Chapter 21

सामान्यपूजां विष्ण्वादेर्वक्ष्ये मन्त्रांश् च सर्वदान्

sāmānyapūjāṃ viṣṇvādervakṣye mantrāṃś ca sarvadān

समस्तपरिवाराय अच्युताय नमो यजेत्

samastaparivārāya acyutāya namo yajet

धात्रे विधात्रे गङ्गायै यमुनायै निधी तथा

dhātre vidhātre gaṅgāyai yamunāyai nidhī tathā

द्वारश्रियं वस्तुनवं शक्तिं कूर्ममनन्तकम्

dvāraśriyaṃ vastunavaṃ śaktiṃ kūrmamanantakam

पृथिवीं धर्मकं ज्ञानं वैराग्यैश्वर्यमेव च

pṛthivīṃ dharmakaṃ jñānaṃ vairāgyaiśvaryameva ca

अधर्मादीन् कन्दनालपद्मकेशरकर्णिकाः

adharmādīn kandanālapadmakeśarakarṇikāḥ

ऋग्वेदाद्यं कृताद्यञ्च सत्वाद्यर्कादिमण्डलम्

ṛgvedādyaṃ kṛtādyañca satvādyarkādimaṇḍalam

विमलोत्कर्षिणी ज्ञाना क्रिया योगा च ता यजेत्

vimalotkarṣiṇī jñānā kriyā yogā ca tā yajet

प्रह्वीं सत्यां तथेशानानुग्रहासनमूर्तिकाम्

prahvīṃ satyāṃ tatheśānānugrahāsanamūrtikām

दुर्गां गिरङ्गणं क्षेत्रं वासुदेवादिकं यजेत्

durgāṃ giraṅgaṇaṃ kṣetraṃ vāsudevādikaṃ yajet

हृदयञ्च शिरः शूलं वर्मनेत्रमथास्त्रकम्

hṛdayañca śiraḥ śūlaṃ varmanetramathāstrakam

शङ्खं चक्रं गदां पद्मं श्रीवत्सं कौस्तुभं यजेत्

śaṅkhaṃ cakraṃ gadāṃ padmaṃ śrīvatsaṃ kaustubhaṃ yajet

वनमालां श्रियं पुष्टिं गरुडं गुरुमर्चयेत्

vanamālāṃ śriyaṃ puṣṭiṃ garuḍaṃ gurumarcayet

इन्द्रमग्निं यमं रक्षो जलं वायुं धनेश्वरम्

indramagniṃ yamaṃ rakṣo jalaṃ vāyuṃ dhaneśvaram

ईशानन्तमजं चास्त्रं वाहनं कुमुदादिकम्

īśānantamajaṃ cāstraṃ vāhanaṃ kumudādikam

विष्वक्सेनं मण्डलादौ सिद्धिः पूजादिना भवेत्

viṣvaksenaṃ maṇḍalādau siddhiḥ pūjādinā bhavet

शिवपूजाथ सामान्या पूर्वं नन्दिनमर्चयेत्

śivapūjātha sāmānyā pūrvaṃ nandinamarcayet

महाकालं यजेद्गङ्गां यमुनाञ्च गणादिकम्

mahākālaṃ yajedgaṅgāṃ yamunāñca gaṇādikam

गिरं श्रियं गुरुं वास्तुं शक्यादीन् धर्मकादिकम्

giraṃ śriyaṃ guruṃ vāstuṃ śakyādīn dharmakādikam

वामा ज्येष्ठा तथा रौद्री काली कलविकारिणी

vāmā jyeṣṭhā tathā raudrī kālī kalavikāriṇī

बलविकरिणी चापि बलप्रमथिनी क्रमात्

balavikariṇī cāpi balapramathinī kramāt

सर्वभूतदमनी च मदनोन्मादिनी शिवासनं

sarvabhūtadamanī ca madanonmādinī śivāsanaṃ

हां हुं हां शिवमूर्तये साङ्गवक्त्रं शिवं यजेत्

hāṃ huṃ hāṃ śivamūrtaye sāṅgavaktraṃ śivaṃ yajet

हौं शिवाय हामित्यादि हामीशानादिवक्त्रकं

hauṃ śivāya hāmityādi hāmīśānādivaktrakaṃ

ह्रीं गौरीं गं गणः शक्रमुखाश् चण्डीहृतादिकाः

hrīṃ gaurīṃ gaṃ gaṇaḥ śakramukhāś caṇḍīhṛtādikāḥ

क्रमात्सूर्यार्चने मन्त्रा दण्डी पूज्यश् च पिङ्गलः

kramātsūryārcane mantrā daṇḍī pūjyaś ca piṅgalaḥ

उच्चैःश्रवाश्चारुणश् च प्रभूतं विमलं यजेत्

uccaiḥśravāścāruṇaś ca prabhūtaṃ vimalaṃ yajet

साराध्योपरमसुखं स्कन्दाद्यं मध्यतो यजेत्

sārādhyoparamasukhaṃ skandādyaṃ madhyato yajet

दीप्ता सूक्ष्मा जया भद्रा विभूतिर्विमला तथा

dīptā sūkṣmā jayā bhadrā vibhūtirvimalā tathā

अमोघा विद्युता चैव पूज्याथ सर्वतोमुखी

amoghā vidyutā caiva pūjyātha sarvatomukhī

अर्कासनं हि हं खं ख सोल्कायेति च मूर्तिकाम्

arkāsanaṃ hi haṃ khaṃ kha solkāyeti ca mūrtikām

ह्रां ह्रीं स सूर्याय नम आं नमो हृदाय च

hrāṃ hrīṃ sa sūryāya nama āṃ namo hṛdāya ca

अर्काय शिरसे तद्वदग्नीशासुरवायुगान्

arkāya śirase tadvadagnīśāsuravāyugān

भूर्भुवः स्वरे ज्वालिनि शिखा हुं कवचं स्मृतं

bhūrbhuvaḥ svare jvālini śikhā huṃ kavacaṃ smṛtaṃ

भां नेत्रं वस् तथार्कास्त्रं राज्ञी शक्तिश् च निष्कुभा

bhāṃ netraṃ vas tathārkāstraṃ rājñī śaktiś ca niṣkubhā

सोमो ऽङ्गारकोथ बुधो जीवः शुक्रः शनिः क्रमात्

somo 'ṅgārakotha budho jīvaḥ śukraḥ śaniḥ kramāt

राहुः केतुस्तेजश् चण्डः सङ्क्षेपादथ पूजनं

rāhuḥ ketustejaś caṇḍaḥ saṅkṣepādatha pūjanaṃ

आसनं मूर्तये मूलं हृदाद्यं परिचारकः

āsanaṃ mūrtaye mūlaṃ hṛdādyaṃ paricārakaḥ

विष्ण्वासनं विष्णुर्मूर्तेरों श्रीं श्रीं श्रीधरोहरिः

viṣṇvāsanaṃ viṣṇurmūrteroṃ śrīṃ śrīṃ śrīdharohariḥ

ह्रीं सर्वमूर्तिमन्त्रोयमिति त्रैलोक्यमोहनः

hrīṃ sarvamūrtimantroyamiti trailokyamohanaḥ

ह्रीं हृषीकेशः क्लीं विष्णुः स्वरैर् दीर्घैर्हृदादिकं

hrīṃ hṛṣīkeśaḥ klīṃ viṣṇuḥ svarair dīrghairhṛdādikaṃ

समस्तैः पञ्चमी पूजा सङ्ग्रामादौ जयादिदा

samastaiḥ pañcamī pūjā saṅgrāmādau jayādidā

चक्रं गदां क्रमाच्छङ्खं मुषलं खड्गशार्ङ्गकम्

cakraṃ gadāṃ kramācchaṅkhaṃ muṣalaṃ khaḍgaśārṅgakam

पाशाङ्कुशौ च श्रीवत्सं कौस्तुभं वनमालया

pāśāṅkuśau ca śrīvatsaṃ kaustubhaṃ vanamālayā

श्रीं श्रीर्महालक्ष्मीतार्क्ष्यो गुरुरिन्द्रादयो ऽर्चनम्

śrīṃ śrīrmahālakṣmītārkṣyo gururindrādayo 'rcanam

सरस्वत्यासनं मूर्तिरौं ह्रीं दधी सरस्वती

sarasvatyāsanaṃ mūrtirauṃ hrīṃ dadhī sarasvatī

हृदाद्या लक्ष्मीर्मेधा च कलातुष्टिश् च पुष्टिका

hṛdādyā lakṣmīrmedhā ca kalātuṣṭiś ca puṣṭikā

गौरी प्रभामती दुर्गा गणो गुरुश् च क्षेत्रपः

gaurī prabhāmatī durgā gaṇo guruś ca kṣetrapaḥ

तथा गं गणपतये च ह्रीं गौर्यै च श्रीं श्रियै

tathā gaṃ gaṇapataye ca hrīṃ gauryai ca śrīṃ śriyai

ह्रीं त्वरितायै ह्रीं सौ त्रिपुरा चतुर्थ्यन्तनमोन्तकाः

hrīṃ tvaritāyai hrīṃ sau tripurā caturthyantanamontakāḥ

प्रणवाद्याश् च नामाद्यमक्षरं विन्दुसंयुतं

praṇavādyāś ca nāmādyamakṣaraṃ vindusaṃyutaṃ

ओं युतं वा सर्वमन्त्रपूजनाज्जपतः स्मृताः

oṃ yutaṃ vā sarvamantrapūjanājjapataḥ smṛtāḥ

होमात्तिलघृताद्यैश् च धर्मकामार्थमोक्षदाः

homāttilaghṛtādyaiś ca dharmakāmārthamokṣadāḥ

पूजामन्त्रान् पठेद्यस्तु भुक्तभोगो दिवं व्रजेत्

pūjāmantrān paṭhedyastu bhuktabhogo divaṃ vrajet