Agni Purāṇa · Chapter 89 | Living Bliss Digital Library

अथोननवतितमो ऽध्यायः

athonanavatitamo 'dhyāyaḥ

एकतत्त्वदीक्षाकथनं

ekatattvadīkṣākathanaṃ

ईश्वर उवाच

īśvara uvāca

अथैकतात्त्विकी दीक्षा लघुत्वादुपदिश्यते

athaikatāttvikī dīkṣā laghutvādupadiśyate

सूत्रबन्धादि कुर्वीत यथायोगं निजात्मना

sūtrabandhādi kurvīta yathāyogaṃ nijātmanā

कालाग्न्यादिशिवान्तानि तत्त्वानि परभावयेत्

kālāgnyādiśivāntāni tattvāni parabhāvayet

समतत्त्वे समग्राणि सूत्रे मणिगणानिव

samatattve samagrāṇi sūtre maṇigaṇāniva

आवाह्य शिवतत्त्वादि गर्भाधानादि पूर्ववत्

āvāhya śivatattvādi garbhādhānādi pūrvavat

मूलेन किन्तु कुर्वीत सर्वशुल्कसमर्पणं

mūlena kintu kurvīta sarvaśulkasamarpaṇaṃ

प्रददीत ततः पूर्णां तत्त्ववातोपगर्भितां

pradadīta tataḥ pūrṇāṃ tattvavātopagarbhitāṃ

एकयैव यया शिष्यो निर्वाणमधिगच्छति

ekayaiva yayā śiṣyo nirvāṇamadhigacchati

योजनायै शिवे चान्यां स्थिरत्वापादनाय च

yojanāyai śive cānyāṃ sthiratvāpādanāya ca

दत्वा पूर्णां प्रकुर्वीत शिवकुम्भाभिषेचनं

datvā pūrṇāṃ prakurvīta śivakumbhābhiṣecanaṃ

इत्य् आदिमहपुराणे आग्नेये एकतत्त्वदीक्षाकथनं नाम ऊननवतितमो ऽध्यायः :प् 284

ity ādimahapurāṇe āgneye ekatattvadīkṣākathanaṃ nāma ūnanavatitamo 'dhyāyaḥ :p 284