Stored source record
Atharvaveda Śaunaka · Kāṇḍa 6 · Sūkta 1
sukta · sa-Deva
अमृतप्रदाता १-३ अथर्वा। सविता। उष्णिक्, १ त्रिपदा पिपिलिकमध्या साम्नी जगती, २-३ पिपीलिकमध्या पुरउष्णिक्। दो॒षो गा॑य बृ॒हद् गा॑य द्यु॒मद् धे॑हि । आथ॑र्वण स्तु॒हि दे॒वं स॑वि॒तार॑म्॥१॥ तमु॑ ष्टुहि॒ यो अ॒न्तः सिन्धौ॑ सू॒नुः । स॒त्यस्य॒ युवा॑न॒मद्रो॑घवाचं सु॒शेव॑म्॥२॥ स घा॑ नो दे॒वः स॑वि॒ता सा॑विषद॒मृता॑नि॒ भूरि॑ । उ॒भे सु॑ष्टुती सु॒गात॑वे ॥३॥