Chapter 192

व्रतं वक्ष्ये चतुर्दश्यां भुक्तिमुक्तिप्रदायकं

vrataṃ vakṣye caturdaśyāṃ bhuktimuktipradāyakaṃ

कार्त्तिके तु चतुर्दश्यां निराहारो यजेच्छिवम्

kārttike tu caturdaśyāṃ nirāhāro yajecchivam

वर्षभोगधनायुष्मान् कुर्वन् शिवचतुर्दशीम्

varṣabhogadhanāyuṣmān kurvan śivacaturdaśīm

मार्गशीर्षे सिते ऽष्टाभ्यां तृतीयायां मुनिव्रतः

mārgaśīrṣe site 'ṣṭābhyāṃ tṛtīyāyāṃ munivrataḥ

द्वादश्यां वा चतुर्दश्यां फलाहारो यजेत् सुरं

dvādaśyāṃ vā caturdaśyāṃ phalāhāro yajet suraṃ

त्यक्त्वा फलानि दद्यात्तु कुर्वन् फलचतुर्दशीं

tyaktvā phalāni dadyāttu kurvan phalacaturdaśīṃ

चतुर्दश्यां मथाष्टम्यां पक्षयोःशुक्लकृष्णयोः

caturdaśyāṃ mathāṣṭamyāṃ pakṣayoḥśuklakṛṣṇayoḥ

अनश्नन् पूजयेच्छम्भुं स्वर्ग्युभयचतुर्दशीं

anaśnan pūjayecchambhuṃ svargyubhayacaturdaśīṃ

कृष्णाष्टम्यान्तु नक्तेन तथा कृष्णचतुर्दशीं

kṛṣṇāṣṭamyāntu naktena tathā kṛṣṇacaturdaśīṃ

इह भोगानवाप्नोति परत्र च शुभाङ्गतिं

iha bhogānavāpnoti paratra ca śubhāṅgatiṃ

कार्तिके च चतुर्दश्यां कृष्णायां स्नानकृत् सुखी

kārtike ca caturdaśyāṃ kṛṣṇāyāṃ snānakṛt sukhī

आराधिते महेन्द्रे तु ध्वजाकारासु यष्टिषु

ārādhite mahendre tu dhvajākārāsu yaṣṭiṣu

ततः शुक्लचतुर्दश्यामनन्तं पूजयेद्धरिं

tataḥ śuklacaturdaśyāmanantaṃ pūjayeddhariṃ

कृत्वादर्भमयं चैव वारिधानी समन्वितं

kṛtvādarbhamayaṃ caiva vāridhānī samanvitaṃ

शालिप्रस्थस्य पिष्टस्य पूपनाम्नः कृतस्य च

śāliprasthasya piṣṭasya pūpanāmnaḥ kṛtasya ca

अर्धं विप्राय दातव्यमर्धमात्मनि योजयेत्

ardhaṃ viprāya dātavyamardhamātmani yojayet

कर्तव्यं सरितां चान्ते कथां कृत्वा हरेरिति

kartavyaṃ saritāṃ cānte kathāṃ kṛtvā hareriti

अनन्तसंसारमहासमुद्रे मग्नान् समभ्युद्धर वासुदेव

anantasaṃsāramahāsamudre magnān samabhyuddhara vāsudeva

अनन्तरूपे विनियोजयस्व अनन्तरूपाय नमो नमस्ते

anantarūpe viniyojayasva anantarūpāya namo namaste

अनेन पूजयित्वाथ सूत्रं बद्धा तु मन्त्रितं

anena pūjayitvātha sūtraṃ baddhā tu mantritaṃ

स्वके करे वा कण्ठे वा त्वनन्तव्रतकृत् सुखी ॥11

svake kare vā kaṇṭhe vā tvanantavratakṛt sukhī //11