Aṃśa 1 · Chapter 181

12 ॥ इति श्रीगारुडे महापुराणे पूर्वखण्डे प्रथमांशाख्ये आचारकाण्डे अशीत्यधिकशततमो ऽध्यायः श्रीगरुडमहापुराणम्- 181 हरिरुवाच । ताम्बूलञ्च घृतं क्षौद्रं लवणं ताम्रभाजने । तथा पयः समायुक्तं चक्षुः शूलहरं परम्

12 // iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe aśītyadhikaśatatamo 'dhyāyaḥ śrīgaruḍamahāpurāṇam- 181 hariruvāca / tāmbūlañca ghṛtaṃ kṣaudraṃ lavaṇaṃ tāmrabhājane / tathā payaḥ samāyuktaṃ cakṣuḥ śūlaharaṃ param

1 ॥ हरीतकी वचा कुष्ठं व्योषं हिङ्गु मनः शिला । कासे श्वासे च हिक्कायां लिह्यात्क्षौद्रं घृप्लुतम्

1 // harītakī vacā kuṣṭhaṃ vyoṣaṃ hiṅgu manaḥ śilā / kāse śvāse ca hikkāyāṃ lihyātkṣaudraṃ ghṛplutam

2 ॥ पिप्पलीत्रिफलाचूर्णं मधुना लेहयेन्नरः । नश्यते पीनसः कासः श्वासश्च बलवत्तरः

2 // pippalītriphalācūrṇaṃ madhunā lehayennaraḥ / naśyate pīnasaḥ kāsaḥ śvāsaśca balavattaraḥ

3 ॥ समूलचित्रकं भस्मपिप्पलीचूर्णकं लिहेत् । श्वासं कासञ्च हिक्काञ्च मधुमिश्रं वृषध्वज !

3 // samūlacitrakaṃ bhasmapippalīcūrṇakaṃ lihet / śvāsaṃ kāsañca hikkāñca madhumiśraṃ vṛṣadhvaja !

4 ॥ नीलोत्पलं शर्करा च मधुकं पद्मकं समम् । तण्डुलोदकसंमिश्रं प्रशमेद्रक्तविक्रियाः

4 // nīlotpalaṃ śarkarā ca madhukaṃ padmakaṃ samam / taṇḍulodakasaṃmiśraṃ praśamedraktavikriyāḥ

5 ॥ शुण्ठी च शर्करा चैव तथा क्षौद्रेण संयुता । कोकिलस्वर एव स्याद्गुटिका भुक्तिमात्रतः

5 // śuṇṭhī ca śarkarā caiva tathā kṣaudreṇa saṃyutā / kokilasvara eva syādguṭikā bhuktimātrataḥ

6 ॥ हरितालं शङ्खचूर्णं कदलीदलभस्मना । एतद्द्रव्येण चोद्वर्त्य लोमशातनमुत्तमम्

6 // haritālaṃ śaṅkhacūrṇaṃ kadalīdalabhasmanā / etaddravyeṇa codvartya lomaśātanamuttamam

7 ॥ लवणं हरितालञ्च तुम्बिन्याश्च फलानि च । लाक्षारससमायुक्तं लोमशातनमुत्तम्

7 // lavaṇaṃ haritālañca tumbinyāśca phalāni ca / lākṣārasasamāyuktaṃ lomaśātanamuttam

8 ॥ सुधा च हरितालञ्च शङ्खभस्म मनः शिला । सैन्धवेन सहैकत्र छागमूत्रेण पेषयेत्

8 // sudhā ca haritālañca śaṅkhabhasma manaḥ śilā / saindhavena sahaikatra chāgamūtreṇa peṣayet

9 ॥ तत्क्षणोद्वर्तनादेव लोमशातनमुत्तमम् । शङ्खमामलकं पत्रं धातक्याः कुसुमानि च

9 // tatkṣaṇodvartanādeva lomaśātanamuttamam / śaṅkhamāmalakaṃ patraṃ dhātakyāḥ kusumāni ca

10 ॥ पिष्ट्वा तत्पयसा सार्धं सप्ताहं धारयेन्मुखे । स्निग्धाः श्वेताश्च दन्ताश्च भवन्ति विमलप्रभाः

10 // piṣṭvā tatpayasā sārdhaṃ saptāhaṃ dhārayenmukhe / snigdhāḥ śvetāśca dantāśca bhavanti vimalaprabhāḥ