61 ॥ इति श्रीब्रह्माण्डे महापुराणे वायुप्रोक्ते मध्यभागे तृतीय उपोद्धातपादे भार्गवचरिते द्वात्रिंशत्तमो ऽध्यायः ॥ 32॥ सगर उवाच श्रुतं सर्वं मुनिश्रेष्ठ कीर्त्यमानं त्वया विभो । कवचं वद सर्वत्र त्रैलोक्यविजयप्रदम्
61 // iti śrībrahmāṇḍe mahāpurāṇe vāyuprokte madhyabhāge tṛtīya upoddhātapāde bhārgavacarite dvātriṃśattamo 'dhyāyaḥ // 32// sagara uvāca śrutaṃ sarvaṃ muniśreṣṭha kīrtyamānaṃ tvayā vibho / kavacaṃ vada sarvatra trailokyavijayapradam
1 ॥ वसिष्ठ उवाच शृणु वत्स प्रवक्ष्यामि कवचं परमाद्भुतम् । मन्त्र च सिद्धिद शश्वत्साधकानां सुखावहम्
1 // vasiṣṭha uvāca śṛṇu vatsa pravakṣyāmi kavacaṃ paramādbhutam / mantra ca siddhida śaśvatsādhakānāṃ sukhāvaham
2 ॥ गोपीजनपदस्यात वल्लभाय समुच्चरेत् । स्वाहान्तो ऽयं महामन्त्रो दशार्णो भुक्तिमुक्तिदः
2 // gopījanapadasyāta vallabhāya samuccaret / svāhānto 'yaṃ mahāmantro daśārṇo bhuktimuktidaḥ
3 ॥ सदाशिवस्त्वस्य ऋषिः पङ्क्तिश्छन्द उदाहृतम् । देवता कृष्ण उदितो विनियोगो ऽखिलाप्तये
3 // sadāśivastvasya ṛṣiḥ paṅktiśchanda udāhṛtam / devatā kṛṣṇa udito viniyogo 'khilāptaye
4 ॥ त्रैलोक्यविजयस्याथ कवचस्य प्रजापतिः । ऋषिश्छन्दश्च जगती देवो राजेश्वरः स्वयम्
4 // trailokyavijayasyātha kavacasya prajāpatiḥ / ṛṣiśchandaśca jagatī devo rājeśvaraḥ svayam
5 ॥ त्रैलोक्यविजयप्राप्तौ विनियोगः प्रकीर्त्तितः । प्रणवो मेशिरः पातु श्रीकृष्णाय नमः सदा
5 // trailokyavijayaprāptau viniyogaḥ prakīrttitaḥ / praṇavo meśiraḥ pātu śrīkṛṣṇāya namaḥ sadā
6 ॥ पायात्कपालं कृष्णाय स्वाहेति सततं मम । कृष्णेति पातु नेत्रे मे कृष्णस्वाहेति तारकाम्
6 // pāyātkapālaṃ kṛṣṇāya svāheti satataṃ mama / kṛṣṇeti pātu netre me kṛṣṇasvāheti tārakām
7 ॥ हरये नम इत्येष भ्रूलतां पातु मे सदा । ओं गोविन्दाय स्वाहेति नासिकां पातु संततम्
7 // haraye nama ityeṣa bhrūlatāṃ pātu me sadā / oṃ govindāya svāheti nāsikāṃ pātu saṃtatam
8 ॥ गोपालाय नमो गण्डं पातु मे सततं मनुः । क्लीं कृष्णाय नमः कर्णौं पातु कल्पतरुर्मम
8 // gopālāya namo gaṇḍaṃ pātu me satataṃ manuḥ / klīṃ kṛṣṇāya namaḥ karṇauṃ pātu kalpatarurmama
9 ॥ श्रीं कृष्णाय नमः पातु नित्यं मे ऽधरयुग्मकम् । ओं गोपीशाय स्वाहेति दन्तपङ्क्तिं ममावतु
9 // śrīṃ kṛṣṇāya namaḥ pātu nityaṃ me 'dharayugmakam / oṃ gopīśāya svāheti dantapaṅktiṃ mamāvatu
10 ॥ श्रीकृष्णेति रदच्छिद्रं पातुमे त्र्यक्षरो मनुः । ओं श्रीकृष्णाय स्वाहेति जिह्विकां पातु मे सदा
10 // śrīkṛṣṇeti radacchidraṃ pātume tryakṣaro manuḥ / oṃ śrīkṛṣṇāya svāheti jihvikāṃ pātu me sadā
11 ॥ रामेश्वराय स्वाहेति तालुकं पातु मे सदा । राधिकेशाय स्वाहेति कण्ठं मे पातु सर्वदा
11 // rāmeśvarāya svāheti tālukaṃ pātu me sadā / rādhikeśāya svāheti kaṇṭhaṃ me pātu sarvadā
12 ॥ नमो गोपीगणेशाय ग्रीवां मे पातु सर्वदा । ओं गोपेशाय स्वाहेति स्कन्धौ पातु सदा मम
12 // namo gopīgaṇeśāya grīvāṃ me pātu sarvadā / oṃ gopeśāya svāheti skandhau pātu sadā mama
13 ॥ नमः किशोरवेषाय स्वाहा पृष्ठं ममावतु । उदरं पातु मे नित्यं मुकुन्दाय नमो मनुः
13 // namaḥ kiśoraveṣāya svāhā pṛṣṭhaṃ mamāvatu / udaraṃ pātu me nityaṃ mukundāya namo manuḥ
14 ॥ ह्नीं श्रीङ्क्लीङ्कृष्णाय स्वाहा करौ पातु सदा मम । ओं विष्णवे नमः स्वाहा बाहुयुग्मं ममावतु
14 // hnīṃ śrīṅklīṅkṛṣṇāya svāhā karau pātu sadā mama / oṃ viṣṇave namaḥ svāhā bāhuyugmaṃ mamāvatu
15 ॥ ओं ह्रींभगवते स्वाहा नखपङ्क्तिं ममावतु । नमो नारायणायेति नखरन्ध्रं ममावतु
15 // oṃ hrīṃbhagavate svāhā nakhapaṅktiṃ mamāvatu / namo nārāyaṇāyeti nakharandhraṃ mamāvatu
16 ॥ ओं ह्रींश्रींपद्मनाभाय नाभिं पातु सदा मम । ओं सर्वेशाय स्वाहेति केशान्मम सदावतु
16 // oṃ hrīṃśrīṃpadmanābhāya nābhiṃ pātu sadā mama / oṃ sarveśāya svāheti keśānmama sadāvatu
17 ॥ नमः कृष्णाय स्वाहेति ब्रह्मरन्ध्रं सदावतु । ओं माधवाय स्वाहेति भालं मे सर्वदावतु
17 // namaḥ kṛṣṇāya svāheti brahmarandhraṃ sadāvatu / oṃ mādhavāya svāheti bhālaṃ me sarvadāvatu
18 ॥ ओं ह्रींश्रींरसिकेशाय कटिं मम सदावतु । नमो गोपीजनेशाय ऊरू पातु सदा मम
18 // oṃ hrīṃśrīṃrasikeśāya kaṭiṃ mama sadāvatu / namo gopījaneśāya ūrū pātu sadā mama
19 ॥ ओं नमो दैत्यनाशाय स्वाहेत्यवतु जानुनी । यशोदानन्दनायेति नमोतो जङ्घके ऽवतु
19 // oṃ namo daityanāśāya svāhetyavatu jānunī / yaśodānandanāyeti namoto jaṅghake 'vatu
20 ॥ रासारंभप्रियायेति स्वाहान्तो हीं ममावतु । वृन्दाप्रियाय स्वाहेति सकलाङ्गानि मे ऽवतु
20 // rāsāraṃbhapriyāyeti svāhānto hīṃ mamāvatu / vṛndāpriyāya svāheti sakalāṅgāni me 'vatu
21 ॥ परिबुर्णमनाः कृष्मः प्राच्यां मां सर्वदावतु । स्वयं गोलोकनाथो मामाग्नेय्यां दिशि रक्षतु
21 // pariburṇamanāḥ kṛṣmaḥ prācyāṃ māṃ sarvadāvatu / svayaṃ golokanātho māmāgneyyāṃ diśi rakṣatu
22 ॥ पूर्णब्रह्मस्वरूपश्च दक्षिणे मां सदावतु । नैरृत्यां पातु मां कृष्णाः पश्चिमे पातु मां हरिः
22 // pūrṇabrahmasvarūpaśca dakṣiṇe māṃ sadāvatu / nairṛtyāṃ pātu māṃ kṛṣṇāḥ paścime pātu māṃ hariḥ
23 ॥ गोविन्दः पातु वायव्यामुत्तरे रसिकेश्वरः । ऐशान्यां मे सदा पातु वृन्दावनविहार कृत्
23 // govindaḥ pātu vāyavyāmuttare rasikeśvaraḥ / aiśānyāṃ me sadā pātu vṛndāvanavihāra kṛt
24 ॥ वृन्दाप्राणेश्वरः शश्वत्पातु मामूर्द्ध्वदेशतः । सदैव मामधः पातु बलिध्वंसी महाबलः
24 // vṛndāprāṇeśvaraḥ śaśvatpātu māmūrddhvadeśataḥ / sadaiva māmadhaḥ pātu balidhvaṃsī mahābalaḥ
25 ॥ जले स्थले चान्तरिक्षे नृसिंहः पातु मां सदा । स्वप्ने जागरणे चैव पातु मां माधवः स्वयम्
25 // jale sthale cāntarikṣe nṛsiṃhaḥ pātu māṃ sadā / svapne jāgaraṇe caiva pātu māṃ mādhavaḥ svayam
26 ॥ सर्वान्तरात्मा निर्लिप्तः पातु मां सर्वतो विभुः । इति ते कथितं भूप सर्वाघौघविनाशनम्
26 // sarvāntarātmā nirliptaḥ pātu māṃ sarvato vibhuḥ / iti te kathitaṃ bhūpa sarvāghaughavināśanam
27 ॥ त्रैलोक्यविजयं नाम कवचं परमेशितुः । मया श्रुतं शिवमुखात्प्रवक्तव्यं न कस्यचित्
27 // trailokyavijayaṃ nāma kavacaṃ parameśituḥ / mayā śrutaṃ śivamukhātpravaktavyaṃ na kasyacit
28 ॥ गुरुमभ्यर्च्य विधिवत्कवचं धारयेत्तु यः । कण्ठे वा दक्षिणे बाहौ सो ऽपि विष्णुर्न संशयः
28 // gurumabhyarcya vidhivatkavacaṃ dhārayettu yaḥ / kaṇṭhe vā dakṣiṇe bāhau so 'pi viṣṇurna saṃśayaḥ
29 ॥ स साधको ऽवसद्यत्र तत्र वाणीरमे स्थिते । यदि स्यात्सिद्धकवचो जीवन्मुक्तो न संशयः
29 // sa sādhako 'vasadyatra tatra vāṇīrame sthite / yadi syātsiddhakavaco jīvanmukto na saṃśayaḥ
30 ॥ निश्चितं कोटिवर्षाणां पूजायाः फलमाप्नुयात् । राजसूर्यसहस्राणि वाजपेयशतानि च
30 // niścitaṃ koṭivarṣāṇāṃ pūjāyāḥ phalamāpnuyāt / rājasūryasahasrāṇi vājapeyaśatāni ca
31 ॥ महादानानि यान्येव भुवश्चापि प्रदक्षिणा । त्रैलोक्यविजयस्यास्य कलां नार्हन्ति षोडशीम्
31 // mahādānāni yānyeva bhuvaścāpi pradakṣiṇā / trailokyavijayasyāsya kalāṃ nārhanti ṣoḍaśīm
32 ॥ व्रतोपवासनियमाः स्वाध्यायाध्ययने तथा । स्नानं च सर्वतीर्थेषु नास्यार्हन्ति कलामपि
32 // vratopavāsaniyamāḥ svādhyāyādhyayane tathā / snānaṃ ca sarvatīrtheṣu nāsyārhanti kalāmapi
33 ॥ सिद्धत्वममरत्वं च दासत्वं श्रीहरेरपि । यदि स्यात्सिद्धकवचः सर्वं प्राप्नोति निश्चितम्
33 // siddhatvamamaratvaṃ ca dāsatvaṃ śrīharerapi / yadi syātsiddhakavacaḥ sarvaṃ prāpnoti niścitam
34 ॥ स भवेत्सिद्धकवचो दशलक्षं जपेत्तु यः । यो भवेत्सिद्धकवचो विजयी स भवेद् ध्रुवम्
34 // sa bhavetsiddhakavaco daśalakṣaṃ japettu yaḥ / yo bhavetsiddhakavaco vijayī sa bhaved dhruvam
35 ॥ राज्यं देयं शिरो देयं प्राणा देयाश्च भूपते । एतत्तु कवचं वत्स न देयं संकटे ऽपि च
35 // rājyaṃ deyaṃ śiro deyaṃ prāṇā deyāśca bhūpate / etattu kavacaṃ vatsa na deyaṃ saṃkaṭe 'pi ca
36 ॥ मया प्रकाशितं यत्ते चैतेषां त्राणकारणात् । ममाज्ञाकरणाच्चैव तद्विद्धि कुलभास्कर । इदं धृत्वा तु कवचं चक्रवर्त्ती भवान्भव
36 // mayā prakāśitaṃ yatte caiteṣāṃ trāṇakāraṇāt / mamājñākaraṇāccaiva tadviddhi kulabhāskara / idaṃ dhṛtvā tu kavacaṃ cakravarttī bhavānbhava