Chapter 299

ग्रहापहारमन्त्रादीन् वक्ष्ये ग्रहविमर्दनान्

grahāpahāramantrādīn vakṣye grahavimardanān

हर्षेच्छाभयशोकादिविरुद्धाशुचिभोजनात्

harṣecchābhayaśokādiviruddhāśucibhojanāt

गुरुदेवादिकोपाच्च पञ्चोन्मादा भवन्त्य् अथ

gurudevādikopācca pañconmādā bhavanty atha

त्रिदोषजाः सन्निपाता आगन्तुरिति ते स्मृताः

tridoṣajāḥ sannipātā āganturiti te smṛtāḥ

देवादयो ग्रहा जाता रुद्रक्रोधादनेकधा

devādayo grahā jātā rudrakrodhādanekadhā

सरित्सरस्तडागादौ शैलोपवनसेतुषु

saritsarastaḍāgādau śailopavanasetuṣu

नदीसङ्गे शून्यगृहे विलद्वार्येकवृक्षके

nadīsaṅge śūnyagṛhe viladvāryekavṛkṣake

ग्रहा गृह्णन्ति पुंसश् च श्रियः सुप्ताञ्च गर्भिणीम्

grahā gṛhṇanti puṃsaś ca śriyaḥ suptāñca garbhiṇīm

आसन्नपुष्पान्नग्नाञ्च ऋतुस्नानं करोति या

āsannapuṣpānnagnāñca ṛtusnānaṃ karoti yā

अवमानं नृणां वैरं विघ्नं भाग्यविपर्ययः

avamānaṃ nṛṇāṃ vairaṃ vighnaṃ bhāgyaviparyayaḥ

देवतागुरुधर्मादिसदाचारादिलङ्घनम्

devatāgurudharmādisadācārādilaṅghanam

पतनं शैलवृक्षादेर्विधुन्वन्मूर्धजं मुहुः

patanaṃ śailavṛkṣādervidhunvanmūrdhajaṃ muhuḥ

रुदन्नृत्यति रक्ताक्षो हूंरूपो ऽनुग्रही नरः

rudannṛtyati raktākṣo hūṃrūpo 'nugrahī naraḥ

उद्विग्नः शूलदाहार्तः क्षुत्तृष्णार्तः शिरोर्तिमान्

udvignaḥ śūladāhārtaḥ kṣuttṛṣṇārtaḥ śirortimān

देहि दहीति याचेत बलिकामग्रही नरः

dehi dahīti yāceta balikāmagrahī naraḥ

स्त्रीमालाभोगस्नानेच्छूरतिकामग्रही नरः

strīmālābhogasnānecchūratikāmagrahī naraḥ

महासुदर्शनो व्योमव्यापी विटपनासिकः

mahāsudarśano vyomavyāpī viṭapanāsikaḥ

पातालनारसिंहाद्या चण्डीमन्त्रा ग्रहार्दनाः

pātālanārasiṃhādyā caṇḍīmantrā grahārdanāḥ

पृश्नीहिङ्गुवचाचक्रशिरीषदयितम्परम्

pṛśnīhiṅguvacācakraśirīṣadayitamparam

पाशाङ्कुशधरं देवमक्षमालाकपालिनम्

pāśāṅkuśadharaṃ devamakṣamālākapālinam

खट्टाङ्गाब्जादिशिक्तिञ्च दधानं चतुराननम्

khaṭṭāṅgābjādiśiktiñca dadhānaṃ caturānanam

अन्तर्वाह्यादिखट्टाङ्गपद्मस्थं रविमण्डले

antarvāhyādikhaṭṭāṅgapadmasthaṃ ravimaṇḍale

आदित्यादियुतं प्रार्च्य उदितेर्के ऽर्घ्यकं ददेत्

ādityādiyutaṃ prārcya uditerke 'rghyakaṃ dadet

श्वासविषाग्निविप्रकुण्डीहृल्लेखासकलो भृगुः

śvāsaviṣāgniviprakuṇḍīhṛllekhāsakalo bhṛguḥ

अर्काय भूर्भुवःस्वश् च ज्वालिनीं कुलमुद्गरम्

arkāya bhūrbhuvaḥsvaś ca jvālinīṃ kulamudgaram

पद्मासनो ऽरुणो रक्तवस्त्रसद्युतिविश्वकः

padmāsano 'ruṇo raktavastrasadyutiviśvakaḥ

उदारः पद्मधृग्दोर्भ्यां सौम्यः सर्वाङ्गभूषितः

udāraḥ padmadhṛgdorbhyāṃ saumyaḥ sarvāṅgabhūṣitaḥ

रक्ता हृदादयः सौम्या वरदाः पद्मधारिणः

raktā hṛdādayaḥ saumyā varadāḥ padmadhāriṇaḥ

विद्युत्पुञ्जनिभं वस्त्रं श्वेतः सौम्यो ऽरुणः कुजः

vidyutpuñjanibhaṃ vastraṃ śvetaḥ saumyo 'ruṇaḥ kujaḥ

बुधस्तद्वद्गुरुः पीतः शुक्लः शुक्रः शनैश् चरः

budhastadvadguruḥ pītaḥ śuklaḥ śukraḥ śanaiś caraḥ

कृष्णाङ्गारनिभो राहुर्धूम्रः केतुरुदाहृतः

kṛṣṇāṅgāranibho rāhurdhūmraḥ keturudāhṛtaḥ

वामोरुवामहस्तान्ते दक्षहस्ताभयप्रदा

vāmoruvāmahastānte dakṣahastābhayapradā

स्वनामाद्यन्तु वीजास्ते हस्तौ संशोध्य चास्त्रतः

svanāmādyantu vījāste hastau saṃśodhya cāstrataḥ

अङ्गुष्ठादौ तले नेत्रे हृदाद्यं व्यापकं न्यसेत्

aṅguṣṭhādau tale netre hṛdādyaṃ vyāpakaṃ nyaset

मूलवीजैस्त्रिभिः प्राणध्यायकं न्यस्य साङ्गकम्

mūlavījaistribhiḥ prāṇadhyāyakaṃ nyasya sāṅgakam

प्रक्षाल्य पात्रमस्त्रेण मूलेनापूर्य वारिणा

prakṣālya pātramastreṇa mūlenāpūrya vāriṇā

गन्धपुष्पाक्षतं न्यस्य दूर्वामर्घ्यञ्च मन्त्रयेत्

gandhapuṣpākṣataṃ nyasya dūrvāmarghyañca mantrayet

आत्मानं तेन सम्प्रोक्ष्य पूजाद्रव्यञ्च वै ध्रुवम्

ātmānaṃ tena samprokṣya pūjādravyañca vai dhruvam

प्रभूतं विमलं सारमाराध्यं परमं सुखम्

prabhūtaṃ vimalaṃ sāramārādhyaṃ paramaṃ sukham

पीठाद्यान् कल्पयेदेतान् हृदा मध्ये विदिक्षु च

pīṭhādyān kalpayedetān hṛdā madhye vidikṣu ca

पीठोपरि हृदा मध्ये दिक्षु चैव विदिक्षु च

pīṭhopari hṛdā madhye dikṣu caiva vidikṣu ca

पीठोपरि हृदाब्जञ्च केशवेष्वष्टशक्तयः

pīṭhopari hṛdābjañca keśaveṣvaṣṭaśaktayaḥ

वां दीप्तां वीं तथा सुक्ष्मां वुञ्जयां वूञ्चभाद्रिकां

vāṃ dīptāṃ vīṃ tathā sukṣmāṃ vuñjayāṃ vūñcabhādrikāṃ

वें विभूतीं वैं विमलां वोमसिघातविद्युताम्

veṃ vibhūtīṃ vaiṃ vimalāṃ vomasighātavidyutām

वौं सर्वतोमुखीं वं पीठं वः प्रार्च्य रविं यजेत्

vauṃ sarvatomukhīṃ vaṃ pīṭhaṃ vaḥ prārcya raviṃ yajet

आवाह्य दद्यात् पाद्यादि हृत्षडङ्गेन सुव्रत

āvāhya dadyāt pādyādi hṛtṣaḍaṅgena suvrata

खकारौ दण्डिनौ चण्डौ मज्जा दशनसंयुता

khakārau daṇḍinau caṇḍau majjā daśanasaṃyutā

मांसदीर्घा जरद्वायुहृदैतत् सर्वदं रवेः

māṃsadīrghā jaradvāyuhṛdaitat sarvadaṃ raveḥ

वह्नीशरक्षो मरुताम् किक्षु पूज्या हृदादयः

vahnīśarakṣo marutām kikṣu pūjyā hṛdādayaḥ

स्वमन्त्रैः कर्णिकान्तस्था दिक्ष्वस्त्रं पुरतः सदृक्

svamantraiḥ karṇikāntasthā dikṣvastraṃ purataḥ sadṛk

पूर्वादिदिक्षु सम्पूज्याश् चन्द्रज्ञगुरुभार्गवाः

pūrvādidikṣu sampūjyāś candrajñagurubhārgavāḥ

नस्याञ्जनादि कुर्वीत साजमूत्रैर् ग्रहापहैः

nasyāñjanādi kurvīta sājamūtrair grahāpahaiḥ

पाठापथ्यावचाशिग्रुसिन्धूव्योषैः पृथक् फलैः

pāṭhāpathyāvacāśigrusindhūvyoṣaiḥ pṛthak phalaiḥ

अजाक्षीराढके पक्वसर्पिः सर्वग्रहान् हरेत्

ajākṣīrāḍhake pakvasarpiḥ sarvagrahān haret

वृश्चिकालीफलीकुष्ठं लवणानि च शार्ङ्गकम्

vṛścikālīphalīkuṣṭhaṃ lavaṇāni ca śārṅgakam

अपस्मारविनाशाय तज्जलं त्वभिभोजयेत्

apasmāravināśāya tajjalaṃ tvabhibhojayet

विदारीकुशकाशेक्षुक्वाथजं पाययेत् पयः

vidārīkuśakāśekṣukvāthajaṃ pāyayet payaḥ

द्रोणे सयष्टिकुष्माण्डरसे सर्पिश् च संस्कृतौ

droṇe sayaṣṭikuṣmāṇḍarase sarpiś ca saṃskṛtau

पञ्चगव्यं घृतं तद्वद्योगं ज्वरहरं शृणु

pañcagavyaṃ ghṛtaṃ tadvadyogaṃ jvaraharaṃ śṛṇu

कृष्णोषणनिशारास्नाद्राक्षातैलं गुडं लिहेत्

kṛṣṇoṣaṇaniśārāsnādrākṣātailaṃ guḍaṃ lihet

श्वासवानथ वा भार्गीं सयष्टिमधुसर्पिषा

śvāsavānatha vā bhārgīṃ sayaṣṭimadhusarpiṣā

पाठा तिक्ता कणा भार्गी अथवा मधुना लिहेत्

pāṭhā tiktā kaṇā bhārgī athavā madhunā lihet

धात्री विश्वसिता कृष्णा मुस्ता खर्जूरमागधी

dhātrī viśvasitā kṛṣṇā mustā kharjūramāgadhī

पिवरश्चेति हिक्काघ्नं तत् त्रयं मधुना लिहेत्

pivaraśceti hikkāghnaṃ tat trayaṃ madhunā lihet

कामली जीरमाण्डूकीनिशाधात्रीरसं पिवेत्

kāmalī jīramāṇḍūkīniśādhātrīrasaṃ pivet

व्योषपद्मकत्रिफलाकिडङ्गदेवदारवः

vyoṣapadmakatriphalākiḍaṅgadevadāravaḥ

रास्नाचूर्णं समं खण्डैर् जग्ध्वा कासहरं ध्रुवम्

rāsnācūrṇaṃ samaṃ khaṇḍair jagdhvā kāsaharaṃ dhruvam