अथ चतुर्नवत्यधिकशततमो ऽध्यायः
atha caturnavatyadhikaśatatamo 'dhyāyaḥ
अशोकपूएणिमादिव्रतं
aśokapūeṇimādivrataṃ
अग्निर् उवाच
agnir uvāca
अशोकपूर्णिमां वक्ष्ये भूधरं च भुवं यजेत्
aśokapūrṇimāṃ vakṣye bhūdharaṃ ca bhuvaṃ yajet
फाल्गुन्यां सितपक्षायां वर्षं स्याद्भुक्तिमुक्तिभाक्
phālgunyāṃ sitapakṣāyāṃ varṣaṃ syādbhuktimuktibhāk
कार्त्तिक्यान्तु वृषोत्सर्गं कृत्वा नक्तं समाचरेत्
kārttikyāntu vṛṣotsargaṃ kṛtvā naktaṃ samācaret
शैवं पदमवाप्नोति वृषव्रतमिदं परं
śaivaṃ padamavāpnoti vṛṣavratamidaṃ paraṃ
पित्र्या यामावसी तस्यां पितॄणां दत्तमक्ष्यं
pitryā yāmāvasī tasyāṃ pitṝṇāṃ dattamakṣyaṃ
उपोष्याब्दं पितॄनिष्ट्वा निष्पापः स्वर्गमाप्नुयात्
upoṣyābdaṃ pitṝniṣṭvā niṣpāpaḥ svargamāpnuyāt
पञ्चदश्यां च माघस्य पूज्याजं सर्वमाप्नुयात्
pañcadaśyāṃ ca māghasya pūjyājaṃ sarvamāpnuyāt
वक्ष्ये सावित्र्यमावास्याम्भुक्तिमुक्तिकरीं शुभां
vakṣye sāvitryamāvāsyāmbhuktimuktikarīṃ śubhāṃ
पञ्चदश्यां व्रती ज्यैष्ठे वटमूले महासतीं
pañcadaśyāṃ vratī jyaiṣṭhe vaṭamūle mahāsatīṃ
त्रिरात्रोपोषिता नारी सप्तधान्यैः प्रपूजयेत्
trirātropoṣitā nārī saptadhānyaiḥ prapūjayet
प्ररूढैः कण्ठसूत्रैश् च रजन्यां कुङ्कुमादिभिः
prarūḍhaiḥ kaṇṭhasūtraiś ca rajanyāṃ kuṅkumādibhiḥ
वटावलम्बनं कृत्वा नृत्यगीतैः प्रभातके
vaṭāvalambanaṃ kṛtvā nṛtyagītaiḥ prabhātake
नमः सावित्र्यै सत्यवते नैवेद्यं चार्पयेद् द्विजे
namaḥ sāvitryai satyavate naivedyaṃ cārpayed dvije
वेश्म गत्वा द्विजान् भोज्य स्वयं भुक्त्वा विसर्जयेत्
veśma gatvā dvijān bhojya svayaṃ bhuktvā visarjayet
सावित्री प्रीयतां देवी सौभाग्यादिकमाप्नुयात्
sāvitrī prīyatāṃ devī saubhāgyādikamāpnuyāt
इत्य् आग्नेये महापुराणे तिथिव्रतानि नाम चतुर्नवत्यधिकतशततमो ऽध्यायः ॥
ity āgneye mahāpurāṇe tithivratāni nāma caturnavatyadhikataśatatamo 'dhyāyaḥ ||