājhallarīrāṅghāhuhukāhuṇḍukāghaṭāḥ
3 ॥ आनकाः पणवाश्चैव गोमुखाश्चार्धचन्द्रिकाः । यवमध्या मुष्टिमध्या मर्द्दलाडिण्डिमा अपि
3 // ānakāḥ paṇavāścaiva gomukhāścārdhacandrikāḥ / yavamadhyā muṣṭimadhyā marddalāḍiṇḍimā api
4 ॥ झर्झराश्च बरीताश्च इङ्ग्यालिङ्ग्यप्रभेदजाः । उद्धकाश्चैतुहुण्डाश्च निःसाणा बर्बराः परे
4 // jharjharāśca barītāśca iṅgyāliṅgyaprabhedajāḥ / uddhakāścaituhuṇḍāśca niḥsāṇā barbarāḥ pare
5 ॥ हुङ्कारा काकतुण्डाश्च वाद्यभेदास्तथापरे । दध्वनुः शक्तिसेनाभिराहताः समरोद्यमे
5 // huṅkārā kākatuṇḍāśca vādyabhedāstathāpare / dadhvanuḥ śaktisenābhirāhatāḥ samarodyame
6 ॥ ललितापरमेशान्या अङ्कुशास्त्रान्समुद्गता । संपत्करी नाम देवी चचाल सह शक्तिभिः
6 // lalitāparameśānyā aṅkuśāstrānsamudgatā / saṃpatkarī nāma devī cacāla saha śaktibhiḥ
7 ॥ अनेककोटिमातङ्गतुरङ्गरथपङ्क्तिभिः । सेविता तरुणादित्यपाटला संपदीश्वरी
7 // anekakoṭimātaṅgaturaṅgarathapaṅktibhiḥ / sevitā taruṇādityapāṭalā saṃpadīśvarī
8 ॥ मत्तमुद्दण्डसंग्रामरसिकं शैलसन्निभम् । रणकोलाहलं नाम सारुरोह मतङ्गजम्
8 // mattamuddaṇḍasaṃgrāmarasikaṃ śailasannibham / raṇakolāhalaṃ nāma sāruroha mataṅgajam
9 ॥ तामन्वगा ययौ सेना महती धोरराविणी । लोलाभिः केतुमालाभिरुल्लिखन्ती धनाधनात्
9 // tāmanvagā yayau senā mahatī dhorarāviṇī / lolābhiḥ ketumālābhirullikhantī dhanādhanāt
10 ॥ तस्याश्च संपन्नाथायाः पीनस्तनसुसंकटः । कण्टको घनसंनाहो रुरुचे वक्षसिस्थितः
10 // tasyāśca saṃpannāthāyāḥ pīnastanasusaṃkaṭaḥ / kaṇṭako ghanasaṃnāho ruruce vakṣasisthitaḥ
11 ॥ कंपमाना खड्गलता व्यरुचत्तत्करे धृता । कुटिला कालनाथस्य भृकुटीव भयङ्करा
11 // kaṃpamānā khaḍgalatā vyarucattatkare dhṛtā / kuṭilā kālanāthasya bhṛkuṭīva bhayaṅkarā
12 ॥ उत्पातवातसंपाताच्चलिता इव पर्वताः । तामन्वगा ययुः कोटिसंख्याकाः कुञ्जरोत्तमाः
12 // utpātavātasaṃpātāccalitā iva parvatāḥ / tāmanvagā yayuḥ koṭisaṃkhyākāḥ kuñjarottamāḥ
13 ॥ अथ श्रीललितादेव्या श्रीपाशायुधसंभवा । अतित्वरितविक्रान्तिरश्वारूढाचलत्पुरः
13 // atha śrīlalitādevyā śrīpāśāyudhasaṃbhavā / atitvaritavikrāntiraśvārūḍhācalatpuraḥ
14 ॥ तया सह हयप्रायं सैन्यं हेषातरङ्गितम् । व्यचरत्खुरकुद्दालविदारितमहीतलम्
14 // tayā saha hayaprāyaṃ sainyaṃ heṣātaraṅgitam / vyacaratkhurakuddālavidāritamahītalam
15 ॥ वनायुजाश्च कांबोजाः पारदाः सिंधुदेशजाः । टङ्कणाः पर्वतीयाश्च पारसीकास्तथा परे
15 // vanāyujāśca kāṃbojāḥ pāradāḥ siṃdhudeśajāḥ / ṭaṅkaṇāḥ parvatīyāśca pārasīkāstathā pare
16 ॥ अजानेया घट्टधरा दरदाः काल वन्दिजाः । वाल्मीकयावनोद्भूता गान्धर्वाश्चाथ ये हयाः
16 // ajāneyā ghaṭṭadharā daradāḥ kāla vandijāḥ / vālmīkayāvanodbhūtā gāndharvāścātha ye hayāḥ
17 ॥ प्राग्देशजाताः कैराता प्रान्तदेशोद्भवास्तथा । विनीताः साधुवोढारो वेगिनः स्थिरचेतसः
17 // prāgdeśajātāḥ kairātā prāntadeśodbhavāstathā / vinītāḥ sādhuvoḍhāro veginaḥ sthiracetasaḥ
18 ॥ स्वामिचित्तविशेषज्ञा महायुद्धसहिष्णवः । लक्षणैर्बहुभिर्युक्ता जितक्रोधा जितश्रमाः
18 // svāmicittaviśeṣajñā mahāyuddhasahiṣṇavaḥ / lakṣaṇairbahubhiryuktā jitakrodhā jitaśramāḥ
19 ॥ पञ्चधारासु शक्षढ्या विनीताश्च प्लवान्विताः
19 // pañcadhārāsu śakṣaḍhyā vinītāśca plavānvitāḥ
20 ॥ फलशुक्तिश्रिया युक्ताः श्वेतशुक्तिसमन्विताः । देवपद्मं देवमणिं देवस्वस्तिकमेव च
20 // phalaśuktiśriyā yuktāḥ śvetaśuktisamanvitāḥ / devapadmaṃ devamaṇiṃ devasvastikameva ca
21 ॥ अथ स्वस्तिकशुक्तिश्च गडुरं पुष्पगण्डिकाम् । एतानि शुभलक्ष्माणि ज्यराज्यप्रदानि च । वहन्तो वातजवना वाजिनस्तां समन्वयुः
21 // atha svastikaśuktiśca gaḍuraṃ puṣpagaṇḍikām / etāni śubhalakṣmāṇi jyarājyapradāni ca / vahanto vātajavanā vājinastāṃ samanvayuḥ
22 ॥ अपराजितनामानमतितेजस्विनं चलम् । अत्यन्तोत्तुङ्गवर्ष्माणं कविकाविलसन्मुखम्
22 // aparājitanāmānamatitejasvinaṃ calam / atyantottuṅgavarṣmāṇaṃ kavikāvilasanmukham
23 ॥ पार्श्वद्वये ऽपि पतितस्फुरत्केसरमण्डलम् । स्थूलवालधिविक्षेपक्षिप्यमाणपयोधरम्
23 // pārśvadvaye 'pi patitasphuratkesaramaṇḍalam / sthūlavāladhivikṣepakṣipyamāṇapayodharam
24 ॥ जङ्घाकाण्डसमुन्नद्धमणिकिङ्किणिभासुरम् । वादयन्तमिवोच्चण्डैः खुरनिष्ठुरकुट्टनैः
24 // jaṅghākāṇḍasamunnaddhamaṇikiṅkiṇibhāsuram / vādayantamivoccaṇḍaiḥ khuraniṣṭhurakuṭṭanaiḥ
25 ॥ भूमण्डलमहावाद्यं विजयस्य समृद्धये । घोषमाणं प्रति मुहुः संदर्शितगतिक्रमम्
25 // bhūmaṇḍalamahāvādyaṃ vijayasya samṛddhaye / ghoṣamāṇaṃ prati muhuḥ saṃdarśitagatikramam
26 ॥ आलोलचामरव्याजाद्वहन्तं पक्षती इव । भाण्डैर्मनोहरैर्युक्तं घर्घरीजालमण्डितम्
26 // ālolacāmaravyājādvahantaṃ pakṣatī iva / bhāṇḍairmanoharairyuktaṃ ghargharījālamaṇḍitam
27 ॥ एषां घोषस्य कपटाद्धुङ्कुर्वतीमि वासुरान् । अश्वारूढा महादेवी समारूढा हयं ययौ
27 // eṣāṃ ghoṣasya kapaṭāddhuṅkurvatīmi vāsurān / aśvārūḍhā mahādevī samārūḍhā hayaṃ yayau
28 ॥ चतुर्भिर्वाहुभिः पाशमङ्कुशं वेत्रमेव च । हयवल्गां च दधती बहुविक्रमशोभिनी
28 // caturbhirvāhubhiḥ pāśamaṅkuśaṃ vetrameva ca / hayavalgāṃ ca dadhatī bahuvikramaśobhinī
29 ॥ तरुणादित्यसङ्काशा ज्वलत्काञ्चीतरङ्गिणी । सञ्चचाल हयारूढा नर्तयन्तीव वाजिनम्
29 // taruṇādityasaṅkāśā jvalatkāñcītaraṅgiṇī / sañcacāla hayārūḍhā nartayantīva vājinam
30 ॥ अथ श्रीदण्डनाथाया निर्याणपटहध्वनिः । उद्दण्डसिन्धुनिस्वानश्चकार बधिरं जगत्
30 // atha śrīdaṇḍanāthāyā niryāṇapaṭahadhvaniḥ / uddaṇḍasindhunisvānaścakāra badhiraṃ jagat
31 ॥ वज्रबाणैः कठोरैश्चभिन्दन्त्यः ककुभो दश । अन्युद्धतभुजाश्मानः शक्तयः काश्चिदुच्छ्रिताः
31 // vajrabāṇaiḥ kaṭhoraiścabhindantyaḥ kakubho daśa / anyuddhatabhujāśmānaḥ śaktayaḥ kāściducchritāḥ
32 ॥ काश्चिच्छ्रीदण्डनाथायाः सेनानासीरसङ्गताः । खड्गं फलकमादाय पुप्लुवुश्चण्डसक्तयः
32 // kāścicchrīdaṇḍanāthāyāḥ senānāsīrasaṅgatāḥ / khaḍgaṃ phalakamādāya pupluvuścaṇḍasaktayaḥ
33 ॥ अत्यन्तसैन्यसम्बाधं वेत्रसंताडनैः शतैः । निवारयन्त्यो वेत्रिण्यो व्युच्छलन्ति स्मशक्तयः
33 // atyantasainyasambādhaṃ vetrasaṃtāḍanaiḥ śataiḥ / nivārayantyo vetriṇyo vyucchalanti smaśaktayaḥ
34 ॥ अथ तुङ्गध्वजश्रेणीर्महिषाङ्का मृगाङ्किकाम् । सिहाङ्काश्चैव बिभ्राणाः शक्तयो व्यचलन्पुरा
34 // atha tuṅgadhvajaśreṇīrmahiṣāṅkā mṛgāṅkikām / sihāṅkāścaiva bibhrāṇāḥ śaktayo vyacalanpurā
35 ॥ ततः श्रीदण्डनाथायाः श्वेतच्छत्रं सहस्रशः । स्फुरत्कराः प्रचलिताः शक्तयः काश्चिदाददुः
35 // tataḥ śrīdaṇḍanāthāyāḥ śvetacchatraṃ sahasraśaḥ / sphuratkarāḥ pracalitāḥ śaktayaḥ kāścidādaduḥ