216 ॥ इति श्रीब्रह्माण्डे महापुराणे वायुप्रोक्ते मध्यमभागे तृतीय उपोद्धात पादे भार्गवचरिते इक्ष्वाकुवंशकीर्त्तनं नाम त्रिषष्टितमो ऽध्यायः ॥ 63॥ सूत उवाच अनुजस्य विकुक्षेस्तु निमेर्वंशं निबोघत । यो ऽसौ निवेशयामास पुरं देवपुरोपमम्
216 // iti śrībrahmāṇḍe mahāpurāṇe vāyuprokte madhyamabhāge tṛtīya upoddhāta pāde bhārgavacarite ikṣvākuvaṃśakīrttanaṃ nāma triṣaṣṭitamo 'dhyāyaḥ // 63// sūta uvāca anujasya vikukṣestu nimervaṃśaṃ niboghata / yo 'sau niveśayāmāsa puraṃ devapuropamam
1 ॥ जयन्तमिति विख्यातं गौतमस्याश्रमान्तिकम् । यस्यान्ववाये जज्ञे वै जनको नृपसत्तमः
1 // jayantamiti vikhyātaṃ gautamasyāśramāntikam / yasyānvavāye jajñe vai janako nṛpasattamaḥ
2 ॥ निमिर्नाम सुधर्मात्मा सर्वसत्त्वनमस्कृतः । आसीत्पुत्रो महाराज चैक्ष्वाकोर्भूरितेजसः
2 // nimirnāma sudharmātmā sarvasattvanamaskṛtaḥ / āsītputro mahārāja caikṣvākorbhūritejasaḥ
3 ॥ स शापेन वसिष्ठस्यविदेहः समपद्यत । तस्य पुत्रो मिथिर्नाम जनितः पर्वभिस्त्रिभिः
3 // sa śāpena vasiṣṭhasyavidehaḥ samapadyata / tasya putro mithirnāma janitaḥ parvabhistribhiḥ
4 ॥ अरण्यां मथ्यमानाया प्रादुर्भूतो महायशाः । नाम्ना मिथिरिति ख्यातो जननाज्जनको ऽभवत्
4 // araṇyāṃ mathyamānāyā prādurbhūto mahāyaśāḥ / nāmnā mithiriti khyāto jananājjanako 'bhavat
5 ॥ मिथिर्नाम महावीर्यो येनासौ मिथिलाभवत् । राजासौ नाम जनको जनकाच्चा प्युदावसुः
5 // mithirnāma mahāvīryo yenāsau mithilābhavat / rājāsau nāma janako janakāccā pyudāvasuḥ
6 ॥ उदावसोस्तु धर्मात्मा जातो ऽसौ नन्दिवर्द्धनः । नन्दिवर्धनतः शूरः सुकेतुर्नाम धार्मिकः
6 // udāvasostu dharmātmā jāto 'sau nandivarddhanaḥ / nandivardhanataḥ śūraḥ suketurnāma dhārmikaḥ
7 ॥ सुकेतोरपि धर्मात्मा देवरातो महाबलः । देवरातस्य धर्मात्मा बृहदुक्थ इति श्रुतः
7 // suketorapi dharmātmā devarāto mahābalaḥ / devarātasya dharmātmā bṛhaduktha iti śrutaḥ
8 ॥ बृहदुक्थस्य तनयो महावीर्यः प्रतापवान् । महावीर्यस्य धृतिमान् सुधृति स्तस्य चात्मजः
8 // bṛhadukthasya tanayo mahāvīryaḥ pratāpavān / mahāvīryasya dhṛtimān sudhṛti stasya cātmajaḥ
9 ॥ सुधृतेरपि धर्मात्मा धृष्टकेतुः परन्तपः । धृष्टकेतुसुतश्चापि हर्यश्वो नाम विश्रुतः
9 // sudhṛterapi dharmātmā dhṛṣṭaketuḥ parantapaḥ / dhṛṣṭaketusutaścāpi haryaśvo nāma viśrutaḥ
10 ॥ हर्यश्वस्य मरुः पुत्रो मरोः पुत्रः प्रतिंबकः । प्रतिंबकस्य धर्मात्मा राजा कीर्त्तिरथः स्मृतः
10 // haryaśvasya maruḥ putro maroḥ putraḥ pratiṃbakaḥ / pratiṃbakasya dharmātmā rājā kīrttirathaḥ smṛtaḥ
11 ॥ पुत्रः कीर्त्तिरथस्यापि देवमीढ इति श्रुतः । देवमीढस्य विबुधो विबुधस्य महाधृतिः
11 // putraḥ kīrttirathasyāpi devamīḍha iti śrutaḥ / devamīḍhasya vibudho vibudhasya mahādhṛtiḥ
12 ॥ महाधृतिसुतो राजा कीर्त्तिरातः प्रतापवान् । कीर्तिरातात्मजो विद्वान् महारोमेति विश्रुतः
12 // mahādhṛtisuto rājā kīrttirātaḥ pratāpavān / kīrtirātātmajo vidvān mahārometi viśrutaḥ
13 ॥ महारोम्णस्तु विख्यातः स्वर्णरोमा व्यजायत । स्वर्णरोमात्मजश्चापि ह्रस्वरोमाभवन्नृपः
13 // mahāromṇastu vikhyātaḥ svarṇaromā vyajāyata / svarṇaromātmajaścāpi hrasvaromābhavannṛpaḥ
14 ॥ ह्रस्वरोमान्मजो विद्वान् सरिद्ध्वज इति श्रुतः । उद्भिन्ना कर्षता येन सीता राज्ञा यशस्विनी
14 // hrasvaromānmajo vidvān sariddhvaja iti śrutaḥ / udbhinnā karṣatā yena sītā rājñā yaśasvinī
15 ॥ रामस्य महिधी साध्वी सुव्रता नियतव्रता । वैशंपायन उवाच कथं सीता समुत्पन्न कृष्यमाण यशस्विनी
15 // rāmasya mahidhī sādhvī suvratā niyatavratā / vaiśaṃpāyana uvāca kathaṃ sītā samutpanna kṛṣyamāṇa yaśasvinī
16 ॥ किमर्थं वाकृषद्राजा क्षेत्रं यस्मिन् बभूव ह । सूत उवाच अग्निक्षेत्रे कृष्यमाणे अश्वमेधे महात्मनः
16 // kimarthaṃ vākṛṣadrājā kṣetraṃ yasmin babhūva ha / sūta uvāca agnikṣetre kṛṣyamāṇe aśvamedhe mahātmanaḥ
17 ॥ विधिना सुप्रयत्नेन तस्मात्सा तु समुत्थिता । सीरध्वजानुजातस्तु भानुमान्नाम मैथिलः
17 // vidhinā suprayatnena tasmātsā tu samutthitā / sīradhvajānujātastu bhānumānnāma maithilaḥ
18 ॥ भ्राता कुशध्वजस्तस्य स काश्यधिपतिर्नृपः । तस्य भानुमतः पुत्रः प्रद्युम्नश्च पतापवान्
18 // bhrātā kuśadhvajastasya sa kāśyadhipatirnṛpaḥ / tasya bhānumataḥ putraḥ pradyumnaśca patāpavān
19 ॥ मुनिस्तस्य सुतश्चापि तस्मादूर्जवहः स्मृतः । ऊर्जवहात्सनद्वाजः शकुनिस्तस्य चात्मजः
19 // munistasya sutaścāpi tasmādūrjavahaḥ smṛtaḥ / ūrjavahātsanadvājaḥ śakunistasya cātmajaḥ
20 ॥ स्वागतः शकुनेः पुत्रः सुवर्चास्तत्सुतः स्मृतः । सुतोपस्तस्य दायादः सुश्रुतस्तस्य चात्मजः
20 // svāgataḥ śakuneḥ putraḥ suvarcāstatsutaḥ smṛtaḥ / sutopastasya dāyādaḥ suśrutastasya cātmajaḥ
21 ॥ सुश्रुतस्य जयः पुत्रो जयस्य विजयः सुतः । विजयस्य क्रतुः पुत्र- क्रतोश्च सुनयः स्मतः
21 // suśrutasya jayaḥ putro jayasya vijayaḥ sutaḥ / vijayasya kratuḥ putra- kratośca sunayaḥ smataḥ
22 ॥ सुनयाद्वीतहव्यस्तु वीतहव्यात्मजो धृतिः । धृतेस्तु बहुलाश्वो ऽभूद्बहुलाश्वसुतः कृतिः
22 // sunayādvītahavyastu vītahavyātmajo dhṛtiḥ / dhṛtestu bahulāśvo 'bhūdbahulāśvasutaḥ kṛtiḥ
23 ॥ तस्मिन्संतिष्ठते वंशो चनकानां महात्मनाम् । इत्येते मैथिलाः प्रोक्ताः सोमस्यापि निबोधत
23 // tasminsaṃtiṣṭhate vaṃśo canakānāṃ mahātmanām / ityete maithilāḥ proktāḥ somasyāpi nibodhata