Chapter 247

पुष्पैस्तु पूजनाद्विष्णुः सर्वकार्येषु सिद्धिदः

puṣpaistu pūjanādviṣṇuḥ sarvakāryeṣu siddhidaḥ

मालती मल्लिका यूथी पाटला करवीरकं

mālatī mallikā yūthī pāṭalā karavīrakaṃ

पावान्तिरतिमुक्तश् च कर्णिकारः कुराण्टकः

pāvāntiratimuktaś ca karṇikāraḥ kurāṇṭakaḥ

कुब्जकस्तगरो नीपो वाणो वर्वरमल्लिका

kubjakastagaro nīpo vāṇo varvaramallikā

अशोकस्तिलकः कुन्दः पूजायै स्यात्तमालजं

aśokastilakaḥ kundaḥ pūjāyai syāttamālajaṃ

बिल्वपत्रं शमीपत्रं पत्रं भृङ्गरजस्य तु

bilvapatraṃ śamīpatraṃ patraṃ bhṛṅgarajasya tu

तुलसीकालतुलसीपत्रं वासकमर्चने

tulasīkālatulasīpatraṃ vāsakamarcane

केतकीपत्रपुष्पं च पद्मं रक्तोत्पलादिकं

ketakīpatrapuṣpaṃ ca padmaṃ raktotpalādikaṃ

नार्कन्नोन्मत्तकङ्काञ्ची पूजने गिरिमल्लिका

nārkannonmattakaṅkāñcī pūjane girimallikā

कौटजं शाल्मलीपुष्पं कण्टकारीभवन्नहि

kauṭajaṃ śālmalīpuṣpaṃ kaṇṭakārībhavannahi

घृतप्रस्थेन विष्णोश् च स्नानङ्गोकोटिसत्फलं

ghṛtaprasthena viṣṇoś ca snānaṅgokoṭisatphalaṃ

आढकेन तु राजा स्यात् घृतक्षीरैर् दिवं व्रजेत्

āḍhakena tu rājā syāt ghṛtakṣīrair divaṃ vrajet