29 ॥ इति श्रीमार्कण्डेयपुराणेठौत्तरकुरुकथनंऽ नामैकोनषष्टितमो ऽध्यायः षष्टितमो ऽध्यायः- 60 मार्कण्डेय उवाच यत्तु किम्पुरुषं वर्षं तत् प्रवक्ष्याम्यहं द्विज । यत्रायुर्दशसाहस्त्रं पुरुषाणां वपुष्मताम्
29 // iti śrīmārkaṇḍeyapurāṇeṭhauttarakurukathanaṃ' nāmaikonaṣaṣṭitamo 'dhyāyaḥ ṣaṣṭitamo 'dhyāyaḥ- 60 mārkaṇḍeya uvāca yattu kimpuruṣaṃ varṣaṃ tat pravakṣyāmyahaṃ dvija / yatrāyurdaśasāhastraṃ puruṣāṇāṃ vapuṣmatām
1 ॥ अनामया ह्यशोकाश्च नरा यत्र तथा स्त्रियः । प्लक्षः षण्डश्च तत्रोक्तः सुमहान्नन्दनोपमः
1 // anāmayā hyaśokāśca narā yatra tathā striyaḥ / plakṣaḥ ṣaṇḍaśca tatroktaḥ sumahānnandanopamaḥ
2 ॥ तस्य ते वै फलरसं पिबन्तः पुरुषाः सदा । स्थिरयौवननिष्पन्नाः स्त्रियश्चोत्पलगन्धिकाः
2 // tasya te vai phalarasaṃ pibantaḥ puruṣāḥ sadā / sthirayauvananiṣpannāḥ striyaścotpalagandhikāḥ
3 ॥ अतः परं किंपुरुषाद्धरिवर्षं प्रचक्ष्यते । महारजतसङ्काशा जायन्ते तत्र मानवाः
3 // ataḥ paraṃ kiṃpuruṣāddharivarṣaṃ pracakṣyate / mahārajatasaṅkāśā jāyante tatra mānavāḥ
4 ॥ देवलोकच्युताः सर्वे देवरूपाश्च सर्वशः । हरिवर्षे नराः सर्वे पिबन्तीक्षुरसं शुभम्
4 // devalokacyutāḥ sarve devarūpāśca sarvaśaḥ / harivarṣe narāḥ sarve pibantīkṣurasaṃ śubham
5 ॥ न जरा बाधते तत्र न जीर्यन्ते च कर्हिचित् । तावन्तमेव ते कालं जीवन्त्यथ निरामयाः
5 // na jarā bādhate tatra na jīryante ca karhicit / tāvantameva te kālaṃ jīvantyatha nirāmayāḥ
6 ॥ मेरुवर्षं मया प्रोक्तं मध्यमं यदिलावृतम् । न तत्र सूर्यस्तपति न ते जीर्यन्ति मानवाः
6 // meruvarṣaṃ mayā proktaṃ madhyamaṃ yadilāvṛtam / na tatra sūryastapati na te jīryanti mānavāḥ
7 ॥ लभन्ते नात्मलाभञ्च रश्मयश्चन्द्रसूर्ययोः । नक्षत्राणां ग्रहाणाञ्च मेरोस्तत्र परा द्युतिः
7 // labhante nātmalābhañca raśmayaścandrasūryayoḥ / nakṣatrāṇāṃ grahāṇāñca merostatra parā dyutiḥ
8 ॥ पद्मप्रभाः पद्मगन्धा जम्बूफलरसाशिनः । पद्मपत्रायताक्षास्तु जायन्ते तत्र मानवाः
8 // padmaprabhāḥ padmagandhā jambūphalarasāśinaḥ / padmapatrāyatākṣāstu jāyante tatra mānavāḥ
9 ॥ वर्षाणान्तु सहस्राणि तत्राप्यायुस्त्रयोदश । सरावाकारसंस्तारो मेरुमध्ये इलावृते
9 // varṣāṇāntu sahasrāṇi tatrāpyāyustrayodaśa / sarāvākārasaṃstāro merumadhye ilāvṛte
10 ॥ मेरुस्तत्र महाशैलस्तदाख्यातमिलावृतम् । रम्यकं वर्षमस्माच्च कथयिष्ये निबोध तत्
10 // merustatra mahāśailastadākhyātamilāvṛtam / ramyakaṃ varṣamasmācca kathayiṣye nibodha tat
11 ॥ वृक्षस्तत्रापि चोत्तुङ्गो न्यग्रोधो हरितच्छदः । तस्यापि ते फलरसं पिबन्तो वर्तयन्ति वै
11 // vṛkṣastatrāpi cottuṅgo nyagrodho haritacchadaḥ / tasyāpi te phalarasaṃ pibanto vartayanti vai
12 ॥ वर्षायुतायुषस्तत्र नरास्तत्फलभोगिनः । रतिप्रधानविमला जरादौर्गन्ध्यवर्जिताः
12 // varṣāyutāyuṣastatra narāstatphalabhoginaḥ / ratipradhānavimalā jarādaurgandhyavarjitāḥ
13 ॥ तस्मादथोत्तरं वर्षं नाम्ना ख्यातं हिरण्मयम् । हिरण्वती नदी यत्र प्रभूतकमलोज्ज्वला
13 // tasmādathottaraṃ varṣaṃ nāmnā khyātaṃ hiraṇmayam / hiraṇvatī nadī yatra prabhūtakamalojjvalā
14 ॥ महाबलाः सतेजस्का जायन्ते तत्र मानवाः । महाकाया महासत्त्वा धनिनः प्रियदर्शनाः
14 // mahābalāḥ satejaskā jāyante tatra mānavāḥ / mahākāyā mahāsattvā dhaninaḥ priyadarśanāḥ