28 ॥ इति श्रीबृहन्नारदीयपुराणोत्तरभागे यमवाक्यं नाम चतुर्थो ऽध्यायः यम उवाच घृष्टतां समनुप्राप्तः पन्था देवस्य चक्रिणः । अच्छिद्रैर्गम्यनानैश्च नरैस्त्रिभुवनार्चित
28 // iti śrībṛhannāradīyapurāṇottarabhāge yamavākyaṃ nāma caturtho 'dhyāyaḥ yama uvāca ghṛṣṭatāṃ samanuprāptaḥ panthā devasya cakriṇaḥ / acchidrairgamyanānaiśca naraistribhuvanārcita
1 ॥ अप्रमाणमहं मन्ये लोकं विष्णोर्जगत्पते । यो न पूर्यति लोकैघैः सर्वसत्वसरोरुहैः
1 // apramāṇamahaṃ manye lokaṃ viṣṇorjagatpate / yo na pūryati lokaighaiḥ sarvasatvasaroruhaiḥ
2 ॥ माधवावसथैनैव समस्तेन पितामह । स्वकर्मस्था विकर्मस्थाः शुचयो ऽशुचयो ऽपि वा
2 // mādhavāvasathainaiva samastena pitāmaha / svakarmasthā vikarmasthāḥ śucayo 'śucayo 'pi vā
3 ॥ उपोष्य वासरं विष्णोर्लोकं यान्ति नृपाज्ञया । सो ऽस्माकं हि महान् शत्रुर्भवतां च विशेषतः
3 // upoṣya vāsaraṃ viṣṇorlokaṃ yānti nṛpājñayā / so 'smākaṃ hi mahān śatrurbhavatāṃ ca viśeṣataḥ
4 ॥ निग्राह्यो जगतांनाथ भवेन्नास्त्यत्र संशयः । तेन वर्षसहस्रेण शासितं क्षितिमण्डलम्
4 // nigrāhyo jagatāṃnātha bhavennāstyatra saṃśayaḥ / tena varṣasahasreṇa śāsitaṃ kṣitimaṇḍalam
5 ॥ अप्रमेयो जनो नीतो वैष्णवं हरिवल्लभम् । आरोपयित्वा गरुडे कृत्वा रूपं चतुर्भुजम्
5 // aprameyo jano nīto vaiṣṇavaṃ harivallabham / āropayitvā garuḍe kṛtvā rūpaṃ caturbhujam
6 ॥ पीतवस्त्रसुसंवीतं स्रग्विणं चारुलोपनम् । यदि स्थास्यति देवेश माधव्यां माधवप्रियः
6 // pītavastrasusaṃvītaṃ sragviṇaṃ cārulopanam / yadi sthāsyati deveśa mādhavyāṃ mādhavapriyaḥ
7 ॥ समस्तं नेष्यते लोकं विष्णोः पदमनामयम् । एष दण्डः पटो ह्येष तव पद्भ्यां विसर्जितः
7 // samastaṃ neṣyate lokaṃ viṣṇoḥ padamanāmayam / eṣa daṇḍaḥ paṭo hyeṣa tava padbhyāṃ visarjitaḥ
8 ॥ लोकपालत्वमतुलं मार्जित तेन भूभुजा । रुक्माङ्गदेन देवेश धन्या सा स धृतो यया
8 // lokapālatvamatulaṃ mārjita tena bhūbhujā / rukmāṅgadena deveśa dhanyā sā sa dhṛto yayā
9 ॥ सर्वदुःखविनाशाय मात्रृजातो गुणाधिकः । किमपत्येन जातेन मातुः क्लेशकरेण हि
9 // sarvaduḥkhavināśāya mātrṛjāto guṇādhikaḥ / kimapatyena jātena mātuḥ kleśakareṇa hi
10 ॥ यो न तापयते शत्रून् ज्येष्ठे मासि यथा रविः । वृथाशूला हि जननी जाता देव कुपुत्रिणी
10 // yo na tāpayate śatrūn jyeṣṭhe māsi yathā raviḥ / vṛthāśūlā hi jananī jātā deva kuputriṇī
11 ॥ यस्य न स्फुरते कीर्तिर्घनस्थेव शतह्रदा । यः पितुर्नोद्धरेत्पक्षं विद्यया वा बलेन वा
11 // yasya na sphurate kīrtirghanastheva śatahradā / yaḥ piturnoddharetpakṣaṃ vidyayā vā balena vā
12 ॥ मातुर्जठरजो रोगः स प्रसूतो धरातले । धर्मे चार्थे च कामे च प्रतीपो यो भवेत्सुतः
12 // māturjaṭharajo rogaḥ sa prasūto dharātale / dharme cārthe ca kāme ca pratīpo yo bhavetsutaḥ
13 ॥ मातृहा प्रोच्यते सद्भिर्वृथा तस्यैव जीवितम् । एका हि वीरसूरेव विरञ्चे नात्र संशयः
13 // mātṛhā procyate sadbhirvṛthā tasyaiva jīvitam / ekā hi vīrasūreva virañce nātra saṃśayaḥ
14 ॥ यया रुक्माङ्गदो जातो मल्लिपेमर्ज्जनाय वै । नेदं व्यवस्थितं देव क्षितौ केनापि भूभुजा
14 // yayā rukmāṅgado jāto mallipemarjjanāya vai / nedaṃ vyavasthitaṃ deva kṣitau kenāpi bhūbhujā
15 ॥ पुराणे ऽपि जगन्नाथ न श्रुतं पटमार्जनम् । सो ऽहं न जां मि कदाचिदाश दृष्ट्वा क्षिरीशं हरिसेवने स्थितम् । प्रवादमानं पटहं सुघोरं प्रलोपमानं ममविश्ममार्गम्
15 // purāṇe 'pi jagannātha na śrutaṃ paṭamārjanam / so 'haṃ na jāṃ mi kadācidāśa dṛṣṭvā kṣirīśaṃ harisevane sthitam / pravādamānaṃ paṭahaṃ sughoraṃ pralopamānaṃ mamaviśmamārgam