Chapter 191

त्रयोदशीव्रतानीह सर्वदानि वदामि ते

trayodaśīvratānīha sarvadāni vadāmi te

अनङ्गेन कृतामादौ वक्ष्ये ऽनङ्गत्रयोदशीं

anaṅgena kṛtāmādau vakṣye 'naṅgatrayodaśīṃ

त्रयोदश्यां मार्गशीर्षे शुक्ले ऽनङ्गं हरं यजेत्

trayodaśyāṃ mārgaśīrṣe śukle 'naṅgaṃ haraṃ yajet

मध सम्प्राशयेद्रात्रौ घृतहोमस्तिलाक्षतैः

madha samprāśayedrātrau ghṛtahomastilākṣataiḥ

पौषे योगेश्वरं प्रार्च्य चन्दनाशी कृताहुतिः

pauṣe yogeśvaraṃ prārcya candanāśī kṛtāhutiḥ

महेश्वरं मौक्तिकाशी माघे ऽभ्यर्च्य दिवं व्रजेत्

maheśvaraṃ mauktikāśī māghe 'bhyarcya divaṃ vrajet

काकोलं प्राश्य नीरं तु फाल्गुने पूजयेद्व्रती

kākolaṃ prāśya nīraṃ tu phālgune pūjayedvratī

कर्पूराशी स्वरूपं च चैत्रे सौभाग्यवान् भवेत्

karpūrāśī svarūpaṃ ca caitre saubhāgyavān bhavet

महारूपन्तु वैशाखे यजेज्जातीफलाश्यपि

mahārūpantu vaiśākhe yajejjātīphalāśyapi

लवङ्गाशी ज्यैष्ठदिने प्रद्युम्नं पूजयेद् व्रती

lavaṅgāśī jyaiṣṭhadine pradyumnaṃ pūjayed vratī

तिलोदाशी तथाषाढे उमाभर्तारमर्चयेत्

tilodāśī tathāṣāḍhe umābhartāramarcayet

श्रावणे गन्धतोयाशी पूजयेच्छूलपाणिनं

śrāvaṇe gandhatoyāśī pūjayecchūlapāṇinaṃ

सद्योजातं भाद्रपदे प्राशिता गुरुमर्चयेत्

sadyojātaṃ bhādrapade prāśitā gurumarcayet

सुवर्णवारि संप्राश्य आश्विने त्रिदशाधिपम्

suvarṇavāri saṃprāśya āśvine tridaśādhipam

विश्वेश्वरं कार्त्तिके तु मदनाशी यजेद्व्रती

viśveśvaraṃ kārttike tu madanāśī yajedvratī

शिवं हैमन्तु वर्षान्ते सञ्च्छाद्याम्रदलेन तु

śivaṃ haimantu varṣānte sañcchādyāmradalena tu

वस्त्रेण पूजयित्वा तु दद्याद्विप्राय गान्तथा

vastreṇa pūjayitvā tu dadyādviprāya gāntathā

शयनञ्छत्रकलशान् पादुकारसभाजनम्

śayanañchatrakalaśān pādukārasabhājanam

त्रयोदश्यां सिते चैत्रे रतिप्रीतियुतं स्मरन्

trayodaśyāṃ site caitre ratiprītiyutaṃ smaran

अशोकाख्यं नगं लिख्य सिन्दूररजनीमुखैः

aśokākhyaṃ nagaṃ likhya sindūrarajanīmukhaiḥ

अव्धं यजेत्तु कामार्थी कामत्रयोदशीव्रतम्

avdhaṃ yajettu kāmārthī kāmatrayodaśīvratam