Chapter 67

जीर्णाद्धारविधिं वक्ष्ये भूषितां स्नपयेद्गुरुः

jīrṇāddhāravidhiṃ vakṣye bhūṣitāṃ snapayedguruḥ

अचलां विन्यसेद्गेहे अतिजीर्णां परित्यजेत्

acalāṃ vinyasedgehe atijīrṇāṃ parityajet

व्यङ्गां भग्नां च शैलाढ्यां न्यसेदन्यां च पूर्ववत्

vyaṅgāṃ bhagnāṃ ca śailāḍhyāṃ nyasedanyāṃ ca pūrvavat

संहारविधिना तत्र तत्त्वान् संहृत्य देशिकः

saṃhāravidhinā tatra tattvān saṃhṛtya deśikaḥ

सहस्रं नारसिंहेन हुत्वा तामुद्धरेद् गुरुः

sahasraṃ nārasiṃhena hutvā tāmuddhared guruḥ

दारवीं दारयेद्वह्नौ शैलजां प्रक्षिपेज्जले

dāravīṃ dārayedvahnau śailajāṃ prakṣipejjale

धातुजां रत्नजां वापि अगाधे वा जले ऽम्बुधौ

dhātujāṃ ratnajāṃ vāpi agādhe vā jale 'mbudhau

यानमारोप्य जीर्णाङ्गं छाद्य वस्त्रादिना नयेत्

yānamāropya jīrṇāṅgaṃ chādya vastrādinā nayet

वादित्रैः प्रक्षिपेत्तोये गुरवे दक्षिणां ददेत्

vāditraiḥ prakṣipettoye gurave dakṣiṇāṃ dadet

यत्प्रमाणा च यद्द्रव्या तन्मानां स्थापयेद्दिने

yatpramāṇā ca yaddravyā tanmānāṃ sthāpayeddine

कूपवापीतडागादेर्जीर्णोद्धारे महाफलं

kūpavāpītaḍāgāderjīrṇoddhāre mahāphalaṃ