Chapter 326

व्रतेश्वरांश् च सत्यादीनिष्ट्वा व्रतसमर्पणम्

vrateśvarāṃś ca satyādīniṣṭvā vratasamarpaṇam

अरिष्टशमने शस्तमरिष्टं सूत्रनायकम्

ariṣṭaśamane śastamariṣṭaṃ sūtranāyakam

हेमरत्रमयं भूत्यै महाशङ्खञ्च मारणे

hemaratramayaṃ bhūtyai mahāśaṅkhañca māraṇe

आप्यायने शङ्खसूत्रं मौक्तिकं पुत्रवर्धनम्

āpyāyane śaṅkhasūtraṃ mauktikaṃ putravardhanam

स्फाटिकं भूतिदं कौशं मुक्तिदं रुद्रनेत्रजं

sphāṭikaṃ bhūtidaṃ kauśaṃ muktidaṃ rudranetrajaṃ

धाधीफलप्रमाणेन रुद्राक्षं चोत्तमन्ततः

dhādhīphalapramāṇena rudrākṣaṃ cottamantataḥ

समेरुं मेरुहीनं वा सूत्रं जप्यन्तु मानसम्

sameruṃ meruhīnaṃ vā sūtraṃ japyantu mānasam

अनामाङ्गुष्ठमाक्रम्य जपं भाष्यन्तु कारयेत्

anāmāṅguṣṭhamākramya japaṃ bhāṣyantu kārayet

तर्जन्यङ्गुष्ठमाक्रम्य न मेरुं लङ्घ्येज्जपे

tarjanyaṅguṣṭhamākramya na meruṃ laṅghyejjape

प्रमादात् पतिते सूत्रे जप्तव्यन्तु शतद्वयम्

pramādāt patite sūtre japtavyantu śatadvayam

सर्ववाद्यमयी घण्टा तस्या वादनमर्थकृत्

sarvavādyamayī ghaṇṭā tasyā vādanamarthakṛt

गोशकृन्मूत्रवल्मीकमृत्तिकाभस्मवारिभिः

gośakṛnmūtravalmīkamṛttikābhasmavāribhiḥ

वेस्मायतनलिङ्गादेः कार्यमेवं विशोधनम्

vesmāyatanaliṅgādeḥ kāryamevaṃ viśodhanam

स्कन्दो नमः शिवायेति मन्त्रः सर्वार्थसाधकः

skando namaḥ śivāyeti mantraḥ sarvārthasādhakaḥ

गीतः पञ्चाक्षरो वेदे लोके गीतःषडक्षरः

gītaḥ pañcākṣaro vede loke gītaḥṣaḍakṣaraḥ

ओमित्यन्ते स्थितः शम्भुर्मुद्रार्थं वटवीजवत्

omityante sthitaḥ śambhurmudrārthaṃ vaṭavījavat

क्रमान्नमः शिवायेति ईशानाद्यानि वै विदुः

kramānnamaḥ śivāyeti īśānādyāni vai viduḥ

षडक्षरस्य सूत्रस्य भाष्यद्विद्याकदम्बकं

ṣaḍakṣarasya sūtrasya bhāṣyadvidyākadambakaṃ

यदोंनमः शिवायेति एतावत् परमं पदम्

yadoṃnamaḥ śivāyeti etāvat paramaṃ padam

अनेन पूजयेल्लिङ्गं लिङ्गे यस्मात् स्थितः शिवः

anena pūjayelliṅgaṃ liṅge yasmāt sthitaḥ śivaḥ

अनुग्रहाय लोकानां धर्मकामार्थमुक्तिदः

anugrahāya lokānāṃ dharmakāmārthamuktidaḥ

यो न पूजयते लिङ्गन्न स धर्मादिभाजनं

yo na pūjayate liṅganna sa dharmādibhājanaṃ

लिङ्गार्चनाद्भुक्तिमुक्तिर्यावज्जीवमतो यजेत्

liṅgārcanādbhuktimuktiryāvajjīvamato yajet

वरं प्राणपरित्यागो भुञ्जीतापूज्य नैव तं

varaṃ prāṇaparityāgo bhuñjītāpūjya naiva taṃ

रुद्रस्य पूजनाद्रुद्रो विष्णुः स्याद्विष्णुपूजनात्

rudrasya pūjanādrudro viṣṇuḥ syādviṣṇupūjanāt

सूर्यः स्यात् सुर्यपूजातः शक्त्यादिः शक्तिपूजनात्

sūryaḥ syāt suryapūjātaḥ śaktyādiḥ śaktipūjanāt

सर्वयज्ञतपोदाने तीर्थे वेदेषु यत् फलं

sarvayajñatapodāne tīrthe vedeṣu yat phalaṃ

तत् फलं कोटिगुणितं स्थाप्य लिङ्गं लभेन्नरः

tat phalaṃ koṭiguṇitaṃ sthāpya liṅgaṃ labhennaraḥ

त्रिसन्ध्यं योर्चयेल्लिङ्गं कृत्वा विल्वेन पार्थिवम्

trisandhyaṃ yorcayelliṅgaṃ kṛtvā vilvena pārthivam

शतैकादशिकं यावत् कुलमुद्धृत्य नाकभाक्

śataikādaśikaṃ yāvat kulamuddhṛtya nākabhāk

भक्त्या वित्तानुसारेण कुर्यात् प्रसादसञ्चयम्

bhaktyā vittānusāreṇa kuryāt prasādasañcayam

अल्पे महति वा तुल्यफलमाढ्यदरिद्रयोः

alpe mahati vā tulyaphalamāḍhyadaridrayoḥ

भागद्वयञ्च धर्मार्थं कल्पयेज्जीवनाय च

bhāgadvayañca dharmārthaṃ kalpayejjīvanāya ca

धनस्य भागमेकन्तुअनित्यं जीवितं यतः

dhanasya bhāgamekantuanityaṃ jīvitaṃ yataḥ

त्रिसप्तकुलमुद्धृत्य देवागारकृदर्थभाक्

trisaptakulamuddhṛtya devāgārakṛdarthabhāk

मृत्काष्ठेष्टकशैलाद्यैः क्रमात् कोटिगुणं फलम्

mṛtkāṣṭheṣṭakaśailādyaiḥ kramāt koṭiguṇaṃ phalam

अष्टेष्टकसुरागारकारी स्वर्गमवाप्नुयात्

aṣṭeṣṭakasurāgārakārī svargamavāpnuyāt

पांशुना क्रीडमानोपि देवागारकृदर्थभाक्

pāṃśunā krīḍamānopi devāgārakṛdarthabhāk