Chapter 133

गर्भजातस्य वक्ष्यामि क्षेत्राधिपस्वरूपकं

garbhajātasya vakṣyāmi kṣetrādhipasvarūpakaṃ

नातिदीर्घः कृशः स्थूलः समाङ्गो गौरपैतिकः

nātidīrghaḥ kṛśaḥ sthūlaḥ samāṅgo gaurapaitikaḥ

रक्ताक्षो गुणवान् शूरो गृहे सूर्यस्य जायते

raktākṣo guṇavān śūro gṛhe sūryasya jāyate

सौभाग्यो मृदुसारश् च जातश् चन्द्रगृहोदये

saubhāgyo mṛdusāraś ca jātaś candragṛhodaye

वाताधिको ऽतिलुब्धादिर्जातो भूमिभुवो गृहे

vātādhiko 'tilubdhādirjāto bhūmibhuvo gṛhe

बुद्धिमान् सुभगो मानी जातः सौम्यगृहोदये

buddhimān subhago mānī jātaḥ saumyagṛhodaye

वृहत्क्रोधश् च शुभगो जातो गुरुगृहे नरः

vṛhatkrodhaś ca śubhago jāto gurugṛhe naraḥ

त्यागो भोगो च सुभगो जातो भृगुगृहोदये

tyāgo bhogo ca subhago jāto bhṛgugṛhodaye

बुद्धिमाञ्छुभगो मानी जातश्चार्किगृहे नरः

buddhimāñchubhago mānī jātaścārkigṛhe naraḥ

सौम्यलग्ने तु सौम्यः स्यात् क्रूरः स्यात् क्रूरलग्नके

saumyalagne tu saumyaḥ syāt krūraḥ syāt krūralagnake

दशाफलङ्गौरि वक्ष्ये नामराशौ तु संस्थितं

daśāphalaṅgauri vakṣye nāmarāśau tu saṃsthitaṃ

गजाश्वधनधान्यानि राज्यश्रीर्विपुला भवेत्

gajāśvadhanadhānyāni rājyaśrīrvipulā bhavet

पुनर्धनागमश्चापि दशायां भास्करस्य तु

punardhanāgamaścāpi daśāyāṃ bhāskarasya tu

दिव्यस्त्रीदा चन्द्रदशा भूमिलाभः सुखं कुजे

divyastrīdā candradaśā bhūmilābhaḥ sukhaṃ kuje

भूमिर्धान्यं धनं बौधे गजाश्वादिधनं गुरौ

bhūmirdhānyaṃ dhanaṃ baudhe gajāśvādidhanaṃ gurau

खाद्यपानधनं द्शुक्रे शनौ व्याध्यादिसंयुतः

khādyapānadhanaṃ dśukre śanau vyādhyādisaṃyutaḥ

स्नानसेवादिनाध्वानं वाणिज्यं राहुर्दर्शने

snānasevādinādhvānaṃ vāṇijyaṃ rāhurdarśane

वामनाडीप्रवाहे स्यान्नाम चेद्विषमाक्षरं

vāmanāḍīpravāhe syānnāma cedviṣamākṣaraṃ

तदा जयति सङ्ग्रामे शनिभौमससैंहिकाः

tadā jayati saṅgrāme śanibhaumasasaiṃhikāḥ

दक्षनाडीप्रवाहेर्के वाणिज्ये चैव निष्फला

dakṣanāḍīpravāherke vāṇijye caiva niṣphalā

सङ्ग्रामे जयमाप्नोति समनामा नरो ध्रुवं

saṅgrāme jayamāpnoti samanāmā naro dhruvaṃ

अधश्चारे जयं विद्यादूर्ध्वचारे रणे मृतिं

adhaścāre jayaṃ vidyādūrdhvacāre raṇe mṛtiṃ

सप्तवारन्न्यसेन्मन्त्रं ध्यात्वात्मानन्तु भैर् अवं

saptavārannyasenmantraṃ dhyātvātmānantu bhair avaṃ

चतुर्भुजन्दशभुजं विंशद्बाह्वात्मकं शुभं

caturbhujandaśabhujaṃ viṃśadbāhvātmakaṃ śubhaṃ

शूलखट्वाङ्गहस्तन्तु खड्गकट्टारिकोद्यतं

śūlakhaṭvāṅgahastantu khaḍgakaṭṭārikodyataṃ

भक्षणं परसैन्यानामात्मसैन्यपराङ्मुखं

bhakṣaṇaṃ parasainyānāmātmasainyaparāṅmukhaṃ

सम्मुखं शत्रसैन्यस्य शतमष्टोत्तरं जपेत्

sammukhaṃ śatrasainyasya śatamaṣṭottaraṃ japet

जपाड्डमरुकाच्छब्दाच्छस्त्रं त्यक्त्वा पलायते

japāḍḍamarukācchabdācchastraṃ tyaktvā palāyate

परसैन्यं शृणु भङ्गं प्रयोगेन पुनर्वदे

parasainyaṃ śṛṇu bhaṅgaṃ prayogena punarvade

श्मशानाङ्गारमादाय विष्टाञ्चोलूककाकयोः

śmaśānāṅgāramādāya viṣṭāñcolūkakākayoḥ

कर्पटे प्रतिमां लिख्य साध्यस्तैवाक्षरं यथा

karpaṭe pratimāṃ likhya sādhyastaivākṣaraṃ yathā

नामाथ नवधा लिख्य रिपोश् चैव यथाक्रमं

nāmātha navadhā likhya ripoś caiva yathākramaṃ

मूर्ध्नि वक्त्रे ललाटे च हृदये गुह्यपादयोः

mūrdhni vaktre lalāṭe ca hṛdaye guhyapādayoḥ

पृष्ठे तु बाहुमध्ये तु नाम वै नवधा लिखेत्

pṛṣṭhe tu bāhumadhye tu nāma vai navadhā likhet

मोटयेद्युद्धकाले तु उच्चरित्वा तु विद्यय

moṭayedyuddhakāle tu uccaritvā tu vidyaya

तार्क्ष्यचक्रं प्रवक्ष्यामि जयार्थं त्रिमुखाक्षरं

tārkṣyacakraṃ pravakṣyāmi jayārthaṃ trimukhākṣaraṃ

क्षिप ओं स्वाहा तार्क्षात्मा शत्रुरोगविषादिनुत्

kṣipa oṃ svāhā tārkṣātmā śatrurogaviṣādinut

दुष्टभूतग्रहार्तस्य व्याधितस्यातुरस्य च

duṣṭabhūtagrahārtasya vyādhitasyāturasya ca

करोति यादृशङ्कर्म तादृशं सिद्ध्यते खगात्

karoti yādṛśaṅkarma tādṛśaṃ siddhyate khagāt

स्थावरं जङ्गमञ्चैव लूताश् च कृत्रिमं विषं

sthāvaraṃ jaṅgamañcaiva lūtāś ca kṛtrimaṃ viṣaṃ

तत्सर्वं नाशमायाति साधकस्यावलोकनात्

tatsarvaṃ nāśamāyāti sādhakasyāvalokanāt

पुनर्ध्यायेन्महातार्क्ष्यं द्विपक्षं मानुषाकृतिं

punardhyāyenmahātārkṣyaṃ dvipakṣaṃ mānuṣākṛtiṃ

द्विभुजं वक्रचञ्चुं च गजकूर्मधरं प्रभुं

dvibhujaṃ vakracañcuṃ ca gajakūrmadharaṃ prabhuṃ

असङ्ख्योरगपादस्थमागच्छन्तं खमध्यतः

asaṅkhyoragapādasthamāgacchantaṃ khamadhyataḥ

ग्रसन्तञ्चैव खादन्तं तुदन्तं चाहवे रिपून्

grasantañcaiva khādantaṃ tudantaṃ cāhave ripūn

चञ्च्वाहताश् च द्रष्टव्याः केचित्पादैश् च चूर्णिताः

cañcvāhatāś ca draṣṭavyāḥ kecitpādaiś ca cūrṇitāḥ

पक्षपातैश्चूर्णिताश् च केचिन्नष्टा दिशो दश

pakṣapātaiścūrṇitāś ca kecinnaṣṭā diśo daśa

तार्क्ष्यध्यानान्वितो यश् च त्रिलोक्ये ह्य् अजयो भवेत्

tārkṣyadhyānānvito yaś ca trilokye hy ajayo bhavet

पिच्छिकान्तु प्रवक्ष्यामि मन्त्रसाधनजां क्रियां

picchikāntu pravakṣyāmi mantrasādhanajāṃ kriyāṃ

अमुञ्चन्द्रग्रहणे तु जपङ्कृत्वा तु पिच्छिकां

amuñcandragrahaṇe tu japaṅkṛtvā tu picchikāṃ

मन्त्रयेद् भ्रामयेत्सैन्यं सम्मुखं गजसिंहयोः

mantrayed bhrāmayetsainyaṃ sammukhaṃ gajasiṃhayoḥ

ध्यानाद्रवान् मर्दयेच्च सिंहारूढो मृगाविकान्

dhyānādravān mardayecca siṃhārūḍho mṛgāvikān

शब्दाद्भङ्गं प्रवक्ष्यामि दूरं मन्त्रेण बोधयेत्

śabdādbhaṅgaṃ pravakṣyāmi dūraṃ mantreṇa bodhayet

मातॄणां चरुकं दद्यात् कालरात्र्या विशेषतः

mātṝṇāṃ carukaṃ dadyāt kālarātryā viśeṣataḥ

श्मशानभस्मसंयुक्तं मालती चामरी तथा

śmaśānabhasmasaṃyuktaṃ mālatī cāmarī tathā

कार्पासमूलमात्रन्तु तेन दूरन्तु बोधयेत्

kārpāsamūlamātrantu tena dūrantu bodhayet

अरेर् नाशं दूरशब्दाज्जप्तया भङ्गविद्यया

arer nāśaṃ dūraśabdājjaptayā bhaṅgavidyayā

अपराजिता च धुस्तूरस्ताभ्यान्तु तिलकेन हि

aparājitā ca dhustūrastābhyāntu tilakena hi

वाह्यतो मातॄः संलिख्य सकलाकृतिवेष्टिताः

vāhyato mātṝḥ saṃlikhya sakalākṛtiveṣṭitāḥ

नागपत्रे लिखेद्विद्यां सर्वकामार्थसाधनीं

nāgapatre likhedvidyāṃ sarvakāmārthasādhanīṃ

हस्ताद्यैर् धारिता पूर्वं ब्रह्मरुद्रेन्द्रविष्णुभिः

hastādyair dhāritā pūrvaṃ brahmarudrendraviṣṇubhiḥ

गुरुसङ्ग्रामकाले तु विद्यया रक्षिताः सुराः

gurusaṅgrāmakāle tu vidyayā rakṣitāḥ surāḥ

रक्षया नारसिंह्या च भैरव्या शक्तिरूपया

rakṣayā nārasiṃhyā ca bhairavyā śaktirūpayā

सर्वे त्रैलोक्यमोहिन्या गौर्या देवासुरे रणे

sarve trailokyamohinyā gauryā devāsure raṇe

वीजसम्पुटितं नाम कर्णिकायां दलेषु च

vījasampuṭitaṃ nāma karṇikāyāṃ daleṣu ca

पूजाक्रमेण चाङ्गानि रक्षायन्त्रं स्मृतं शुभे

pūjākrameṇa cāṅgāni rakṣāyantraṃ smṛtaṃ śubhe

मृत्युञ्जयं प्रवक्ष्यामि नामसंस्कारमध्यग

mṛtyuñjayaṃ pravakṣyāmi nāmasaṃskāramadhyaga

कलाभिवेष्टितं पश्चात् सकारेण निबोधितं

kalābhiveṣṭitaṃ paścāt sakāreṇa nibodhitaṃ

जकारं विन्दुसंयुक्तं ओङ्कारेण समन्वितं

jakāraṃ vindusaṃyuktaṃ oṅkāreṇa samanvitaṃ

धकारोदरमध्यस्थं वकारेण निबोधितं

dhakārodaramadhyasthaṃ vakāreṇa nibodhitaṃ

चन्द्रसम्पुटमध्यस्थं सर्वदुष्टविमर्दकम्

candrasampuṭamadhyasthaṃ sarvaduṣṭavimardakam

अथवा कर्णिकायाञ्च लिखेन्नाम च कारणम्

athavā karṇikāyāñca likhennāma ca kāraṇam

पूर्वे दले तथोङ्कारं स्वदक्षे चोत्तरे लिखेत्

pūrve dale tathoṅkāraṃ svadakṣe cottare likhet

आग्नेय्यादौ च हूङ्कारन्दले षोडशके स्वरान्

āgneyyādau ca hūṅkārandale ṣoḍaśake svarān

चतुस्त्रिंशद्दले काद्यान् वाह्ये मन्त्रञ्च मृत्युजित्

catustriṃśaddale kādyān vāhye mantrañca mṛtyujit

लिखेद्वैभूर्जपत्रे तु रोचनाकुङ्ग्कुमेन च

likhedvaibhūrjapatre tu rocanākuṅgkumena ca

कर्पूरचन्दनाभ्याञ्च श्वेतसूतेण वेष्टयेत्

karpūracandanābhyāñca śvetasūteṇa veṣṭayet

सिक्थकेन परिच्छाद्य कलशोपरि पूजयेत्

sikthakena paricchādya kalaśopari pūjayet

यन्त्रस्य धारणाद्रागाः शाम्यन्ति रिपवो मृतिः

yantrasya dhāraṇādrāgāḥ śāmyanti ripavo mṛtiḥ

विद्यान्तु भेलखीं वक्ष्ये विप्रयोगमृतेर्हरीं

vidyāntu bhelakhīṃ vakṣye viprayogamṛterharīṃ

नवदुर्गासप्तजप्तान्मुखस्तम्भो मुखस्थितात्

navadurgāsaptajaptānmukhastambho mukhasthitāt

गृहीत्वा सप्तजप्तं तु खद्गयुद्धे ऽपराजितः

gṛhītvā saptajaptaṃ tu khadgayuddhe 'parājitaḥ