Chapter 347

एकाक्षराभिधनञ्च मातृकान्तं वदामि ते

ekākṣarābhidhanañca mātṛkāntaṃ vadāmi te

अ विष्णुः प्रतिषेधः स्यादा पितामहवाक्ययोः

a viṣṇuḥ pratiṣedhaḥ syādā pitāmahavākyayoḥ

सीमायामथाव्ययं आ भवेत्संक्रोधपीडयोः

sīmāyāmathāvyayaṃ ā bhavetsaṃkrodhapīḍayoḥ

इः कामे रतिलक्ष्म्योरी उः शिवे रक्षकाद्य ऊः

iḥ kāme ratilakṣmyorī uḥ śive rakṣakādya ūḥ

ऋ शब्दे चादितौ ऋस्यात् ऌ ॡ ते वै दितौ गुहे

ṛ śabde cāditau ṛsyāt ḷ ḹ te vai ditau guhe

ए देवी ऐ योगिनी स्यादो ब्रह्मा औ महेश्वरः

e devī ai yoginī syādo brahmā au maheśvaraḥ

अङ्कामः अः प्रशस्तः स्यात् को ब्रह्मादौ कु कुत्सिते

aṅkāmaḥ aḥ praśastaḥ syāt ko brahmādau ku kutsite

खं शून्येन्द्रियं खङ्गो गन्धर्वे च विनायके

khaṃ śūnyendriyaṃ khaṅgo gandharve ca vināyake

गङ्गीते गो गायने स्यद् घो घण्टा किङ्किणीमुखे

gaṅgīte go gāyane syad gho ghaṇṭā kiṅkiṇīmukhe

ताडने ङश् च विषये स्पृहायाञ्चैव भैरवे

tāḍane ṅaś ca viṣaye spṛhāyāñcaiva bhairave

चो दुर्जने निर्मले छश्छेदे जिर्जयने तथा

co durjane nirmale chaśchede jirjayane tathā

जं गीते झः प्रशस्ते स्याद्बले ञो गायने च टः

jaṃ gīte jhaḥ praśaste syādbale ño gāyane ca ṭaḥ

ठश् चन्द्रमण्डले शून्ये शिवे चोद्बन्धने मतः

ṭhaś candramaṇḍale śūnye śive codbandhane mataḥ

डश् च रुद्रे ध्वनौ त्रासे ढक्वायां ढो ध्वनौ मतः

ḍaś ca rudre dhvanau trāse ḍhakvāyāṃ ḍho dhvanau mataḥ

णो निष्कर्षे निश् चये च तश् चौरे क्रोडपुच्छके

ṇo niṣkarṣe niś caye ca taś caure kroḍapucchake

भक्षणे थश्छेदने दो धारणे शोभने मतः

bhakṣaṇe thaśchedane do dhāraṇe śobhane mataḥ

धो धातरि चधूस्तूरे नो वृन्दे सुगते तथा

dho dhātari cadhūstūre no vṛnde sugate tathā

प उपवने विख्यातः फश् च झञ्झानिले मतः

pa upavane vikhyātaḥ phaś ca jhañjhānile mataḥ

फुः फुत्कारे निष्फले च विः पक्षी भञ्च तारके

phuḥ phutkāre niṣphale ca viḥ pakṣī bhañca tārake

मा श्रीर्मानञ्च माता स्याद्याग यो यातृवीरणे

mā śrīrmānañca mātā syādyāga yo yātṛvīraṇe

रो बह्नौ च लः शक्रे च लो विधातरि ईरितः

ro bahnau ca laḥ śakre ca lo vidhātari īritaḥ

विश्लेषणे वो वरुणे शयने शश् च शं सुखे

viśleṣaṇe vo varuṇe śayane śaś ca śaṃ sukhe

षः श्रेष्ठे सः परोक्षे च सालक्ष्मीः सं कचेमतः

ṣaḥ śreṣṭhe saḥ parokṣe ca sālakṣmīḥ saṃ kacemataḥ

धारणे हस् तथा रुद्रे क्षः क्षत्त्रे चाक्षरे मतः

dhāraṇe has tathā rudre kṣaḥ kṣattre cākṣare mataḥ

क्षो नृसिंहे हरौ तद्वत् क्षेत्रपालकयोरपि

kṣo nṛsiṃhe harau tadvat kṣetrapālakayorapi

मन्त्र एकाक्षरो देवो भुक्तिमुक्तिप्रदायकः

mantra ekākṣaro devo bhuktimuktipradāyakaḥ

हैहयशिरसे नमः सर्वविद्याप्रदो मनुः

haihayaśirase namaḥ sarvavidyāprado manuḥ

अकाराद्यास् तथा मन्त्रा मातृकामन्त्र उत्तमः

akārādyās tathā mantrā mātṛkāmantra uttamaḥ

एकपद्मे ऽर्चयेदेतान्नव दुर्गाश् च पूजयेत्

ekapadme 'rcayedetānnava durgāś ca pūjayet

भगवती कात्यायनी कौशिकी चाथ चण्डिका

bhagavatī kātyāyanī kauśikī cātha caṇḍikā

प्रचण्डा सुरनायिका उग्रा पार्वती दुर्गया

pracaṇḍā suranāyikā ugrā pārvatī durgayā

क्रमादि तु षडङ्गं स्याद्गणो गुरुर्गुरुः क्रमात्

kramādi tu ṣaḍaṅgaṃ syādgaṇo gururguruḥ kramāt

अजितापराजिता चाथ जया च विजया ततः

ajitāparājitā cātha jayā ca vijayā tataḥ

कात्यायनी भद्रकाली मङ्गला सिद्धिरेवती

kātyāyanī bhadrakālī maṅgalā siddhirevatī

सिद्धादिवटुकाः पूज्या हेतुकश् च कपालिकः

siddhādivaṭukāḥ pūjyā hetukaś ca kapālikaḥ

एकपादो भीमरूपो दिक्पालान्मध्यतो नव

ekapādo bhīmarūpo dikpālānmadhyato nava

ह्रीं दुर्गे दुर्गे रक्षणि स्वाहामन्त्रार्थसिद्धये

hrīṃ durge durge rakṣaṇi svāhāmantrārthasiddhaye

गौरी पूज्या च धर्माद्याः स्कन्दाद्याः शक्तयो यजेत्

gaurī pūjyā ca dharmādyāḥ skandādyāḥ śaktayo yajet

प्रज्ञा ज्ञाना क्रिया वाचा वागीशी ज्वालिनी तथा

prajñā jñānā kriyā vācā vāgīśī jvālinī tathā

कामिनी काममाला च इन्द्राद्याः शक्तिपूजनं

kāminī kāmamālā ca indrādyāḥ śaktipūjanaṃ

ओंगं स्वाहा मूलमन्त्रो ऽयं गं वा गणपतये नमः

oṃgaṃ svāhā mūlamantro 'yaṃ gaṃ vā gaṇapataye namaḥ

षडङ्गो रक्तशुक्लश् च दन्ताक्षपरशूतकटः

ṣaḍaṅgo raktaśuklaś ca dantākṣaparaśūtakaṭaḥ

समोदको ऽथ गन्धादिगन्धोल्कायेति च क्रमात्

samodako 'tha gandhādigandholkāyeti ca kramāt

गजो महागणपतिर्महोल्कः पूज्य एव च

gajo mahāgaṇapatirmaholkaḥ pūjya eva ca

एतैर् मनुभिः स्वाहान्तैः पूज्य तिलहोमादिनार्थभाक्

etair manubhiḥ svāhāntaiḥ pūjya tilahomādinārthabhāk

काद्यैर् वा वीजसंयुक्तैस्तैर् आद्यैश् च नमो ऽन्तकैः

kādyair vā vījasaṃyuktaistair ādyaiś ca namo 'ntakaiḥ

मन्त्राः पृथक् पृथग्वा स्युर्द्विरेफद्विर्मुखाक्षिणः*

mantrāḥ pṛthak pṛthagvā syurdvirephadvirmukhākṣiṇaḥ*

कात्यायनं अकन्द आह यत्तद्व्याकरणं वदे

kātyāyanaṃ akanda āha yattadvyākaraṇaṃ vade