Chapter 125

पठ्यमानो ह्य् अयं मन्त्रः क्रुद्धः संरक्तलोचनः

paṭhyamāno hy ayaṃ mantraḥ kruddhaḥ saṃraktalocanaḥ

मारणे पातने वापि मोहनोच्चाटने भवेत्

māraṇe pātane vāpi mohanoccāṭane bhavet

कर्णमोटी महाविद्या सर्ववर्णेषु रक्षिका

karṇamoṭī mahāvidyā sarvavarṇeṣu rakṣikā

पञ्चोदयं प्रवक्ष्यामि स्वरोदयसमश्रितं

pañcodayaṃ pravakṣyāmi svarodayasamaśritaṃ

नाभिहृद्यन्तरं यावत्तावच्चरति मारुतः

nābhihṛdyantaraṃ yāvattāvaccarati mārutaḥ

उच्चाटयेद्रणादौ तु कर्णाक्षीणि प्रभेदयेत्

uccāṭayedraṇādau tu karṇākṣīṇi prabhedayet

करोति साधकः क्रुद्धो जपहोमपरायणः

karoti sādhakaḥ kruddho japahomaparāyaṇaḥ

हृदयात्पायुकं कण्ठं ज्वरदाहारिमारणे

hṛdayātpāyukaṃ kaṇṭhaṃ jvaradāhārimāraṇe

कण्ठोद्भवो रसो वायुः शान्तिकं पौष्टिकं रसं

kaṇṭhodbhavo raso vāyuḥ śāntikaṃ pauṣṭikaṃ rasaṃ

दिव्यं स्तम्भं समाकर्षं गन्धो नासान्तिको भ्रुवः

divyaṃ stambhaṃ samākarṣaṃ gandho nāsāntiko bhruvaḥ

गन्धलीनं मनः कृत्वा स्तम्भयेन्नात्र संशयः

gandhalīnaṃ manaḥ kṛtvā stambhayennātra saṃśayaḥ

स्तम्भनं कीलनाद्यञ्च करोत्येव हि साधकः

stambhanaṃ kīlanādyañca karotyeva hi sādhakaḥ

चण्डघण्टा कराली च सुमुखी दुर्मुखी तथा

caṇḍaghaṇṭā karālī ca sumukhī durmukhī tathā

रेवती प्रथमा घोरा वायुचक्रेषु ता यजेत्

revatī prathamā ghorā vāyucakreṣu tā yajet

उच्चाटकारिका देव्यः स्थितास्तेजसि संस्थिताः

uccāṭakārikā devyaḥ sthitāstejasi saṃsthitāḥ

सौम्या च भीषणी देवी जया च विजया तथा

saumyā ca bhīṣaṇī devī jayā ca vijayā tathā

अजिता चापराजिता महाकोटी च रौद्रया

ajitā cāparājitā mahākoṭī ca raudrayā

शुष्ककाया प्राणहरा रसचक्रे स्थिता अमूः

śuṣkakāyā prāṇaharā rasacakre sthitā amūḥ

विरूपाक्षी परा दिव्यास् तथा चाकाशमातरः

virūpākṣī parā divyās tathā cākāśamātaraḥ

संहारी जातहारी च दंष्ट्राला शुष्करेवती

saṃhārī jātahārī ca daṃṣṭrālā śuṣkarevatī

पिपीलिका पुष्टिहरा महापुष्टिप्रवर्धना

pipīlikā puṣṭiharā mahāpuṣṭipravardhanā

भद्रकाली सुभद्रा च हद्रभीमा सुभद्रिका

bhadrakālī subhadrā ca hadrabhīmā subhadrikā

स्थिरा च निष्ठुरा दिव्या निष्कम्पा गदिनी तथा

sthirā ca niṣṭhurā divyā niṣkampā gadinī tathā

द्वात्रिंशन्मातरश् चक्रे अष्टाष्टक्रमशः स्थिताः

dvātriṃśanmātaraś cakre aṣṭāṣṭakramaśaḥ sthitāḥ

एक एव रविश् चन्द्र एकश् चैकैकशक्तिका

eka eva raviś candra ekaś caikaikaśaktikā

भूतभेदेन तीर्थानि यथा तोयं महीतले

bhūtabhedena tīrthāni yathā toyaṃ mahītale

प्राण एको मण्डलैश् च भिद्यते भूतपञ्जरे

prāṇa eko maṇḍalaiś ca bhidyate bhūtapañjare

वामदक्षिणयोगेन दशधा सम्प्रवर्तते

vāmadakṣiṇayogena daśadhā sampravartate

विन्दुमुण्डविचित्रञ्च तत्त्ववस्त्रेण वेष्टितं

vindumuṇḍavicitrañca tattvavastreṇa veṣṭitaṃ

ब्रह्माण्डेन कपालेन पिवेत परमामृतं

brahmāṇḍena kapālena piveta paramāmṛtaṃ

पञ्चवर्गबलाद्युद्धे जयो भवति तच्छृणु

pañcavargabalādyuddhe jayo bhavati tacchṛṇu

अ+आकचटतपयाः श आस्यो वर्ग ईरितः

a+ākacaṭatapayāḥ śa āsyo varga īritaḥ

इ+ईखछठथफराः षो वर्गश् च द्वितीयकः

i+īkhachaṭhathapharāḥ ṣo vargaś ca dvitīyakaḥ

उ+ऊगजडदबलाः सो वर्गश् च तृतीयकः

u+ūgajaḍadabalāḥ so vargaś ca tṛtīyakaḥ

ए+ऐघझढधभवाः सो वर्गश् च चतुर्थकः

e+aighajhaḍhadhabhavāḥ so vargaś ca caturthakaḥ

ओ औ अं अः ङञणना मो वर्गः पञ्चमो भवेत्

o au aṃ aḥ ṅañaṇanā mo vargaḥ pañcamo bhavet

वर्णाश्चाभ्युदये नॄणां चत्वारिंशच्च पञ्च च

varṇāścābhyudaye nṝṇāṃ catvāriṃśacca pañca ca

बालः कुमारो युवा स्याद्वृद्धो मृत्युश् च नामतः

bālaḥ kumāro yuvā syādvṛddho mṛtyuś ca nāmataḥ

आत्मपीदा शोषकः स्यादुदासीनश् च कालकः

ātmapīdā śoṣakaḥ syādudāsīnaś ca kālakaḥ

कृत्तिका प्रतिपद्भौम आत्मनो लाभदः स्मृतः

kṛttikā pratipadbhauma ātmano lābhadaḥ smṛtaḥ

षष्ठी भौमो मघा पीडा आर्द्रा चैकादशी कुजः

ṣaṣṭhī bhaumo maghā pīḍā ārdrā caikādaśī kujaḥ

मृत्युर्मघा द्वितीया ज्ञो लाभश्चार्द्रा च सप्तमी

mṛtyurmaghā dvitīyā jño lābhaścārdrā ca saptamī

बुधे हानिर्भरणी ज्ञः श्रवणं काल ईदृशः

budhe hānirbharaṇī jñaḥ śravaṇaṃ kāla īdṛśaḥ

जीवो लाभाय च भवेत्तृतीया पूर्वफल्गुनी

jīvo lābhāya ca bhavettṛtīyā pūrvaphalgunī

जीवो ऽष्टमी धनिष्ठार्द्रा जीवो ऽश्लेषा त्रयोदशी

jīvo 'ṣṭamī dhaniṣṭhārdrā jīvo 'śleṣā trayodaśī

मृत्यौ शुक्रश् चतुर्थी स्यात् पूर्वभाद्रपदा श्रिये

mṛtyau śukraś caturthī syāt pūrvabhādrapadā śriye

पूर्वाषाढा च नवमी शुक्रः पीडाकरो भवेत्

pūrvāṣāḍhā ca navamī śukraḥ pīḍākaro bhavet

भरणी भूतजा शुक्रो यमदण्डो हि हानिकृत्

bharaṇī bhūtajā śukro yamadaṇḍo hi hānikṛt

कृत्तिकां पञ्चमी मन्दो लाभाय तिथिरीरिता

kṛttikāṃ pañcamī mando lābhāya tithirīritā

अश्लेषा दशमी मन्दो योगः पीडाकरो भवेत्

aśleṣā daśamī mando yogaḥ pīḍākaro bhavet

मघा शनिः पूर्णिमा च योगो भृत्युकरः स्मृतः

maghā śaniḥ pūrṇimā ca yogo bhṛtyukaraḥ smṛtaḥ

पूर्वोत्तराग्निनैरृत्यदक्षिणानिलचन्द्रमाः

pūrvottarāgninairṛtyadakṣiṇānilacandramāḥ

ब्रह्माद्याः स्युर्दृष्टयः स्युःप्रतिपन्नवमीमुखाः

brahmādyāḥ syurdṛṣṭayaḥ syuḥpratipannavamīmukhāḥ

राशिभिः सहिता दृष्टा ग्रहाद्याः सिद्धये स्मृताः

rāśibhiḥ sahitā dṛṣṭā grahādyāḥ siddhaye smṛtāḥ

मेषाद्याश् चतुरः कुम्भा जयः पूर्णे ऽन्यथा मृतिः

meṣādyāś caturaḥ kumbhā jayaḥ pūrṇe 'nyathā mṛtiḥ

सूर्यादिरिक्ता पूर्णा च क्रमादेवम्प्रदापयेत्

sūryādiriktā pūrṇā ca kramādevampradāpayet

रणे सूर्ये फलं नास्ति सोमे भङ्गः प्रशाम्यति

raṇe sūrye phalaṃ nāsti some bhaṅgaḥ praśāmyati

कुजेन कलहं विद्याद्बुधः कामाय वै गुरुः

kujena kalahaṃ vidyādbudhaḥ kāmāya vai guruḥ

जयाय मनसे शुक्रो मन्दे भङ्गो रणे भवेत्

jayāya manase śukro mande bhaṅgo raṇe bhavet

देयानि पिङ्गलाचक्रे सूर्यगानि च भानि हि

deyāni piṅgalācakre sūryagāni ca bhāni hi

मुखे नेत्रे ललाटे ऽथ शिरोहस्तोरुपादके

mukhe netre lalāṭe 'tha śirohastorupādake

पादे मृतिस्त्रिऋक्षे स्यान्त्रीणि पक्षे ऽर्थनाशनम्

pāde mṛtistriṛkṣe syāntrīṇi pakṣe 'rthanāśanam

मुखस्थे च भवेत्यौडा शिरस्थे कार्यनाशनम्

mukhasthe ca bhavetyauḍā śirasthe kāryanāśanam

कुक्षिस्थिते फलं स्याच्च राहुचक्रं वदाम्यहम्

kukṣisthite phalaṃ syācca rāhucakraṃ vadāmyaham

इन्द्राच्च नैरृतङ्गच्छेत्रैरृतात्सोममेव च

indrācca nairṛtaṅgacchetrairṛtātsomameva ca

सोमाद्धुताशनं वह्नेराप्यमाप्याच्छिवालयं

somāddhutāśanaṃ vahnerāpyamāpyācchivālayaṃ

रुद्राद्यमं यमाद्वायुं वायोश् चन्द्रं व्रजेत् पुनः

rudrādyamaṃ yamādvāyuṃ vāyoś candraṃ vrajet punaḥ

भुङ्क्ते चतस्रो नाड्यस्तु राहुपृष्टे जयो रणे

bhuṅkte catasro nāḍyastu rāhupṛṣṭe jayo raṇe

अग्रतो मृत्युमाप्नोति तिथिराहुं वदामि ते

agrato mṛtyumāpnoti tithirāhuṃ vadāmi te

आग्नेयादिशिवान्तं च पूर्णिमामादितः प्रिये

āgneyādiśivāntaṃ ca pūrṇimāmāditaḥ priye

पूर्वे कृष्णाष्टमीं यावत् राहुदृष्टौ भयो भवेत्

pūrve kṛṣṇāṣṭamīṃ yāvat rāhudṛṣṭau bhayo bhavet

ऐशान्याग्नेयनैरृत्यवायव्ये फणिराहुकः

aiśānyāgneyanairṛtyavāyavye phaṇirāhukaḥ

मेषाद्या दिशि पूर्वादौ यत्रादित्यो ऽग्रतो मृतिः

meṣādyā diśi pūrvādau yatrādityo 'grato mṛtiḥ

तृतीया कृष्णपक्षे तु सप्तमी दशमी तथा

tṛtīyā kṛṣṇapakṣe tu saptamī daśamī tathā

चतुर्दशी तथा शुक्रे चतुर्थ्येकादशी तिथिः

caturdaśī tathā śukre caturthyekādaśī tithiḥ

पञ्चदशी विष्टयस्युः पूर्णिमाग्नेयवायवे

pañcadaśī viṣṭayasyuḥ pūrṇimāgneyavāyave

अकचटतपयशा वर्गाः सूर्यादयो ग्रहाः

akacaṭatapayaśā vargāḥ sūryādayo grahāḥ

गृध्रोलुकश्येनकाश् च पिङ्गलः कौशिकः क्रमात्

gṛdhrolukaśyenakāś ca piṅgalaḥ kauśikaḥ kramāt

साससश् च मयूरश् च गोरङ्कुः पक्षिणः स्मृताः

sāsasaś ca mayūraś ca goraṅkuḥ pakṣiṇaḥ smṛtāḥ

आदौ साध्यो हुतो मन्त्र उच्चाटे पल्लवः स्मृतः

ādau sādhyo huto mantra uccāṭe pallavaḥ smṛtaḥ

वश्ये ज्वरे तथाकर्षे प्रयोगः सिद्धिकारकः

vaśye jvare tathākarṣe prayogaḥ siddhikārakaḥ

शान्तो प्रीतो नमस्कारो वौषट् पुष्टो वशादिषु

śānto prīto namaskāro vauṣaṭ puṣṭo vaśādiṣu

हुं मृत्यौ प्रीतिसन्नाशे विद्वेषोच्चाटने च फट्

huṃ mṛtyau prītisannāśe vidveṣoccāṭane ca phaṭ

वषट् सुते च दीप्त्यादौ मन्त्राणां जातयश् च षट्

vaṣaṭ sute ca dīptyādau mantrāṇāṃ jātayaś ca ṣaṭ

ओषधीः सम्प्रवक्ष्यामि महारक्षाविधायिनीः

oṣadhīḥ sampravakṣyāmi mahārakṣāvidhāyinīḥ

महाकाली तथा चण्डी वाराही चेश्वरी तथा

mahākālī tathā caṇḍī vārāhī ceśvarī tathā

सुदर्शना तथेन्द्राणी गात्रस्था रक्षयन्ति तम्

sudarśanā tathendrāṇī gātrasthā rakṣayanti tam

बला चातिबला भीरुर्मुसली सहदेव्यपि

balā cātibalā bhīrurmusalī sahadevyapi

जाती च मल्लिका यूथौ गारुडी भृङ्गराजकः

jātī ca mallikā yūthau gāruḍī bhṛṅgarājakaḥ

चक्ररूपा महोषध्यो धारिता विजयादिदाः

cakrarūpā mahoṣadhyo dhāritā vijayādidāḥ

ग्रहणे च महादेवि उद्धृताः शुभदायिकाः

grahaṇe ca mahādevi uddhṛtāḥ śubhadāyikāḥ

मृदा तु कुञ्जरङ्कृत्वा सर्वलक्षणलक्षितम्

mṛdā tu kuñjaraṅkṛtvā sarvalakṣaṇalakṣitam

तस्य पादतले कृत्वा स्तम्भयेच्छत्रुमात्मनः

tasya pādatale kṛtvā stambhayecchatrumātmanaḥ

नगाग्रे चैकवृक्षे च वज्राहतप्रदेशके

nagāgre caikavṛkṣe ca vajrāhatapradeśake

वल्मीकमृदामाहृत्य मातरौ योजयेत्ततः

valmīkamṛdāmāhṛtya mātarau yojayettataḥ

पूजयेत् कर्दमं देवि स्तम्भयेच्छस्त्रजालकम्

pūjayet kardamaṃ devi stambhayecchastrajālakam

अग्निकार्यं प्रवक्ष्यामि रणादौ जयवर्धनम्

agnikāryaṃ pravakṣyāmi raṇādau jayavardhanam

श्मशाने निशि काष्ठाग्नौ नग्नी मुक्तशिखो नरः

śmaśāne niśi kāṣṭhāgnau nagnī muktaśikho naraḥ

दक्षिणास्यस्तु जुहुयान्नृमांसं रुन्धिरं विषं

dakṣiṇāsyastu juhuyānnṛmāṃsaṃ rundhiraṃ viṣaṃ

तुषास्थिखण्डमिश्रन्तु शत्रुनाम्ना शताष्टकम्

tuṣāsthikhaṇḍamiśrantu śatrunāmnā śatāṣṭakam