51 ॥ इति श्रीब्रह्माण्डमहापुराणे उत्तरभागे हयग्रीवागस्त्यसंवादे ललितोपाख्याने दण्डनाथाश्यामलासेनायात्रा नाम सप्तदशो ऽध्यायः अथ राजनायिका श्रिताज्वलिताङ्कुशा फणिसमानपाशभृत् । कलनिक्वणद्वलयमैक्ष्वं धनुर्दधती प्रदीप्तकुसुमेषुपञ्चका
51 // iti śrībrahmāṇḍamahāpurāṇe uttarabhāge hayagrīvāgastyasaṃvāde lalitopākhyāne daṇḍanāthāśyāmalāsenāyātrā nāma saptadaśo 'dhyāyaḥ atha rājanāyikā śritājvalitāṅkuśā phaṇisamānapāśabhṛt / kalanikvaṇadvalayamaikṣvaṃ dhanurdadhatī pradīptakusumeṣupañcakā
1 ॥ उदयत्सहत्स्रमहसा सहस्रतो ऽप्यतिपाटलं निजवपुः प्रभाझरम् । किरती दिशासु वदनस्य कान्तिभिः सृजतीव चन्द्रमयमभ्रमण्डलम्
1 // udayatsahatsramahasā sahasrato 'pyatipāṭalaṃ nijavapuḥ prabhājharam / kiratī diśāsu vadanasya kāntibhiḥ sṛjatīva candramayamabhramaṇḍalam
2 ॥ दशयोजनायतिमाता जगत्त्रयीमभिवृण्वता विशदमौक्तिकात्मना । धवलातपत्रवलयेन भासुरा शशिमण्डलस्य सखितामुपेयुषा
2 // daśayojanāyatimātā jagattrayīmabhivṛṇvatā viśadamauktikātmanā / dhavalātapatravalayena bhāsurā śaśimaṇḍalasya sakhitāmupeyuṣā
3 ॥ अभिवीजिता च मणिकान्तशोभिना विजयादिमुख्यपरिचारिकागणैः । नवचन्द्रिकालहरिकान्तिकन्दलीचतुरेण चामरचतुष्टयेन च
3 // abhivījitā ca maṇikāntaśobhinā vijayādimukhyaparicārikāgaṇaiḥ / navacandrikālaharikāntikandalīcatureṇa cāmaracatuṣṭayena ca
4 ॥ शक्त्यैकराज्यपदवीमभिसूचयन्ती साम्राज्यचिह्नशतमण्डितसैन्यदेशा । संगीतवाद्यरचनाभिरथामरीणां संस्तूयमानविभवा विशदप्रकाशा
4 // śaktyaikarājyapadavīmabhisūcayantī sāmrājyacihnaśatamaṇḍitasainyadeśā / saṃgītavādyaracanābhirathāmarīṇāṃ saṃstūyamānavibhavā viśadaprakāśā
5 ॥ वाचामगोचरमगोचरमेव बुद्धेरीदृक्तया न कलनीयमनन्यतुल्यम्
5 // vācāmagocaramagocarameva buddherīdṛktayā na kalanīyamananyatulyam
6 ॥ त्रैलोक्यगर्भपरिपूरितशक्तिचक्रसाम्राज्यसंपदभिमानमभिस्पृशन्ती । आबद्धभक्तिविपुलाञ्जलिशेखराणामारादहंप्रथमिका कृतसेवनानाम्
6 // trailokyagarbhaparipūritaśakticakrasāmrājyasaṃpadabhimānamabhispṛśantī / ābaddhabhaktivipulāñjaliśekharāṇāmārādahaṃprathamikā kṛtasevanānām
7 ॥ ब्रह्मेशविष्णुवृषमुख्यसुरोत्तमानां वक्त्राणिवर्षितनुतीनि कटाक्षयन्ती । उद्दीप्तपुष्पशरपञ्चकतः समुत्थैज्योतिर्मयं त्रिभुवनं सहसा दधाना
7 // brahmeśaviṣṇuvṛṣamukhyasurottamānāṃ vaktrāṇivarṣitanutīni kaṭākṣayantī / uddīptapuṣpaśarapañcakataḥ samutthaijyotirmayaṃ tribhuvanaṃ sahasā dadhānā
8 ॥ विद्युत्समद्युतिभिरप्सरसां समूहैर्विक्षिप्यमाणजयमङ्गललाजवर्षा । कामेश्वरीप्रभृतिभिः कमनीयभाभिः संग्रामवेषरचनासुमनोहराभिः
8 // vidyutsamadyutibhirapsarasāṃ samūhairvikṣipyamāṇajayamaṅgalalājavarṣā / kāmeśvarīprabhṛtibhiḥ kamanīyabhābhiḥ saṃgrāmaveṣaracanāsumanoharābhiḥ
9 ॥ दीप्तायुधद्युतितिरस्कृत भास्कराभिर्नित्याभिरङ्घ्रिसविधे समुपाक्यमाना । श्रीचक्रनामतिलकं दशयोजनातितुङ्गध्वजोल्लिखितमेघकदंबमुच्चैः
9 // dīptāyudhadyutitiraskṛta bhāskarābhirnityābhiraṅghrisavidhe samupākyamānā / śrīcakranāmatilakaṃ daśayojanātituṅgadhvajollikhitameghakadaṃbamuccaiḥ
10 ॥ तीव्राभिरावणसुशक्तिपरंपरभिर्युक्तं रथं समरकर्मणि चालयन्ती । प्रोद्यत्पिशङ्गरुचिभागमलांशुकेन वीतामनोहररुचिस्समरे व्यभासीत्
10 // tīvrābhirāvaṇasuśaktiparaṃparabhiryuktaṃ rathaṃ samarakarmaṇi cālayantī / prodyatpiśaṅgarucibhāgamalāṃśukena vītāmanohararucissamare vyabhāsīt
11 ॥ पञ्चाधिकैर्विशतिनामरत्नैः प्रपञ्चपापप्रशमातिदक्षैः । संस्तूयमाना ललिता मरुद्भिः संग्राममुद्दिश्य समुच्चचाल
11 // pañcādhikairviśatināmaratnaiḥ prapañcapāpapraśamātidakṣaiḥ / saṃstūyamānā lalitā marudbhiḥ saṃgrāmamuddiśya samuccacāla
12 ॥ अगस्त्य उवाच वीजिवक्त्र महाबुद्धे पञ्चविंशतिनामभिः । ललितापरमेशान्या देहि कर्णरसायनम्
12 // agastya uvāca vījivaktra mahābuddhe pañcaviṃśatināmabhiḥ / lalitāparameśānyā dehi karṇarasāyanam
13 ॥ हयग्रीव उवाच सिंहासना श्रीललिता महाराज्ञी पराङ्कुशा । चापिनी त्रिपुरा चैव महात्रिपुरसुन्दरी
13 // hayagrīva uvāca siṃhāsanā śrīlalitā mahārājñī parāṅkuśā / cāpinī tripurā caiva mahātripurasundarī
14 ॥ सुन्दरी चक्रनाथा च साम्राजी चक्रिणी तथा । चक्रेश्वरी महादेवी कामेशी परमेश्वरी
14 // sundarī cakranāthā ca sāmrājī cakriṇī tathā / cakreśvarī mahādevī kāmeśī parameśvarī
15 ॥ कामराजप्रिया कामकोटिगा चक्रवर्तिनी । महाविद्या शिवानङ्गवल्लभा सर्वपाटला
15 // kāmarājapriyā kāmakoṭigā cakravartinī / mahāvidyā śivānaṅgavallabhā sarvapāṭalā
16 ॥ कुलनाथाम्नायनाथा सर्वाम्नायनिवासिनी । शृङ्गारनायिका चेति पञ्चविंशतिनामभिः
16 // kulanāthāmnāyanāthā sarvāmnāyanivāsinī / śṛṅgāranāyikā ceti pañcaviṃśatināmabhiḥ
17 ॥ स्तुवन्ति ये महाभागां ललितां परमेश्वरीम् । ते प्राप्नुवन्ति सौभाग्यमष्टौ सिद्धीर्महद्यशः
17 // stuvanti ye mahābhāgāṃ lalitāṃ parameśvarīm / te prāpnuvanti saubhāgyamaṣṭau siddhīrmahadyaśaḥ
18 ॥ इत्थं प्रचण्डसंरंभं चालयन्ती महद्बलम् । भण्डासुरं प्रति क्रुद्धा चचाल ललितांबिका
18 // itthaṃ pracaṇḍasaṃraṃbhaṃ cālayantī mahadbalam / bhaṇḍāsuraṃ prati kruddhā cacāla lalitāṃbikā