54 ॥ इति श्रीबृहन्नारदीयपुराणोत्तरभागे मोहिनीवसुसंवादे गङ्गामाहात्म्ये स्थलविशेषस्नानफलकथनं नाम चत्वारिंशत्तमो ऽध्यायः वसुरुवाच अथावगाहनादीनां कर्मणां फलमुच्यते । सावधाना शृणुष्व त्वं ब्रह्मपुत्रि नृपप्रिये
54 // iti śrībṛhannāradīyapurāṇottarabhāge mohinīvasusaṃvāde gaṅgāmāhātmye sthalaviśeṣasnānaphalakathanaṃ nāma catvāriṃśattamo 'dhyāyaḥ vasuruvāca athāvagāhanādīnāṃ karmaṇāṃ phalamucyate / sāvadhānā śṛṇuṣva tvaṃ brahmaputri nṛpapriye
1 ॥ यैः पुण्यवाहिनी गङ्गा सकृद्भक्त्यावगाहिता । तेषां कुलानां लक्षं तु भवात्तारयते शिवा
1 // yaiḥ puṇyavāhinī gaṅgā sakṛdbhaktyāvagāhitā / teṣāṃ kulānāṃ lakṣaṃ tu bhavāttārayate śivā
2 ॥ सामान्यस्थानतो देवि तत्र संध्या ह्युपासिता । पुण्यं लक्षगुणं कर्तुं समर्था द्विजपावनी
2 // sāmānyasthānato devi tatra saṃdhyā hyupāsitā / puṇyaṃ lakṣaguṇaṃ kartuṃ samarthā dvijapāvanī
3 ॥ दत्ताः पितृभ्यो यत्रापस्तनयैः श्रद्धयान्वितैः । अक्षयां तु प्रकुर्वन्ति तृप्तिं मोहिनि दुर्लभाम्
3 // dattāḥ pitṛbhyo yatrāpastanayaiḥ śraddhayānvitaiḥ / akṣayāṃ tu prakurvanti tṛptiṃ mohini durlabhām
4 ॥ यावन्तश्च तिला मर्त्यार्गृहीताः पितृकर्मणि । तावद्वर्षसहस्राणि पितरः स्वर्गवासिनः
4 // yāvantaśca tilā martyārgṛhītāḥ pitṛkarmaṇi / tāvadvarṣasahasrāṇi pitaraḥ svargavāsinaḥ
5 ॥ पितृलोकेषु ये केचित्सर्वेषां पितरः स्थिताः । तर्प्यमाणाः परां तृप्तिं यान्ति गङ्गाजलैः शुभैः
5 // pitṛlokeṣu ye kecitsarveṣāṃ pitaraḥ sthitāḥ / tarpyamāṇāḥ parāṃ tṛptiṃ yānti gaṅgājalaiḥ śubhaiḥ
6 ॥ य इच्छेत्सफलं जन्म संततिं वा शुभानने । स पितॄंस्तर्पयेद्गङ्गामभिगम्य सुरांस्तथा
6 // ya icchetsaphalaṃ janma saṃtatiṃ vā śubhānane / sa pitṝṃstarpayedgaṅgāmabhigamya surāṃstathā
7 ॥ ये मता दुर्गता मर्त्यास्तर्पितास्तत्कुलोद्भवैः । कुशैस्तिलैर्गाङ्गजलैस्ते प्रयान्ति हरेः पदम्
7 // ye matā durgatā martyāstarpitāstatkulodbhavaiḥ / kuśaistilairgāṅgajalaiste prayānti hareḥ padam
8 ॥ स्वर्गसस्थाश्च ये केचित्पितरः पुण्यशीलिनः । ते तर्पिता गाङ्गजलैर्मोक्षे यान्ति विधेर्वचः
8 // svargasasthāśca ye kecitpitaraḥ puṇyaśīlinaḥ / te tarpitā gāṅgajalairmokṣe yānti vidhervacaḥ
9 ॥ मासं तर्पणमात्रेण पिण्डसंपातनेन च । गङ्गायां पितरः सर्वे सुप्रीताः सूर्यवर्चसः
9 // māsaṃ tarpaṇamātreṇa piṇḍasaṃpātanena ca / gaṅgāyāṃ pitaraḥ sarve suprītāḥ sūryavarcasaḥ
10 ॥ अप्सरो गणणसंयुक्तान्हेमरत्नविभूषितान् । मुक्ताजालपरिच्छन्नान्वेणुवीणानिनादितान्
10 // apsaro gaṇaṇasaṃyuktānhemaratnavibhūṣitān / muktājālaparicchannānveṇuvīṇānināditān
11 ॥ भेरीशङ्खमृदङ्गादिनिर्घोषान्स्रग्विभूषितान् । गन्धर्वदेहरुचिरान्दिव्यभोगसमन्वितान्
11 // bherīśaṅkhamṛdaṅgādinirghoṣānsragvibhūṣitān / gandharvadeharucirāndivyabhogasamanvitān
12 ॥ ॥ आरुह्य तु विमानाग्र्यान्ब्रह्यलोकं प्रयान्ति हि । गङ्गायां तु नरः स्नात्वा यो नित्यं लिङ्गमर्चयेत्
12 // // āruhya tu vimānāgryānbrahyalokaṃ prayānti hi / gaṅgāyāṃ tu naraḥ snātvā yo nityaṃ liṅgamarcayet
13 ॥ एकेन जन्मना मोक्षं परमान्पोति स ध्रुवम् । अग्निहोत्राणि वेदाश्च यज्ञाश्च बहुदक्षिणाः
13 // ekena janmanā mokṣaṃ paramānpoti sa dhruvam / agnihotrāṇi vedāśca yajñāśca bahudakṣiṇāḥ
14 ॥ गङ्गायां लिङ्गपूजायाः कोट्यंशेनापि नो समाः । पितॄनुदिश्य वा देवान्गङ्गांभिभिः प्रसिंचयेत्
14 // gaṅgāyāṃ liṅgapūjāyāḥ koṭyaṃśenāpi no samāḥ / pitṝnudiśya vā devāngaṅgāṃbhibhiḥ prasiṃcayet
15 ॥ तृप्ताः स्युस्तस्य पितरो नरकस्थाश्च तत्क्षणात् । मृत्कुंभात्ताम्रकुंभैस्तु स्नानं दशगुणं स्मृतम्
15 // tṛptāḥ syustasya pitaro narakasthāśca tatkṣaṇāt / mṛtkuṃbhāttāmrakuṃbhaistu snānaṃ daśaguṇaṃ smṛtam
16 ॥ रौप्यैः शतगुणं पुण्यं हेमैः कोटिगुणं स्मृतम् । एवमर्घे च नैवेद्ये बलिपूजादिषु क्रमात्
16 // raupyaiḥ śataguṇaṃ puṇyaṃ hemaiḥ koṭiguṇaṃ smṛtam / evamarghe ca naivedye balipūjādiṣu kramāt
17 ॥ पात्रां तरविशेषेण फलं चैवोत्तरोत्तरम् । विभवे सति यो मोहान्न कुर्याद्विधिविस्तरम्
17 // pātrāṃ taraviśeṣeṇa phalaṃ caivottarottaram / vibhave sati yo mohānna kuryādvidhivistaram
18 ॥ न स तत्कर्मफलभाग्देवद्रोही प्रकीर्त्यते । देवानां दर्शनं पुण्यं दर्शनात्स्पर्शनं वरम्
18 // na sa tatkarmaphalabhāgdevadrohī prakīrtyate / devānāṃ darśanaṃ puṇyaṃ darśanātsparśanaṃ varam
19 ॥ स्पर्शनादर्चनं श्रेष्ठं घृतस्नानमतः परम् । प्राहुर्गङ्गाजलैः स्नानं घृतस्नानसमं बुधाः
19 // sparśanādarcanaṃ śreṣṭhaṃ ghṛtasnānamataḥ param / prāhurgaṅgājalaiḥ snānaṃ ghṛtasnānasamaṃ budhāḥ
20 ॥ अर्घ्यं द्रव्यविशेषेण गङ्गातोयेन यः सकृत् । मागधप्रस्थमात्रेण ताम्रपात्रस्थितेन च
20 // arghyaṃ dravyaviśeṣeṇa gaṅgātoyena yaḥ sakṛt / māgadhaprasthamātreṇa tāmrapātrasthitena ca
21 ॥ देवताभ्यः प्रदद्यात्तु स्वकीयपितृभिः सह । पुत्रपौत्रैश्च संयुक्तः स च वै स्वर्गमाप्नुयात् । आपः क्षीरं कुशाग्राणि घृतं दधि तथा मधु
21 // devatābhyaḥ pradadyāttu svakīyapitṛbhiḥ saha / putrapautraiśca saṃyuktaḥ sa ca vai svargamāpnuyāt / āpaḥ kṣīraṃ kuśāgrāṇi ghṛtaṃ dadhi tathā madhu
22 ॥ रक्तानि करवीराणि तथा वै रक्तचन्दनम् । अष्टाङ्गैरेष युक्तोर्ऽघो भानवे परिकीर्तितः
22 // raktāni karavīrāṇi tathā vai raktacandanam / aṣṭāṅgaireṣa yuktor'gho bhānave parikīrtitaḥ
23 ॥ विष्णोः शिवस्य सूर्य्यस्य दुर्गाया ब्रह्मणस्तथा । गङ्गातीरे प्रतिष्ठां तु यः करोति नरोत्तमः
23 // viṣṇoḥ śivasya sūryyasya durgāyā brahmaṇastathā / gaṅgātīre pratiṣṭhāṃ tu yaḥ karoti narottamaḥ
24 ॥ तथैवायतनान्येषां कारयत्यपि शक्तितः । अन्यतीर्थेषु करणात्कोटिगुणं भवेत्
24 // tathaivāyatanānyeṣāṃ kārayatyapi śaktitaḥ / anyatīrtheṣu karaṇātkoṭiguṇaṃ bhavet
25 ॥ गङ्गातीरसमुद्भूतमृदा लिगानि शक्तितः । सलक्षणानि कृत्वा तु प्रतिष्ठाप्य दिने दिने
25 // gaṅgātīrasamudbhūtamṛdā ligāni śaktitaḥ / salakṣaṇāni kṛtvā tu pratiṣṭhāpya dine dine
26 ॥ मन्त्रेश्च पत्रपुष्पाद्यैः पूजयित्वा च शक्तितः । गङ्गायां निक्षिपेन्नित्यं तस्य पुपयमनन्तकम्
26 // mantreśca patrapuṣpādyaiḥ pūjayitvā ca śaktitaḥ / gaṅgāyāṃ nikṣipennityaṃ tasya pupayamanantakam
27 ॥ सर्वानन्दप्रदायिन्यां गङ्गायां यो नरोत्तमः । अष्टाक्षरं जपेद्भक्त्य मुक्तिस्तस्य करे स्थिता
27 // sarvānandapradāyinyāṃ gaṅgāyāṃ yo narottamaḥ / aṣṭākṣaraṃ japedbhaktya muktistasya kare sthitā
28 ॥ नमो नारायणायेति प्रणवाद्यं नियम्य च । षण्मासं जपतः सर्वा ह्युपतिष्ठन्ति सिद्धयः
28 // namo nārāyaṇāyeti praṇavādyaṃ niyamya ca / ṣaṇmāsaṃ japataḥ sarvā hyupatiṣṭhanti siddhayaḥ
29 ॥ नमः शिवायेति मन्त्रं सतारं विधिना तु यः । चतुर्विशतिलक्षं वै जपेत्साक्षात्सशङ्करः
29 // namaḥ śivāyeti mantraṃ satāraṃ vidhinā tu yaḥ / caturviśatilakṣaṃ vai japetsākṣātsaśaṅkaraḥ
30 ॥ पञ्चाक्षरी सिद्धविद्या शिव एव न संशयः । अपवित्रः पवित्रो वा जपन्निष्पातको भवेत्
30 // pañcākṣarī siddhavidyā śiva eva na saṃśayaḥ / apavitraḥ pavitro vā japanniṣpātako bhavet
31 ॥ पूजितायां तु गङ्गायां पूजिताः सर्व देवताः । तस्मात्सर्वप्रयत्नेन पूजयेदमरापगाम्
31 // pūjitāyāṃ tu gaṅgāyāṃ pūjitāḥ sarva devatāḥ / tasmātsarvaprayatnena pūjayedamarāpagām
32 ॥ चतुर्भुजां त्रिनेत्रां च सर्वावयवशोभिताम् । रत्नकुंभसितांभोजवराभयकरं शुभाम्
32 // caturbhujāṃ trinetrāṃ ca sarvāvayavaśobhitām / ratnakuṃbhasitāṃbhojavarābhayakaraṃ śubhām
33 ॥ श्वेतवस्त्रपरीधानां मुक्तामणिविभूषिताम् । सुप्रसन्नां सुवदनां करुणार्द्रहृदंबुजाम्
33 // śvetavastraparīdhānāṃ muktāmaṇivibhūṣitām / suprasannāṃ suvadanāṃ karuṇārdrahṛdaṃbujām
34 ॥ सुधाप्लावितभूपृष्ठां त्रैलोक्यनमितां सदा । ध्यात्वा जलमयीं गङ्गां पूजयन्पुण्यभाग्भवेत्
34 // sudhāplāvitabhūpṛṣṭhāṃ trailokyanamitāṃ sadā / dhyātvā jalamayīṃ gaṅgāṃ pūjayanpuṇyabhāgbhavet
35 ॥ मासार्द्धमपि यस्त्वेवं नैरन्तर्येण पूजयेत् । स एव देवसदृशो बहुकाले फलाधिकः
35 // māsārddhamapi yastvevaṃ nairantaryeṇa pūjayet / sa eva devasadṛśo bahukāle phalādhikaḥ
36 ॥ वैशाखशुक्लसप्तम्यां जह्नुना जाह्नवी पुरा । क्रोधात्पीता पुनस्त्यक्ता कर्णरङ्घ्रात्तु दक्षिणात्
36 // vaiśākhaśuklasaptamyāṃ jahnunā jāhnavī purā / krodhātpītā punastyaktā karṇaraṅghrāttu dakṣiṇāt
37 ॥ तां तत्र पूजयेद्देवीं गङ्गां गगनमेखलाम् । अक्षयायां तु वैशाखे कार्तिके ऽपि शुभानने
37 // tāṃ tatra pūjayeddevīṃ gaṅgāṃ gaganamekhalām / akṣayāyāṃ tu vaiśākhe kārtike 'pi śubhānane
38 ॥ रात्रौ जागरणं कृत्वा यवान्नैश्च तिलैस्तथा । विष्णुं गङ्गां च शंभुं च पूजयेद्भक्ति भावतः
38 // rātrau jāgaraṇaṃ kṛtvā yavānnaiśca tilaistathā / viṣṇuṃ gaṅgāṃ ca śaṃbhuṃ ca pūjayedbhakti bhāvataḥ
39 ॥ तथा सुगन्धैः कुसुमैः कुङ्कुमागरुमन्दनैः । तुलसीबिल्वपत्राद्यैर्मातुलुङ्गफलादिभिः
39 // tathā sugandhaiḥ kusumaiḥ kuṅkumāgarumandanaiḥ / tulasībilvapatrādyairmātuluṅgaphalādibhiḥ
40 ॥ धूपैर्दीपैश्च नैवेद्यैर्यथा विभवविस्तरैः । कल्पकोटिसहस्राणि कल्पकोटिशतानि च
40 // dhūpairdīpaiśca naivedyairyathā vibhavavistaraiḥ / kalpakoṭisahasrāṇi kalpakoṭiśatāni ca
41 ॥ दिव्यं विमानमास्थाय विष्णुलोके महीयते । ततो महीतलं प्राप्य राजा भवति धार्मिकः
41 // divyaṃ vimānamāsthāya viṣṇuloke mahīyate / tato mahītalaṃ prāpya rājā bhavati dhārmikaḥ
42 ॥ भुक्त्वा विविधसौख्यानि रूपशीलगुणान्वितः । देहान्ते ज्ञानवान्भूत्वा शिवसायुज्यमाप्नुयात्
42 // bhuktvā vividhasaukhyāni rūpaśīlaguṇānvitaḥ / dehānte jñānavānbhūtvā śivasāyujyamāpnuyāt
43 ॥ यज्ञो दानं तपो जप्यं श्राद्धं च सुरपूजनम् । गङ्गायां तु कृतं सर्वं कोटिकोटिगुणं भवेत्
43 // yajño dānaṃ tapo japyaṃ śrāddhaṃ ca surapūjanam / gaṅgāyāṃ tu kṛtaṃ sarvaṃ koṭikoṭiguṇaṃ bhavet
44 ॥ यस्त्वक्षयतृतीयायां गङ्गातीरे ददाति वै । घृतधेनुं विधानेन तस्य पुण्यफलं शृणु
44 // yastvakṣayatṛtīyāyāṃ gaṅgātīre dadāti vai / ghṛtadhenuṃ vidhānena tasya puṇyaphalaṃ śṛṇu
45 ॥ कल्पकोटिसहस्राणि कल्पकोटिशतानि च । सहस्रादित्यसंकाशः सर्वकामसमन्वितः
45 // kalpakoṭisahasrāṇi kalpakoṭiśatāni ca / sahasrādityasaṃkāśaḥ sarvakāmasamanvitaḥ
46 ॥ हेमरत्न मये चित्रे विमाने हंसभूषिते । स्वकीयपितृभिः सार्द्धं ब्रह्मलोके महीयते
46 // hemaratna maye citre vimāne haṃsabhūṣite / svakīyapitṛbhiḥ sārddhaṃ brahmaloke mahīyate
47 ॥ ततस्तु जायते विप्रो गङ्गातीरे धनान्वितः । अन्ते तु ब्रह्मविद्भूत्वा मोक्षमाप्नोत्यसंशयः
47 // tatastu jāyate vipro gaṅgātīre dhanānvitaḥ / ante tu brahmavidbhūtvā mokṣamāpnotyasaṃśayaḥ
48 ॥ तथैव गोप्रदानं च विधिना कुरुते तु यः । गोलोमसंख्यवर्षाणि स्वर्गलोके महीयते
48 // tathaiva gopradānaṃ ca vidhinā kurute tu yaḥ / golomasaṃkhyavarṣāṇi svargaloke mahīyate
49 ॥ जायते च कुले पश्चाद्धनधान्यसमाकुले । रत्नकाञ्चनभूपूर्णे शीलविद्यायशोन्विते
49 // jāyate ca kule paścāddhanadhānyasamākule / ratnakāñcanabhūpūrṇe śīlavidyāyaśonvite
50 ॥ स भुक्त्वा विपुलान्भोगान्पुत्रपौत्रसमन्वितः । मोक्षभागी भवेन्नृनं नात्रकार्या विचारणा
50 // sa bhuktvā vipulānbhogānputrapautrasamanvitaḥ / mokṣabhāgī bhavennṛnaṃ nātrakāryā vicāraṇā
51 ॥ कपिला यदि दत्ता स्याद्विधिना वेदपारगे । नरकस्थान्पितॄन्सर्वान्स्वर्गं नयति वै तदा
51 // kapilā yadi dattā syādvidhinā vedapārage / narakasthānpitṝnsarvānsvargaṃ nayati vai tadā
52 ॥ भूमिं निवर्तनमितां गङ्गातीरे ददाति यः । भूमिरेणुप्रमाणाब्दं ब्रह्मविष्णुशिवातिगः
52 // bhūmiṃ nivartanamitāṃ gaṅgātīre dadāti yaḥ / bhūmireṇupramāṇābdaṃ brahmaviṣṇuśivātigaḥ
53 ॥ जायते च पुनर्भूमौ सप्तद्वीपपतिर्भवेत् । भेरीशङ्खादिनिर्घोषैर्गीतवादित्रनिःस्वनैः
53 // jāyate ca punarbhūmau saptadvīpapatirbhavet / bherīśaṅkhādinirghoṣairgītavāditraniḥsvanaiḥ
54 ॥ स्तुतिभिर्मागघानां च सुप्तो ऽसौ प्रतिबुध्यते । सर्वसौख्यान्यवाप्येह सर्वधर्मपरायणः
54 // stutibhirmāgaghānāṃ ca supto 'sau pratibudhyate / sarvasaukhyānyavāpyeha sarvadharmaparāyaṇaḥ
55 ॥ नरकस्थान्पितॄन्सर्वान्प्रापयित्वा दिवं तथा । स्वर्गस्थितान्मोक्षयित्वा स्वयं ज्ञानी च मोहिनि
55 // narakasthānpitṝnsarvānprāpayitvā divaṃ tathā / svargasthitānmokṣayitvā svayaṃ jñānī ca mohini
56 ॥ अन्ते ज्ञानासिना छित्वा अविद्यां पञ्चपर्विकाम् । परं वैराग्यमापन्नः परं ब्रह्माधि गच्छति
56 // ante jñānāsinā chitvā avidyāṃ pañcaparvikām / paraṃ vairāgyamāpannaḥ paraṃ brahmādhi gacchati
57 ॥ सप्तहस्तेन दण्डेन त्रिंशद्दण्डा निवर्तनम् । त्रिभागहीनं गोचर्म मानमाह विधिः स्वयम्
57 // saptahastena daṇḍena triṃśaddaṇḍā nivartanam / tribhāgahīnaṃ gocarma mānamāha vidhiḥ svayam
58 ॥ ग्रामं गङ्गातटे यो वै ब्राह्मणेभ्यः प्रयच्छति । ब्रह्मविष्णुशिवप्रीत्ये दुर्गाया भास्करस्य च
58 // grāmaṃ gaṅgātaṭe yo vai brāhmaṇebhyaḥ prayacchati / brahmaviṣṇuśivaprītye durgāyā bhāskarasya ca
59 ॥ सर्वदानेषु यत्पुण्यं सर्वयज्ञेषु यत्फलम् । तपोव्रतेषु पुण्येषु यत्फलं परिकीर्तितम्
59 // sarvadāneṣu yatpuṇyaṃ sarvayajñeṣu yatphalam / tapovrateṣu puṇyeṣu yatphalaṃ parikīrtitam
60 ॥ सहस्रगुणितं तत्तु विज्ञेयं ग्रामदायिनः । सूर्यकोटिप्रतीकाशे विमाने वैष्णवे पुरे
60 // sahasraguṇitaṃ tattu vijñeyaṃ grāmadāyinaḥ / sūryakoṭipratīkāśe vimāne vaiṣṇave pure
61 ॥ क्रीडते शाङ्करे वापि स्तुतो देवादिभिर्मुदा । भूमिरेण्वब्दसंख्याकं कालं स्थित्वा च तत्र सः
61 // krīḍate śāṅkare vāpi stuto devādibhirmudā / bhūmireṇvabdasaṃkhyākaṃ kālaṃ sthitvā ca tatra saḥ
62 ॥ अणिमादिगुणैर्युक्ते योगिनां जायते कुले । अक्षयायां तु यो देवि स्वर्णं षोडशमासिकम्
62 // aṇimādiguṇairyukte yogināṃ jāyate kule / akṣayāyāṃ tu yo devi svarṇaṃ ṣoḍaśamāsikam
63 ॥ ददाति द्विजमुख्याय सो ऽपि लोकेषु पूज्यते । अन्नदानाद्विष्णुलोकं शैवं वै तिलदानतः
63 // dadāti dvijamukhyāya so 'pi lokeṣu pūjyate / annadānādviṣṇulokaṃ śaivaṃ vai tiladānataḥ
64 ॥ ब्राह्मं रत्नप्रदानेन गोहिरण्येन वासवम् । गान्धर्वं स्वर्णवासोभिः कीर्तिं कन्याप्रदानतः
64 // brāhmaṃ ratnapradānena gohiraṇyena vāsavam / gāndharvaṃ svarṇavāsobhiḥ kīrtiṃ kanyāpradānataḥ
65 ॥ विद्यया मुक्तिदं ज्ञानं प्राप्य यायान्निरञ्जनम् । गंमातीरे नरो यस्तु नानावृक्षैः समन्वितम्
65 // vidyayā muktidaṃ jñānaṃ prāpya yāyānnirañjanam / gaṃmātīre naro yastu nānāvṛkṣaiḥ samanvitam
66 ॥ आरामं कारयेद्भक्त्या गृहं चोपवनान्वितम् । कदलीनारिकेरैश्च कपित्थाशोकचंपकैः
66 // ārāmaṃ kārayedbhaktyā gṛhaṃ copavanānvitam / kadalīnārikeraiśca kapitthāśokacaṃpakaiḥ
67 ॥ पनसैर्बिल्ववृक्षैश्च कदंबाश्वत्थपाटलैः । आम्रैस्तालैर्नागरङ्गैर्वृक्षैरन्यैश्च संयुतम्
67 // panasairbilvavṛkṣaiśca kadaṃbāśvatthapāṭalaiḥ / āmraistālairnāgaraṅgairvṛkṣairanyaiśca saṃyutam
68 ॥ जातीविजयसंयुक्तं तथा पाटलराजितम् । निचितं कारयित्वैवमावासं पुष्पशोभितम्
68 // jātīvijayasaṃyuktaṃ tathā pāṭalarājitam / nicitaṃ kārayitvaivamāvāsaṃ puṣpaśobhitam
69 ॥ शिवाय विष्णवे वापि दुर्गायै भास्कराय च । प्रयच्छति तथा भक्त्या सर्वार्थं परिकल्प्य च
69 // śivāya viṣṇave vāpi durgāyai bhāskarāya ca / prayacchati tathā bhaktyā sarvārthaṃ parikalpya ca
70 ॥ तस्य पुण्यफलं वक्ष्ये संक्षेपान्नतु विस्तरात् । यावन्ति तेषां वृक्षाणां पुष्पमूलफलानि च
70 // tasya puṇyaphalaṃ vakṣye saṃkṣepānnatu vistarāt / yāvanti teṣāṃ vṛkṣāṇāṃ puṣpamūlaphalāni ca
71 ॥ बीजानि च विचित्राणि तेषां मूलानि वै तथा । तावत्कल्पसहस्राणि तेषां लोकेषु संस्थितिः
71 // bījāni ca vicitrāṇi teṣāṃ mūlāni vai tathā / tāvatkalpasahasrāṇi teṣāṃ lokeṣu saṃsthitiḥ