117 ॥ इति श्रीबृहन्नारदीयपुराणे बृहदुपाख्याने पूर्वभागे चतुर्थपादे द्वादशमासस्य द्वादशीव्रतनिरूपणं नामैकविंशत्यधिकशततमो ऽध्यायः सनातन उवाच अथातऋ संप्रवक्ष्यामि त्रयोदश्या व्रतानि ते । यानि कृत्वा नरो भक्त्या सुभगो जायते भुवि
117 // iti śrībṛhannāradīyapurāṇe bṛhadupākhyāne pūrvabhāge caturthapāde dvādaśamāsasya dvādaśīvratanirūpaṇaṃ nāmaikaviṃśatyadhikaśatatamo 'dhyāyaḥ sanātana uvāca athātaṛ saṃpravakṣyāmi trayodaśyā vratāni te / yāni kṛtvā naro bhaktyā subhago jāyate bhuvi
1 ॥ मधौ शुक्लत्रयोदश्यां मदनं चन्दनात्मकम् । कृत्वा संपूज्य यत्नेन वीजेयव्द्यजनेन च
1 // madhau śuklatrayodaśyāṃ madanaṃ candanātmakam / kṛtvā saṃpūjya yatnena vījeyavdyajanena ca
2 ॥ ततः संक्षुधितः कामः पुत्रपौत्रविवर्द्धनः । अनङ्गपूजाप्यत्रोक्ता तां निबोध मुनीश्वर
2 // tataḥ saṃkṣudhitaḥ kāmaḥ putrapautravivarddhanaḥ / anaṅgapūjāpyatroktā tāṃ nibodha munīśvara
3 ॥ सिन्दूररजनीरागैः फलके ऽनङ्गमालिखेत् । रतिप्रीतियुतं श्लक्ष्णं पुष्पचापेषुधारिणम्
3 // sindūrarajanīrāgaiḥ phalake 'naṅgamālikhet / ratiprītiyutaṃ ślakṣṇaṃ puṣpacāpeṣudhāriṇam
4 ॥ कामदेवं वसन्तं च वाजिवक्त्रं वृषध्वजम् । मध्याह्ने पूजयेद्भक्त्या गन्धस्रग्भूषणांशुकैः
4 // kāmadevaṃ vasantaṃ ca vājivaktraṃ vṛṣadhvajam / madhyāhne pūjayedbhaktyā gandhasragbhūṣaṇāṃśukaiḥ
5 ॥ क्षभ्यैर्नानाविधैश्चापि मन्त्रेणानेन नारद । नमो माराय कामाय कामदेवस्य मूर्त्तये
5 // kṣabhyairnānāvidhaiścāpi mantreṇānena nārada / namo mārāya kāmāya kāmadevasya mūrttaye
6 ॥ ब्रह्मविष्णुशिवेन्द्राणां मनःभोभकराय वै । तत्तस्याग्रतो भक्त्या पूजयेदङ्गनापतिम्
6 // brahmaviṣṇuśivendrāṇāṃ manaḥbhobhakarāya vai / tattasyāgrato bhaktyā pūjayedaṅganāpatim
7 ॥ वस्त्रमाल्याविभूषाद्यैः कामो ऽयमिति चिन्तयेत् । संपूज्य द्विजदांपत्यं गन्धवस्त्रविभूषणैः
7 // vastramālyāvibhūṣādyaiḥ kāmo 'yamiti cintayet / saṃpūjya dvijadāṃpatyaṃ gandhavastravibhūṣaṇaiḥ
8 ॥ एवं यः कुरुते विप्र वर्षे वर्षे महोत्सवम् । वसंतसमये प्राप्ते हृष्टः पुष्टः सदैव सः
8 // evaṃ yaḥ kurute vipra varṣe varṣe mahotsavam / vasaṃtasamaye prāpte hṛṣṭaḥ puṣṭaḥ sadaiva saḥ
9 ॥ प्रतिमासं पूजयेद्वा यावद्वर्षं समाप्यते । मदनं हृद्भवं कामं मन्मथं च रतिप्रियम्
9 // pratimāsaṃ pūjayedvā yāvadvarṣaṃ samāpyate / madanaṃ hṛdbhavaṃ kāmaṃ manmathaṃ ca ratipriyam
10 ॥ अनङ्गं चैव कन्दर्पं पूजयेन्मकरध्वजम् । कुसुमायुधसंज्ञं च ततः पश्चान्मनोभवम्
10 // anaṅgaṃ caiva kandarpaṃ pūjayenmakaradhvajam / kusumāyudhasaṃjñaṃ ca tataḥ paścānmanobhavam
11 ॥ विषमेषु तथा विप्र मालर्ताप्रियमित्यपि । अजाया दानमप्युक्तं स्नात्वा नद्या विधानतः
11 // viṣameṣu tathā vipra mālartāpriyamityapi / ajāyā dānamapyuktaṃ snātvā nadyā vidhānataḥ
12 ॥ अजाः पयस्विनीर्दद्याद्दरिद्राय कुटुंबिने । भूयस्त्वनेन दानेन स लोके नैव जायते
12 // ajāḥ payasvinīrdadyāddaridrāya kuṭuṃbine / bhūyastvanena dānena sa loke naiva jāyate
13 ॥ यदीयं शनिना युक्ता सा महावारुणी स्मृता । गङ्गायां यदि लभ्येत कोटिसूर्यग्रहाधिका
13 // yadīyaṃ śaninā yuktā sā mahāvāruṇī smṛtā / gaṅgāyāṃ yadi labhyeta koṭisūryagrahādhikā
14 ॥ शुभयोगः शतर्क्षं च शनौ कामे मधौ सिते । महामहेति विख्याता कुलकोटिविमुक्तिदा
14 // śubhayogaḥ śatarkṣaṃ ca śanau kāme madhau site / mahāmaheti vikhyātā kulakoṭivimuktidā
15 ॥ राधशुक्लत्रयोदश्यां कामदेवव्रतं स्मृतम् । तत्र गन्धादिभिः कामं पूजयेदुपवासवान्
15 // rādhaśuklatrayodaśyāṃ kāmadevavrataṃ smṛtam / tatra gandhādibhiḥ kāmaṃ pūjayedupavāsavān
16 ॥ प्रतिमासं ततः पश्चात्त्रयोदश्यां सिते दले । एवमेव व्रतं कार्यं वर्षान्ते गामलङ्कृताम्
16 // pratimāsaṃ tataḥ paścāttrayodaśyāṃ site dale / evameva vrataṃ kāryaṃ varṣānte gāmalaṅkṛtām
17 ॥ दद्याद्विप्राय सत्कृत्य व्रतसांगत्वसिद्धये । ज्येष्ठशुक्लत्रयोदश्यां दौर्भाग्यशमनं व्रतम्
17 // dadyādviprāya satkṛtya vratasāṃgatvasiddhaye / jyeṣṭhaśuklatrayodaśyāṃ daurbhāgyaśamanaṃ vratam
18 ॥ तत्र स्नात्वा नदीतोये पूजयेच्छुचिदेशजम् । श्वेतमन्दारमर्कं वा करवीरं च रक्तकम्
18 // tatra snātvā nadītoye pūjayecchucideśajam / śvetamandāramarkaṃ vā karavīraṃ ca raktakam
19 ॥ निरीक्ष्य गगने सूर्यं प्रार्थयेन्मन्त्रतस्तदा । मन्दारकरवीरार्का भवन्तो भास्करांशजाः
19 // nirīkṣya gagane sūryaṃ prārthayenmantratastadā / mandārakaravīrārkā bhavanto bhāskarāṃśajāḥ
20 ॥ पूजिता मम दौर्भाग्यं नाशयन्तु नमो ऽस्तु वः । इत्थं योर्ऽचयते भक्त्या वर्षे वर्षे द्रुमत्रयम्
20 // pūjitā mama daurbhāgyaṃ nāśayantu namo 'stu vaḥ / itthaṃ yor'cayate bhaktyā varṣe varṣe drumatrayam
21 ॥ नश्यते तस्य दौर्भाग्यं नात्र कार्या विचारणा । शुचिशुक्लत्रयोदश्यामेकभक्तं समाचरेत्
21 // naśyate tasya daurbhāgyaṃ nātra kāryā vicāraṇā / śuciśuklatrayodaśyāmekabhaktaṃ samācaret
22 ॥ पूजयित्वा जगन्नाथावुमामाहेश्वरी तनूः । हैम्यौ रौप्यौ च मृन्मप्यौ यथाशक्त्या विधाय च
22 // pūjayitvā jagannāthāvumāmāheśvarī tanūḥ / haimyau raupyau ca mṛnmapyau yathāśaktyā vidhāya ca
23 ॥ सिंहोक्षस्थे देवगृहे गोष्ठे ब्राह्मणवेश्मनि । स्थापयित्वा प्रतिष्ठाप्य दैवमन्त्रेण नारद
23 // siṃhokṣasthe devagṛhe goṣṭhe brāhmaṇaveśmani / sthāpayitvā pratiṣṭhāpya daivamantreṇa nārada
24 ॥ ततः पञ्चदिनं पूजा चैकभक्तं व्रतं तथा । तृतीयदिवसे प्रातः स्नात्वा संपूज्य तौ पुनः
24 // tataḥ pañcadinaṃ pūjā caikabhaktaṃ vrataṃ tathā / tṛtīyadivase prātaḥ snātvā saṃpūjya tau punaḥ
25 ॥ समर्पणीयौ विप्राय वेदवेदाङ्गशालिने । वर्षे वर्षे ततः पश्चाद्विधेयं वर्षपञ्चकम्
25 // samarpaṇīyau viprāya vedavedāṅgaśāline / varṣe varṣe tataḥ paścādvidheyaṃ varṣapañcakam
26 ॥ तदन्ते धेनुयुग्मेन सहितौ तौ प्रदापयेत् । इत्थं नरो वा नारी वा कृत्वा व्रतमिदं शुभम्
26 // tadante dhenuyugmena sahitau tau pradāpayet / itthaṃ naro vā nārī vā kṛtvā vratamidaṃ śubham
27 ॥ नैव दांपत्यविच्छेदं लभते सप्तजन्मसु । नभः शुक्लत्रयोदश्यां रतिकामव्रतं शुभम्
27 // naiva dāṃpatyavicchedaṃ labhate saptajanmasu / nabhaḥ śuklatrayodaśyāṃ ratikāmavrataṃ śubham
28 ॥ वैधव्यवारणं स्त्रीणां तथा संतानवर्धनम् । कृतोपवासा कन्यैव नारी वा द्विजसत्तम
28 // vaidhavyavāraṇaṃ strīṇāṃ tathā saṃtānavardhanam / kṛtopavāsā kanyaiva nārī vā dvijasattama
29 ॥ ताम्रे वा मृन्मये वापि सौवर्णे राजते तथा । रतिकामौ प्रविन्यस्य गन्धाद्यैः सम्यगर्चयेत्
29 // tāmre vā mṛnmaye vāpi sauvarṇe rājate tathā / ratikāmau pravinyasya gandhādyaiḥ samyagarcayet
30 ॥ ततस्तु द्विजदांपत्यं चतुर्दश्यां निमन्त्र्य च । सतकृत्य भोज्य प्रतिमे दद्यात्ताभ्यां सदक्षिणे
30 // tatastu dvijadāṃpatyaṃ caturdaśyāṃ nimantrya ca / satakṛtya bhojya pratime dadyāttābhyāṃ sadakṣiṇe
31 ॥ एवं चतुर्दशाब्दं च कृत्वा व्रतमनुत्तमम् । धेनुयुग्मान्विते देये व्रतसंपूर्तिहेतवे
31 // evaṃ caturdaśābdaṃ ca kṛtvā vratamanuttamam / dhenuyugmānvite deye vratasaṃpūrtihetave
32 ॥ भाद्रशुक्लत्रयोदश्यां गोत्रिरात्रव्रतं स्मृतम् । लक्ष्मीनारायणं कृत्वा सौवर्णं वापि राजतम्
32 // bhādraśuklatrayodaśyāṃ gotrirātravrataṃ smṛtam / lakṣmīnārāyaṇaṃ kṛtvā sauvarṇaṃ vāpi rājatam
33 ॥ पञ्चामृतेन संस्नाप्य मण्डले ऽष्टदले शुभे । पीठे विन्यस्य वस्त्राढ्यं गन्धाद्यैः परिपूजयेत्
33 // pañcāmṛtena saṃsnāpya maṇḍale 'ṣṭadale śubhe / pīṭhe vinyasya vastrāḍhyaṃ gandhādyaiḥ paripūjayet
34 ॥ आरार्तिकं ततः कृत्वा दद्यात्सान्नोदकं घटम् । एवं दिनत्रयं कृत्वा व्रतान्ते मासमर्च्य च
34 // ārārtikaṃ tataḥ kṛtvā dadyātsānnodakaṃ ghaṭam / evaṃ dinatrayaṃ kṛtvā vratānte māsamarcya ca
35 ॥ सम्यगर्थं च संपाद्य दद्यान्मन्त्रेण नारद । पञ्चगावः समुत्पन्ना मथ्यमाने महोदधौ
35 // samyagarthaṃ ca saṃpādya dadyānmantreṇa nārada / pañcagāvaḥ samutpannā mathyamāne mahodadhau
36 ॥ तासां मध्ये तु या नन्दा तस्यै धेन्वै नमो नमः । प्रदक्षिणीकृत्य ततो दद्याद्विप्राय मन्त्रतः
36 // tāsāṃ madhye tu yā nandā tasyai dhenvai namo namaḥ / pradakṣiṇīkṛtya tato dadyādviprāya mantrataḥ
37 ॥ गावो ममाग्रतः सन्तु गावो मे संतु पृष्ठतः । गावो मे पार्श्वतः संतु गवां मध्ये वसाम्यहम्
37 // gāvo mamāgrataḥ santu gāvo me saṃtu pṛṣṭhataḥ / gāvo me pārśvataḥ saṃtu gavāṃ madhye vasāmyaham
38 ॥ ततश्च द्विजदांपत्यं सम्यगभ्यर्च्य भोजयेत् । लक्ष्मीनारायणं तस्मै सत्कृत्य प्रतिपादयेत्
38 // tataśca dvijadāṃpatyaṃ samyagabhyarcya bhojayet / lakṣmīnārāyaṇaṃ tasmai satkṛtya pratipādayet
39 ॥ अश्वमेधसहस्राणि राजसूयशतानि च । कृत्वा यत्फलमाप्नोति गोत्रिरात्रव्रताच्च तत्
39 // aśvamedhasahasrāṇi rājasūyaśatāni ca / kṛtvā yatphalamāpnoti gotrirātravratācca tat
40 ॥ इषे शुक्लत्रयोदश्यां त्रिरात्रशोककव्रतम् । हैमं ह्यशोकं निर्माय पूजयित्वा विधानतः
40 // iṣe śuklatrayodaśyāṃ trirātraśokakavratam / haimaṃ hyaśokaṃ nirmāya pūjayitvā vidhānataḥ
41 ॥ उपवासपरा नारी नित्यं कुर्यात्प्रदक्षिणाः । अष्टोत्तरशतं विप्र मन्त्रेणानेन सादरम्
41 // upavāsaparā nārī nityaṃ kuryātpradakṣiṇāḥ / aṣṭottaraśataṃ vipra mantreṇānena sādaram
42 ॥ हरेण निर्मितः पूर्वं त्वमशोक कृपालुना । लोकोपकारकरणस्तत्प्रसीद शिवप्रिय
42 // hareṇa nirmitaḥ pūrvaṃ tvamaśoka kṛpālunā / lokopakārakaraṇastatprasīda śivapriya
43 ॥ ततस्तृतीये दिवसे वृक्षे तस्मिन्वृषध्वजम् । समभ्यर्च्य विधानेन द्विजं संभोज्य दापयेत्
43 // tatastṛtīye divase vṛkṣe tasminvṛṣadhvajam / samabhyarcya vidhānena dvijaṃ saṃbhojya dāpayet
44 ॥ एवं कृतव्रता नारी वैधव्यं नाप्नुयात्क्वचित् । पुत्रपौत्रादि सहिता भर्तुश्च स्यात्सुवल्लभा
44 // evaṃ kṛtavratā nārī vaidhavyaṃ nāpnuyātkvacit / putrapautrādi sahitā bhartuśca syātsuvallabhā
45 ॥ ऊर्ज्जकृष्णत्रयोदश्यामेकभक्तः समाहितः । प्रदोषे तैलदीपं तु प्रज्वाल्याभ्यर्च्य यत्नतः
45 // ūrjjakṛṣṇatrayodaśyāmekabhaktaḥ samāhitaḥ / pradoṣe tailadīpaṃ tu prajvālyābhyarcya yatnataḥ
46 ॥ गृहद्वारे बहिर्दद्याद्यमो मे प्रीयतामिति । एवं कृते तु विप्रेन्द्र यमपीडा न जायते
46 // gṛhadvāre bahirdadyādyamo me prīyatāmiti / evaṃ kṛte tu viprendra yamapīḍā na jāyate
47 ॥ ऊर्ज्शुक्लत्रयोदश्यामेकभोजी द्विजोत्तम । पुनः स्नात्वा प्रदोषे तु वाग्यतः सुसमाहितः
47 // ūrjśuklatrayodaśyāmekabhojī dvijottama / punaḥ snātvā pradoṣe tu vāgyataḥ susamāhitaḥ
48 ॥ प्रदीपानां सहस्रेण शतेनाप्यथवा द्विज । प्रदीपयेच्छिवं वापि द्वात्रिंशद्दीपमालया
48 // pradīpānāṃ sahasreṇa śatenāpyathavā dvija / pradīpayecchivaṃ vāpi dvātriṃśaddīpamālayā
49 ॥ घृतेन दीपयेद्द्वीपान्गन्धाद्यैः पूजयेच्छिवम् । फलैर्नानाविधैश्चैव नैवेद्यैरपि नारद
49 // ghṛtena dīpayeddvīpāngandhādyaiḥ pūjayecchivam / phalairnānāvidhaiścaiva naivedyairapi nārada
50 ॥ ततः स्तुवीत देवेशं शिवं नाम्नां शतेन च । तानि नामानि कीर्त्यन्ते सर्वाभीष्टप्रदानि वै
50 // tataḥ stuvīta deveśaṃ śivaṃ nāmnāṃ śatena ca / tāni nāmāni kīrtyante sarvābhīṣṭapradāni vai
51 ॥ नमो रुद्राय भीमाय नीलकण्ठाय वेधसे । कपर्द्दिने सुरेशाय व्योमकेशाय वै नमः
51 // namo rudrāya bhīmāya nīlakaṇṭhāya vedhase / kaparddine sureśāya vyomakeśāya vai namaḥ
52 ॥ वृषध्वजाय सोमाय सोमनाथाय वै नमः । दिगंबराय भृङ्गाय उमाकान्ताय वर्द्धिने
52 // vṛṣadhvajāya somāya somanāthāya vai namaḥ / digaṃbarāya bhṛṅgāya umākāntāya varddhine
53 ॥ तपोमयाय व्याप्ताय शिपिविष्याय वै नमः । व्यालप्रियाय व्यालाय व्यालानां पतये नमः
53 // tapomayāya vyāptāya śipiviṣyāya vai namaḥ / vyālapriyāya vyālāya vyālānāṃ pataye namaḥ
54 ॥ महीधराय व्योमाय पशूनां पतये नमः । त्रिपुरघ्नाय सिंहाय शार्दूलायार्षभाय च
54 // mahīdharāya vyomāya paśūnāṃ pataye namaḥ / tripuraghnāya siṃhāya śārdūlāyārṣabhāya ca
55 ॥ मिताय मितनाथाय सिद्धाय परमेष्ठिने । वेदगीताय गुप्ताय वेदगुह्याय वै नमः
55 // mitāya mitanāthāya siddhāya parameṣṭhine / vedagītāya guptāya vedaguhyāya vai namaḥ
56 ॥ दीर्घाय दीर्घरूपाय दीर्घार्थाय महीयसे । नमो जगत्प्रतिष्ठाय व्योमरूपाय वै नमः
56 // dīrghāya dīrgharūpāya dīrghārthāya mahīyase / namo jagatpratiṣṭhāya vyomarūpāya vai namaḥ
57 ॥ कल्याणाय विशिष्याय शिष्टाय परमात्मने । गजकृत्ति धरायाथ अन्धकासुरभेदिने
57 // kalyāṇāya viśiṣyāya śiṣṭāya paramātmane / gajakṛtti dharāyātha andhakāsurabhedine
58 ॥ नीललोहितशुक्लाय चडमुण्डप्रियाय च । भक्तिप्रियाय देवाय यज्ञान्तायाव्ययाय च
58 // nīlalohitaśuklāya caḍamuṇḍapriyāya ca / bhaktipriyāya devāya yajñāntāyāvyayāya ca
59 ॥ महेशाय नमस्तुभ्यं महादेवहराय च । त्रिनेत्राय त्रिवेदाय वेदाङ्गाय नमो नमः
59 // maheśāya namastubhyaṃ mahādevaharāya ca / trinetrāya trivedāya vedāṅgāya namo namaḥ
60 ॥ अर्थायार्थस्वरूपाय परमार्थाय वै नमः । विश्वरूपाय विश्वाय विश्वनाथाय वै नमः
60 // arthāyārthasvarūpāya paramārthāya vai namaḥ / viśvarūpāya viśvāya viśvanāthāya vai namaḥ
61 ॥ शङ्कराय च कालाय कालावयवरूपिणे । अरूपाय विरूपाय सूक्ष्मसूक्ष्माय वै नमः
61 // śaṅkarāya ca kālāya kālāvayavarūpiṇe / arūpāya virūpāya sūkṣmasūkṣmāya vai namaḥ
62 ॥ श्मशानवासिने तुभ्यं नमस्ते कृत्तिवाससे । शशाङ्कशेखरायाथ रुद्रभूमिश्रिताय च
62 // śmaśānavāsine tubhyaṃ namaste kṛttivāsase / śaśāṅkaśekharāyātha rudrabhūmiśritāya ca
63 ॥ दुर्गाय दुर्गपाराय दुर्गावयवसाक्षिणे । लिङ्गरूपाय लिङ्गाय लिङ्गानपतये नमः
63 // durgāya durgapārāya durgāvayavasākṣiṇe / liṅgarūpāya liṅgāya liṅgānapataye namaḥ
64 ॥ नमः प्रभावरूपाय प्रभावार्थाय वै नमः
64 // namaḥ prabhāvarūpāya prabhāvārthāya vai namaḥ
65 ॥ नमो नमः कारणकारणाय ते मृत्युञ्जयायात्मभवस्वरूपिणे । त्रियंबकाय शितिकण्ठभार्गिणे गौरीयुजे मङ्गलहेतवे नमः
65 // namo namaḥ kāraṇakāraṇāya te mṛtyuñjayāyātmabhavasvarūpiṇe / triyaṃbakāya śitikaṇṭhabhārgiṇe gaurīyuje maṅgalahetave namaḥ
66 ॥ नाम्नां शतमिदं विप्र पिनाकिगुणकीर्तनम् । पठित्वा दक्षिणीकृत्य प्रायान्निजनिकेतनम्
66 // nāmnāṃ śatamidaṃ vipra pinākiguṇakīrtanam / paṭhitvā dakṣiṇīkṛtya prāyānnijaniketanam
67 ॥ एवं कृत्वा व्रतं विप्र महादेवप्रसादतः । भुक्त्वेह भोगानखिलानन्ते शिवपदं लभेत्
67 // evaṃ kṛtvā vrataṃ vipra mahādevaprasādataḥ / bhuktveha bhogānakhilānante śivapadaṃ labhet
68 ॥ मार्गशुक्लत्रयोदश्यां यो ऽनङ्गं विधिना यजेत् । त्रिकालमेककालं वा शिवसंगमसंभवम्
68 // mārgaśuklatrayodaśyāṃ yo 'naṅgaṃ vidhinā yajet / trikālamekakālaṃ vā śivasaṃgamasaṃbhavam
69 ॥ गन्धाद्यैरुपचारैस्तु पूजयित्वा विधानतः । घटे मङ्गलपट्टे वा भोजयेद्द्विजदंपती
69 // gandhādyairupacāraistu pūjayitvā vidhānataḥ / ghaṭe maṅgalapaṭṭe vā bhojayeddvijadaṃpatī
70 ॥ ततश्च दक्षिणां दत्वा स्वयमेकाशनं चरेत् । एवं कृते तु विधिवद्व्रती सौभाग्यभाजनः
70 // tataśca dakṣiṇāṃ datvā svayamekāśanaṃ caret / evaṃ kṛte tu vidhivadvratī saubhāgyabhājanaḥ
71 ॥ जायते भुवि विप्रेन्द्र महादेवप्रसादतः
71 // jāyate bhuvi viprendra mahādevaprasādataḥ
71 ॥ पौषशुक्लत्रयोदश्यां समभ्यर्च्याच्युतं हरिम् । घृतपात्रं द्विजेन्द्राय प्रदद्यात्सर्वसिद्धये
71 // pauṣaśuklatrayodaśyāṃ samabhyarcyācyutaṃ harim / ghṛtapātraṃ dvijendrāya pradadyātsarvasiddhaye
72 ॥ माघशुक्लत्रयोदश्यां समारभ्य दिनत्रयम् । माघस्नानव्रतं विप्र नानाकामफलावहम्
72 // māghaśuklatrayodaśyāṃ samārabhya dinatrayam / māghasnānavrataṃ vipra nānākāmaphalāvaham
73 ॥ प्रयागे माघमासे तु त्र्यहं स्नातस्य यत्फलम् । नाश्वमेघसहस्रेण तत्फलं लभते भुवि
73 // prayāge māghamāse tu tryahaṃ snātasya yatphalam / nāśvameghasahasreṇa tatphalaṃ labhate bhuvi
74 ॥ तत्र स्नानं जपो होमो दानं चानन्त्यमश्नुते । फआल्गुने तु सिते पक्षे त्रयोदश्यामुपोषितः
74 // tatra snānaṃ japo homo dānaṃ cānantyamaśnute / phaālgune tu site pakṣe trayodaśyāmupoṣitaḥ
75 ॥ नमस्कृत्य जगन्नाथं प्रारंभे धनदव्रतम् । महाराजं यक्षपतिं गन्धाद्यैरुपचारकैः
75 // namaskṛtya jagannāthaṃ prāraṃbhe dhanadavratam / mahārājaṃ yakṣapatiṃ gandhādyairupacārakaiḥ
76 ॥ लिखितं वर्णकैः पट्टे पूजयेद्भक्तिभावतः । एवं शुक्लत्रयोदश्यां प्रतिमासं द्विजोत्तम
76 // likhitaṃ varṇakaiḥ paṭṭe pūjayedbhaktibhāvataḥ / evaṃ śuklatrayodaśyāṃ pratimāsaṃ dvijottama
77 ॥ संपूजयेत्सोपवासश्चैकभुक्तो भवेन्नरः । ततो व्रतान्ते तु पुनः सौवर्णं धननायकम्
77 // saṃpūjayetsopavāsaścaikabhukto bhavennaraḥ / tato vratānte tu punaḥ sauvarṇaṃ dhananāyakam
78 ॥ विधाय निधिभिः सार्द्धं सौवर्णाभिर्द्विजोत्तम । उपचारैः षोडशभिः स्नानैः पञ्चामृतादिभिः
78 // vidhāya nidhibhiḥ sārddhaṃ sauvarṇābhirdvijottama / upacāraiḥ ṣoḍaśabhiḥ snānaiḥ pañcāmṛtādibhiḥ
79 ॥ नैवेद्यैर्विविधैर्भक्त्या पूजयेत्तु समाहितः । ततो धेनुमलङ्कृत्य वस्त्रस्रग्गन्धभूषणैः
79 // naivedyairvividhairbhaktyā pūjayettu samāhitaḥ / tato dhenumalaṅkṛtya vastrasraggandhabhūṣaṇaiḥ
80 ॥ सवत्सां दापयेद्विप्र सम्यग्वेदविदे शुभाम् । संभोज्य विप्रान्मिष्टान्नैर्द्वादशाथ त्रयोदश
80 // savatsāṃ dāpayedvipra samyagvedavide śubhām / saṃbhojya viprānmiṣṭānnairdvādaśātha trayodaśa
81 ॥ गुरुं समर्च्य वस्त्राद्यैः प्रतिमां तां निवेदयेत् । द्विजेभ्यो दक्षणां शक्त्या दत्वा नत्वा विसृज्य च
81 // guruṃ samarcya vastrādyaiḥ pratimāṃ tāṃ nivedayet / dvijebhyo dakṣaṇāṃ śaktyā datvā natvā visṛjya ca
82 ॥ स्वयं भुञ्जीत मतिमानिष्टैः सह समाहितः । एवं कृते व्रते विप्र निर्धनः प्राप्य वैभवम्
82 // svayaṃ bhuñjīta matimāniṣṭaiḥ saha samāhitaḥ / evaṃ kṛte vrate vipra nirdhanaḥ prāpya vaibhavam
83 ॥ मोदते भुवि विख्यातो राजराज इवापरः
83 // modate bhuvi vikhyāto rājarāja ivāparaḥ