Chapter 318

वागीश्वरीपूजनञ्च प्रवदामि समण्डलम्

vāgīśvarīpūjanañca pravadāmi samaṇḍalam

ऊहकं कालसंयुक्तं मनुं वर्णसमायुतम्

ūhakaṃ kālasaṃyuktaṃ manuṃ varṇasamāyutam

निषाद ईश्वरं कार्यं मनुना चन्द्रसूर्यवत्

niṣāda īśvaraṃ kāryaṃ manunā candrasūryavat

अक्षरन्न हि देयं स्यात् ध्यायेत् कुन्देन्दुसन्निभां

akṣaranna hi deyaṃ syāt dhyāyet kundendusannibhāṃ

पञ्चाशद्वर्णमालान्तु मुक्तास्रग्दामभूषिताम्

pañcāśadvarṇamālāntu muktāsragdāmabhūṣitām

वरदाभयाक्षसूत्रपुस्तकाढ्यां त्रिलोचनां

varadābhayākṣasūtrapustakāḍhyāṃ trilocanāṃ

लक्षं जपेन्मस्तकान्तं स्कन्धान्तं वर्णमालिकां

lakṣaṃ japenmastakāntaṃ skandhāntaṃ varṇamālikāṃ

अकारादिक्षकारान्तां विशन्तीं मानवत् स्मरेत्

akārādikṣakārāntāṃ viśantīṃ mānavat smaret

कुर्याद् गुरुश् च दीक्षार्थं मन्त्रग्राहे तु मण्डलम्

kuryād guruś ca dīkṣārthaṃ mantragrāhe tu maṇḍalam

सूर्याग्रमिन्दुभक्तन्तु भागाभ्यां कमलं हितं

sūryāgramindubhaktantu bhāgābhyāṃ kamalaṃ hitaṃ

वीथिका पदिका कर्या पद्मान्यष्टौ चतुष्पदे

vīthikā padikā karyā padmānyaṣṭau catuṣpade

वीथिका पदिका वाह्ये द्वाराणि द्विपदानि तु

vīthikā padikā vāhye dvārāṇi dvipadāni tu

उपद्वाराणित द्वच्च कोणबान्धं द्विपट्टिकम्

upadvārāṇita dvacca koṇabāndhaṃ dvipaṭṭikam

सिदानि नव पद्मानि कर्णिका कनकप्रभा

sidāni nava padmāni karṇikā kanakaprabhā

केशराणि विचित्राणि कोणान्रक्तेन पूरयेत्

keśarāṇi vicitrāṇi koṇānraktena pūrayet

व्योमरेखान्तरं कृष्णं द्वाराणीन्द्रेभमानतः

vyomarekhāntaraṃ kṛṣṇaṃ dvārāṇīndrebhamānataḥ

मध्ये सरस्वतीं पद्मे वागीशी पूर्वपद्मके

madhye sarasvatīṃ padme vāgīśī pūrvapadmake

हृल्लेखा चित्रवागीशी गायत्री विश्वरूपया

hṛllekhā citravāgīśī gāyatrī viśvarūpayā

शाङ्करी मतिर्धृतिश् च पूर्वाद्या ह्रीं स्ववीजकाः

śāṅkarī matirdhṛtiś ca pūrvādyā hrīṃ svavījakāḥ

ध्येया सरस्वतीवच्च कपिलाज्येन होमकः

dhyeyā sarasvatīvacca kapilājyena homakaḥ

संस्कृतप्राकृतकविः काव्यशास्त्रादिविद्भवेत्

saṃskṛtaprākṛtakaviḥ kāvyaśāstrādividbhavet